लूको 3:7 - लाहौली बाइबिल

⁷ अंऊ भीड़ ए भीड़ दोहरंङ ज़ि बपतिस्मा लेहप्च़िमी थल्जी अपते, दोतंङ साते दुह कुट्राते, “केहरे विष ज़डे ओमड्रातु ठ्रोह मदम तोतोन, केहतु दिह सोचेक्सी गलत शुह कि सिर्फ बपतिस्मा लेहप्च़िमीरंङ साते केहच़ी केनातु पापो दोरच़ी केतिंङ कंड्री कि अंजा रोह्षज़ि पोहकतुंई।

लूको 3:7 Iomraidhean Croise

मत्ती 12:34

केहरे बिषज़ड़े ओमड्रो कटुतु ठ्रोह तोतोंई! केरे मांजी शुहचे छना रूठे गप्पा कुट्री तरच़ातंई? छना कुचे छि सेहमरिंङ पिंङषी तोह, दुहए आहरिंङ अपि।

मत्ती 23:33

हे ज़हरीले ओमड्रो कटुतु ठ्रोह मांजी मीहरे, केरे नरकंङ सज़ाओ दोरच़ी माह बचेकपोंई।

मत्ती 3:6

अपेहल दोच़ी एनोह पाप मनेके च़रति दंङ यूहन्नाज़ि दोतिंङ यरदन बेंडीरिंङ बपतिस्मा रेह च़रति।

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

प्रेरित 13:10

“हे कपटी ए भत्ते चलाकी रंङ साते बिंङे शेतानो कपूता, भत्ते धर्मिकता ओ बेरी, छि केई प्रभु ऊ सीधा अम ढेहरे लेह ब्याड़ा माह लोहन आ?

1 थिस्सलुनीकियों 1:10

दंङ दोच़ी कुट्रातोर कि केरे छना परमेश्वरो योह स्वर्गो दोरच़ी वापिस अपिमी उम्मीद लहज़ातंई, अतिंङ परमेश्वरे सिऊ दोतु बिचंङ श्रींङमी लहरी, मतलब यीशु बि, अंऊ हेंदिंङ परमेश्वरो दुह न्यायो दोरच़ी बचाएच़ा अंऊ अपिमी तोह।

इब्रानियों 6:18

दंङ देर यह्च़ा झुह्ट गप्पो ज़िकर तोह, इच्च़ा दोऊ वाईदा, दंङ अई दोऊ कसम, अंऊ अपेहल ला लेहक्सतो माह दंङ अतु पाहठी परमेश्वर अपेहल ला हप्सी कुट्री मरपोतो। झांह लेह अंऊ हेनर परमेश्वरो कछंङ सुरक्षा खोकसिमी थल्जी अंज़े शुहई दंङ अंऊ उम्मीद दोई हेंदिंङ रांहषी ततो, दोबि चुमज़ा बंङज़ा तोंहि, दंङ हेनर महस खुश तोतोंई।

1 यूहन्ना 3:8

अच़ि लाह लगातार पाप लहज़ी लेहकी शवात, दुह शेतानो दोरच़ी शुह, छना कुचे शेतान शुरूआत बे पाप लहज़ा अंज़े तोह, परमेश्वरो योह झांह लेह अंज़े शुह कि शेतानो कमो नाश लोहतो।