लूको 3:23 - लाहौली बाइबिल

²³ अपेहल यीशु ऐनाह शिक्षा रंड्री लेहती, ता दुह मुका दुह निंज़ो सा सालो तोहई दंङ (छना समझेकी यउवा) यूसुफो योह दंङ दुह एली ओ,

लूको 3:23 Iomraidhean Croise

मत्ती 1:1

दिह यीशु मसीहू बाह-मेमेतु मिन्दु पाहठी अंऊ रज्ज़ा दाऊदो खानदानो तोहई दंङ रज्ज़ा दाऊद अब्राहमो खानदानो तोहई।

मत्ती 1:16

याकूबो योह यूसुफ, अंऊ मरियमो गगसा तोहई, दंङ मरियमो दोरच़ी यीशु जेह्कते अतिंङ मसीह ला कुट्रातोरे।

मत्ती 1:6

दंङ यिशैऊ योह रज्ज़ा दाऊद तोहई। दंङ दाऊदो योह सुलेमान अंऊ दुह मेच़मीऊ दोरच़ी जेह्कते अरी तुहई उरिय्याहो मेच़ा तोहई,

मत्ती 13:55

छि दिह सिङ कहम लहज़ा ओ (बढाईऊ) योह मशुहदा? छि दिऊ याहऊ मिन मरियम, दिऊ न्वारेतु मिन याकूब, यूसुफ, शमौन ए यहूदा मशुहदा।

मत्ती 4:17

दुह मुक्का ज़ि यीशुज़ि प्रचार लाहज़िए दिह कुट्री शुरू लहरी, “केनातु पापो दोरच़ी सेहम किर्ज़ुंई छना कुचे स्वर्गो राज्य कछंङ पिचे अंजा।”

मरकुसो 6:3

दि ता मिस्त्रीऊ, ए मरियमो योह शुह, दंङ याकूब, योसेस, यहूदा, दंङ शमौनो मोह्ड़े न्वा शुह। दिऊ रिङरेह ला ञेंहतु बिचङ बंङज़ातोर, दोच़ी दोबि ठुकराके केई।” झांह लेह दुह मीहतिंङ दोऊ टोहकठे शक शुहचे इलि दंङ दोच़ी दोऊ टोहकठे विशवास माह लहरिरे।

लूको 2:48

दंङ दोऊ याह बाह दोबि खांई हेरान शुहचे इलि दंङ दोऊ याहज़ि दोरंङ साते कुतोह, “हे कटु केई ञेंतंङ साते झांह छिले लहतेन? खंणु, कनु बाह ए गेह चिंदरंङ साते कनिंङ पेट्री लेहकी तोईरे?”

लूको 3:31

दंङ दुह मलेआहओ, दंङ दुह मिन्नाहो, दंङ दुह मत्ती ओ, दंङ दुह नातानो, दंङ दुह दाऊदो,

लूको 4:22

दंङ भत्तेज़ि दोबि शाबाशी रेंई, दंङ अंऊला मोह्ड़े दाह गप्पा दोऊ आहच़ि हुंच़ाते, दोतंङ साते हेरान शुहचे इलिर; दंङ कुट्री लेहतिर, “छि दीह यूसुफो योह माह शुहआ?”

यहून्नो 1:45

फिलिप्पुसे नतनएल रंङ साते दोई दंङ दोरंङ कुहतो, “अतु पाहठी मूसा ज़ि कानूना दंङ भविष्यवक्ता लहरिरे, दुह ञेंतिंङ खोकसा इलिरे; दुह नासरत नगरो यूसुफो योह, यीशु शुह।”

यहून्नो 6:42

दंङ दोरे कुट्री लेहतिर, “छि दिह यूसुफो योह यीशु माह शुहआ, अतु याह बाह बि ञेंहरे ञेंइन? ता दोई छिला कुट्रा कि गेह स्वर्गंङच़ि तक्सी शुगाह?”

प्रेरित 1:1

आदरणीय थियुफिलुस, गिऊ मुण्डो कताबंङ गेह केतिंङ दुह भत्ते गप्पो पाहठी कंड्रातग अंऊ यीशु ज़ि लहज़ी ए सिखाएच़ी शुरू लहरी,