लूको 4:34 - लाहौली बाइबिल

³⁴ “हे नासरत नगर ओ यीशु, ञेंतिंङ करंङ साते छि कम? छि केई ञेंतिंङ सच़िमी थल्जी अन्देन आ? गेह कनिंङ ञेंहच़ातग कांह अरी शुनाह? कांह परमेश्वरो पवित्र मीह शुनाह।”

लूको 4:34 Iomraidhean Croise

मत्ती 8:29

दोच़ी हऊष रेह कुह्तोर, “हे परमेश्वरो योह यीशु! केई गेरंङ साते छि जुन्ज़ातन? कांह छि टईमाबे तुहई ञेंतिंङ बरदो रंड्रीमी थल्जी देहर अंज़े शुनाह?”

मरकुसो 1:24

“हे नासरत ओ यीशु, ञेंतिंङ करंङ साते छी कम? छि केई ञेंतिंङ सच़िमी थल्जी अन्देन आ? गेह का सेका, का अरी शुनाह? का परमेश्वरो पवित्र योह।”

मरकुसो 1:34

दोई महसे अंऊ महस पाहठी टेची तोईरे, अईन लहरी, महसे मांजी आत्मा हुन्दी, दंङ दोई मांजी आत्माबि कुट्री मा रेंहई, छना कुचे मांजी आत्मारे दुह सेचा तेर कि दिह परमेश्वरो योह शुह।

मरकुसो 5:7

यीशुज़ि दोऊ अंद्रेग अंऊ मांजी आत्मा तोहई दोऊ हखा कुंई, “हे मांजी आत्मा दिह मीहबी केट्रा धह्कते हुंच़ा इली।” मांजी आत्मा ए यीशु हखा हाऊष रेह कुंहई, “हे महान परमेश्वरो योह यीशु! केई गेरंङ साते छि जुन्ज़ातन? गेह करंङ साते परमेश्वरो मिंदंङ बिनती लहज़ातग कि केई गिह्बी दुख थारोंह।”

लूको 1:35

स्वर्गदूते दोबि जुबाब रेंई, “पवित्र आत्मा कनु टोईच़ी अपतो, दंङ परमप्रधान परमेश्वरो सामर्थ कनु टोईच़ी अपतो; दिऊ थल्जी कांह दोरच़ी जेह्की गंङकटु पवित्र शोतो दंङ, परमेश्वरो योह कहलाहएपोतो।

लूको 4:33

यहुदी सभा घरबारंङ इच्च़ा मीह तोहई, दोऊ अंद्रेग मांजी आत्मा तोहई। दोई मोह्ड़े सग रंङ साते हाऊष रेंई,

लूको 4:41

दंङ मांजी आत्मा हाऊष रें दीह कुट्रा, “कि कांह परमेश्वरो योह शुनाह,” महसेतु बिचंङज़ि हुंच़ा इलि। पर यीशु दोतिंङ रेहच़ि, दंङ दोतिंङ छले ला कुट्री माह रंड्राते, छना कुचे दोरे ञेंचातेर कि यीशु ए मसीह शुह।

लूको 8:28

दुह यीशु बि खांई हाऊष रेंई, दंङ दोऊ कछंङ दच्छे मोह्ड़े सग रंङ साते कुतोह, “हे महान परमेश्वर ओ योह यीशु! केई गेरंङ साते छि जुन्ज़ातन? गेह करंङ साते बिनती लहज़ातग कि केई गिह्बी दुख थारोंह।”

लूको 8:37

दंङ गिरासेनियो इलाकाओ देसी-न्वेच़ि भत्ते मीहज़ी यीशु रंङ साते बिनती लहरीर कि ञेंहतु दोरच़ी अच़ा इला; छना कुचे दोरे बेवा इलजी तोईरे, दंङ यीशु किशतीऊ टोईच़ी बंङज़ा अच़ा इलि।

प्रेरित 16:39

रोमी अधिकारी जेलंङ अतिर, दंङ पोलुस ए सिलासो दोरच़ी माफी पेट्री लेहतिर। दोहपल दोच़ी दोतिंङ जेलो धह्कते हुंच़े च़रतिर दंङ घड़ी-घड़ी दोतंङ साते शहरो धहकते इबिमी भीख पेट्री लेहतिर,

प्रेरित 2:27

छना कुचे केई गिह्बी सिए बंङज़ी माह रमोंन! दंङ माह केनोह पवित्र मीहू फुका बि अधोलोकंङ सुहफी रमोंन!

प्रेरित 3:14

केहच़ी दुह ग्रहण माह लहरिन अरि पवित्र ए धर्मी तोहई दंङ केहरे जुंज़ातंई कि इच्च़ा हत्यारा बि केहतु थल्जी रिहा लोहनी।

प्रेरित 4:27

छना कुचे हेले कांह पवित्र सेवक यीशु ऊ खिलाप रिंङ, अतु चुनाव केई लहतेन, रज्ज़ा हेरोदेस ए पुन्तियुस पिलातुस राज्यपाल ऊईजाति ऊ मीहतंङ साते ए इस्राएल देशो मीहतंङ साते दिह नगरंङ ठ्रोहका शुईरे।

इब्रानियों 2:14

छना कुचे अपि परमेश्वरे कटुरे कुह्चे बुलाएक्तो, दोतु इच्च़ा मीहू फुक तोहई। यीशु एनाह ए हेंदु ठ्रोह मीहू रूप धारण लहरी ताकि दोऊ मौतो दोरच़ी मौतो टोईच़ी अधिकार तहच़ा शेताना बि नाश लोहतो।

याकूब 2:19

कनिंङ विशवास तोह कि इच्च़ा ए परमेश्वर तोह; केई रूठे लहज़ातन; मांजी आत्माज़ि ला झांह ठ्रोह विशवास लहज़ातोर, दंङ डकेक्पा तोर।

1 यूहन्ना 3:8

अच़ि लाह लगातार पाप लहज़ी लेहकी शवात, दुह शेतानो दोरच़ी शुह, छना कुचे शेतान शुरूआत बे पाप लहज़ा अंज़े तोह, परमेश्वरो योह झांह लेह अंज़े शुह कि शेतानो कमो नाश लोहतो।

प्रकाशित वाक्य 20:2

दोई अजगर मतलब ऊई ओमड्रा अपि शेतान ला कुट्री, झपटेगी च़ुमने च़रति। दोई दोबि छ़ुह्च़ी च़रति दंङ महसे डुह्गे गड्डा रिंङ छङें च़रति, दोई पेतंङ बन्द लेह च़रति दंङ दोर्तिंङ मोहर लगाके च़रति ताकि दोबि इच्च़ा हज़ार साल तचेक युप्सी माह जूंस। झांह लेह, दुह मुक्का ओ टेमा रिंङ, शेतान इच्च़ा हज़ार साल तचेक मीहतिंङ धोखा रें मरपोतो। दोऊ थल, दोबि यह्च़ा थोड़े टेमो थल्जी आज़ाद लेह च़रपोतो।

प्रकाशित वाक्य 3:7

फिलेदिलफिया शहरो कलीसियाओ स्वर्ग दूताबि दि डाक च़ेऊ, कि दि खबर दोऊ दोरच़ी शुह अंऊ पवित्र ए सत्य तोह, दुह अतु कछंङ दाऊदो राजो अधिकार तोह। अगर दोई पेतंङ अलज़ा, दंङ अच़िला दुह बंद लेह मरच़ि। दंङ अगर दोई दुह बंद लेह केई, दंङ अच़िला दुह अल्ज़े मरपोतो। दोई दिए कुट्रा कि,