लूको 4:18 - लाहौली बाइबिल

¹⁸ “प्रभुऊ आत्मा गिऊ टोईच़ी तोह, छना कुचे कि दोई गरीबातिंङ रूठे खबर सुनाएच़िमी थल्जी गिऊ अभिषेक लहसी शुह। दंङ गेह दिऊ थल्जी चरच़ि शुगाह कि केदीतिंङ छुटकारा ए कांणे दोतिंङ खंड्रिमी रूठे खबर सुनाएपोग, दंङ दुखी ए लचार मीहतिंङ दोतु दोरच़ी छुड़ाएपोग अच़ि दोतु टोईच़ी अत्याचार लाहतोर,

लूको 4:18 Iomraidhean Croise

मत्ती 11:5

कि काणे दोच़ी खमातोर, लट्टे दोरे जोज़ातोर, कोढ़ीरे शुद्ध शवाहतोर टंऊंणे दोच़ी थचातोर, सिए दोरे षीङमी लोहातोर, कंगालतिंङ रूठे खबर खोकसा।

मत्ती 12:18

“खांई, दिह गिऊ परगर शुह, अरी गेह अंङषी शुगाह; गिऊ प्यारे, अतु दोरच़ी गिऊ सेहम राजी शुहचे तोह; गेह घेंङौ आत्मा दोऊ टोईच़ी केओग; दंङ दोरे ऊईजाति तु न्यायो खबर रमोतो।

मत्ती 12:20

दोई अतुला नुकसान माह लोहतो, अंऊ मीहरे थकषे ब्रंज़ो ठ्रोह कमज़ोर तोतोर। अति छिला परेशानी तोह दुह टुह्ह रंड्रा लह्म्पो ठ्रोह तोह, अपि दोई नुकसान माहलोहतो। अपेहल तचेक न्याय पक्‍का मलोह्तो।

मत्ती 4:16

परमेश्वराबि माहञेंहच़ा हंञरिंङ बंङज़ा ऊईजाति तिंङ इच्च़ा मोह्ड़े छंङी तंङफोतो। दिह छंङी दोतिंङ मुक्तिऊ अम कंबोतो अरी परमेश्वराबि माह ञेंच़ातोर दंङ हमेशाओ सिमी अमरिंङ तोतोर।”

मत्ती 5:3

“धन्य शुहरे दोरे, अरी परमेश्वरो थल्जी एनोह ज़रुरतो एहसास लहज़ातोर, छना कुचे स्वर्गो राज दोतु शुह।

लूको 4:17

यशायाह भविष्यवक्ताओ कताब दोबि रेंईर, दंङ दोई कताब अल्ज़े, दुह ठहरि हुंति अंऊर च़ेहसी तोहई:

लूको 6:20

दंङ यीशुज़ि एनोह चेला तु हखा खांई कुंई, “धन्य शुहरे दोरे, अरी परमेश्वरो थल्जी एनोह ज़रुरतो एहसास लहज़ातोर, छना कुचे स्वर्गो राज दोतु शुह।”

लूको 7:22

दंङ यीशुज़ि यूहन्नाओ चेला तु हखा कुहतो, “छिला ला केहच़ी खंयातन ए रेड्रातन, इलजे यूहन्ना रंङ साते कुंई कि काणे दोरे खंड्री लेहकी तोतोर, लट्टे ज़ोवातोर, कोढ़ी रे शुद्ध शुहबी लेहकी तोतोर, टंऊंणे दोरे रेड्री लेहकी तोतोर, सीए दोरे श्रींङी लेहकी तोतोर, दंङ गरीबातिंङ रूठे खबर सुनाएची लेहकी तोह।

यहून्नो 1:41

दोई मुण्डा एनोह सका न्वा शमौन रंङ साते दोइए कुहतो, ञेंतिंङ मसीह मतलब परमेश्वरो दोरच़ी अभिषेक लहसी खोकसा इलज़ा।

यहून्नो 12:46

गेह संसारारंङ छंङी शुहचे अंज़े शुगाह, कि अच़िला गिऊ टोहकठे विशवास लोहतो दुह हंयारा रिंङ माह बंङज़ोतो।

यहून्नो 3:34

छना कुचे अतिंङ परमेश्वरे च़रति, दोई परमेश्वरो गप्पा लहज़ी: छना कुचे दिह ए दुह ए शुह अतिंङ परमेश्वरे पवित्र आत्मा भरपूरी रंङ साते रांहषी ततो।

प्रेरित 10:38

केतिंङ दि ला पता तोह परमेश्वरे छना ठ्रोह नासरत नगरो यीशु बि पवित्र आत्मा ए सामर्थ रंङ साते अभिषेक लहरी; दुह ठहरि-ठहरि इलजी हमेशा मीहतु थल्जी भलाईओ कम लहज़ाते, दंङ दोतिंङ आईन लहरी अंऊ दोरे शेतानो वहज़ा ज़ि तकलीफा रिंङ तोईरे, छना कुचे परमेश्वर दोरंङ साते तोहई।

प्रेरित 26:18

कि केरे दोतिंङ दि समझेक्सिमी थल्जी मदत लंहि कि छि सही शुह, कि दोरे हंयारो दोरच़ी छंङीरिंङ किरज़ा योर, दंङ शेतानो अधिकारो अधीन बेहच़ी परमेश्वरो अधिकारो अधीन बंङज़ी शुरू लेह तरपोर; दोहपल परमेश्वर दोतु पाप माफ लेह च़रपोतो, दंङ दुह दोतिंङ दुह भत्ते मीहतंङ विरासत रमतो अंऊ गिऊ टोईच़ी विशवास लहज़ातोर। दिए गप्पा यीशु ज़ि गिऊ हखा कुई।

प्रेरित 4:26

प्रभु परमेश्वर ए दंङ अपि मसीह शुहबिमी थल्जी दोई अंङषी ततो दोऊ खिलाप धरतीऊ रज्ज़ा खड़े शुहचे इलिर; दंङ अधिकारीर इच्च़ा साते ठ्रोहका शुहचे इलिर।

प्रेरित 4:27

छना कुचे हेले कांह पवित्र सेवक यीशु ऊ खिलाप रिंङ, अतु चुनाव केई लहतेन, रज्ज़ा हेरोदेस ए पुन्तियुस पिलातुस राज्यपाल ऊईजाति ऊ मीहतंङ साते ए इस्राएल देशो मीहतंङ साते दिह नगरंङ ठ्रोहका शुईरे।

कुलुस्सियों 1:13

छना कुचे परमेश्वरे हेनर शैतानो शाक्ति दोरच़ी छुड़ाके एनोह प्यारे योहऊ राज्यरिंङ शामिल लोहतो।

याकूब 2:5

हे गिऊ प्यारे साथी विशवासी रे रेड्रुंई। छि परमेश्वरे दि संसारो गरीबातिंङ अंङे चरच़तो कि दोरे विशवासरिंङ साहुकार, दंङ दुह राज्यऊ अधिकारी शोर, अतु वाईदा परमेश्वरे दोतंङ साते लहसी ततो, अंऊ दोहरंङ साते दाह लहज़ा तोर?

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।