लूको 3:8 - लाहौली बाइबिल

⁸ दिऊ थल्जी केनातु व्यवहार दोरच़ी दिह साबित लांही कि केहच़ी पापो दोरच़ी सेहम यह्च़ी चरच़ातंई; दंङ परमेश्वरो कछंङ अच़ा अन्दंई। दंङ दिह थाह सोचेक्तुंई कि केरे दिह कुट्रा सज़ाओ दोरच़ी बचेके योंई कि ञेंहतु बाह-मेमे अब्राहम शुह। गेह केतंङ साते कुट्रातग कि परमेश्वर दिह रघटेतु दोरच़ी लाह अब्राहमो थल्जी औलाद पैदा लेह तरपोतो।

लूको 3:8 Iomraidhean Croise

मत्ती 21:43

दिऊ थल्जी गेह केतंङ कुट्रातग कि परमेश्वरो राज्य केहतु दोरच़ी लेहपशे झांह ठ्रोह ऊईजाति तिंङ रमोतो अच़ि रुठे परिणाम हपोतो।

मत्ती 3:8

दिऊ थल्जी केनातु व्यवहार दोरच़ी दिह साबित लांही केहच़ी पापो दोरच़ी सेहम यह्च़ी चरच़ातंई; दंङ परमेश्वरो कछंङ अच़ा अन्दंई।

मत्ती 3:9

दंङ दिह थाह सोचेक्तुंई कि केरे दिह कुट्रा सज़ाओ दोरच़ी बचेके योंई कि ञेंहतु बाह-मेमे अब्राहम शुह। गेह केतंङ साते कुट्रातग कि परमेश्वर दिह रघटेतु दोरच़ी लाह अब्राहमो थल्जी औलाद पैदा लेह तरपोतो।

लूको 13:25

अपेहल परमेश्वर अंऊ चुंङो मालिक शुह खड़े शुहचे पितंङ बंद लेह च़रपोतो, दंङ केरे दखतेह खड़े शुहचे पितंङ ठुकठुक लहच़ी ए बिनती लेह कुंई, हे प्रभु, ञेंहतु थल्जी पितंङ अल्ज़े च़रतु, दंङ दोई तोंङज़ि जुबाब रमोतो, गेह केहरे माह सेहका, केरे अंऊरकि शुंईआ?

लूको 13:26

दंङ केहच़ी कुंई ञेंहरे करंङ साते ज़ेह ए तुंङमातेंई दंङ केई ञेंहतु गलीरिंङ शिक्षा रंड्रातन।

लूको 14:9

दंङ अच़ि कनिंङ ए दोबि झुल्लाकु तिंङ शाहदेकसी तोह, अंज़े करंङ कुट्रा कि, दिबी ठहरि रंऊ दंङ कनिंङ शर्मिन्दा शुहचे भत्ते बे थल मुखंङ ठाहरिंङ बंङज़ी लेह्पोतो।

लूको 19:40

यीशु ज़ि दोतिंङ जुबाब रेंई, “गेह केतंङ साते हेले कुट्रातग अगर दिहरे चुह्पे बंङज़िरे, ता रघटे हाऊषेके योर।”

लूको 19:9

दंङ यीशु ज़ि दोबि कुहतो “तोहग दिह घरबारो मीहतु बिचंङ उद्धार शुहचा, छना कुचे कि दिह लाह अब्राहमो खानदानो शुह,

लूको 5:21

दंङ यहुदी शास्त्री ए फरीसी मीहरे बिवाद लहज़ी लेहतिर, “दीह मीह अरी शुह! दी ता परमेश्वरो बुराई लहज़ा! परमेश्वरो अलावा ऊई अच़िला पाप माफ लेह मरच़ि!”

यहून्नो 8:33

दोच़ी यीशु बि जुबाब रेंईर, “ञेंहरे ता अब्राहमो खानदानो शुई, दंङ अतुला गुलाम माह शुई दंङ केई छिला कुट्रातन कि केहरे आज़ाद शुहचे योंई?”

यहून्नो 8:39

दोच़ी यीशु बि जुबाब रेंईर, “ञेंहतु बाह मेमे ता अब्राहम शुह।” यीशु ज़ि दोतंङ साते कुंई, “अगर केहरे अब्राहमो खानदानो शुहचंङ ता, अब्राहमो ठ्रोह कम लंहीयां।

प्रेरित 26:20

पर गेह तुहई दमिश्क शहरा रिंङ यहुदी तिंङ प्रचार लहरिगा, दोहथल यरूशलेम शहरो बंङज़ा तिंङ, दंङ भत्ते यहूदिया प्रदेशारिंङ रिंङ दंङ ऊईजाति मीहतु बिचंङ गेह प्रचार लहरिगा, कि केनातु पापो दोरच़ी सेहम किर्ज़ुंई दंङ परमेश्वरो हखा किरज़ा केनातु व्यवहारो दोरच़ी दि साबित लंहि कि केहच़ी पापो दोरच़ी केनातु सेहम किरज़े चरच़ातंई।

रोमियो 4:16

झांह लेह मीहच़ी विशवासो दोरच़ी परमेश्वरो वाईदा खोक्तिर। दि दिऊ थल्जी शुहबी ताकि मोह्ड़े दाह दोरच़ी खोकसोतो। दंङ अब्राहमो भत्ते कटुतिंङ दुह वाईदा खोकसोतो। दि सिर्फ दोतु थल्जी मशत पर अंऊ मुसाओ कानूनो अधीन बंङज़ातोर, पर हर इच्च़ा दुह मीहू थल्जी तोह, अंऊ अब्राहमो ठ्रोह विशवासरिंङ श्रींङी बंङज़ा, अंऊ हेंदु भत्ते तु पूर्वज शुह।

रोमियो 9:7

अब्राहमो खानदाना रिंङ जेह्कपिमी रंङ साते भत्तेरे परमेश्वरो सच्ची ओलाद शुहबी मरपोर, छना कुचे परमेश्वरे अब्राहमो हखा कुहते, “अंऊ इसहाको खानदाना रिंङ जन्म लेहपच़ा तोर, दोरे ए कांह खानदान शोर।”

फिलिपियों 1:11

छना इच्च़ा बुट फल पैदा लहज़ा ध्वांए केहच़ी धर्मिकताऊ कम लोहवा लंहि अंऊ प्रभु यीशु मसीहू दोरच़ी शवाह दोरंङ साते भरपूर शुचे इलेंई अतु दोरच़ी यीशु मसीहू महिमा ए षटणा शुहबी जूंस।