लूको 3:22 - लाहौली बाइबिल

²² दंङ पवित्र आत्मा कबूतरो ठ्रोह दोऊ टोईच़ी अति, दंङ स्वर्गंङज़ि परमेश्वरो सग अति कि, “का गिऊ प्यारे योह शुनाह। दंङ गेह करंङ साते खुश तोतोग।”

लूको 3:22 Iomraidhean Croise

मत्ती 12:18

“खांई, दिह गिऊ परगर शुह, अरी गेह अंङषी शुगाह; गिऊ प्यारे, अतु दोरच़ी गिऊ सेहम राजी शुहचे तोह; गेह घेंङौ आत्मा दोऊ टोईच़ी केओग; दंङ दोरे ऊईजाति तु न्यायो खबर रमोतो।

मत्ती 17:5

पतरस अईता कुट्री ए लेहकी तोहई इच्च़ा छंङसे डुह दोतु टोईच़ी अच्च़ा अति, दुह डुए दोरे कपची च़रति दंङ दोतु हखा डुह बिचंङज़ि परमेश्वरे कुंहई, “दिह गिऊ प्यारे योह शुह अतंङ साते गेह राजी तोतोग; दिऊ रेड्रुंई।”

मत्ती 27:43

दोई परमेश्वरो टोईच़ी विशवास लहसी तहरे अगर दोई दिह जुंज़ा, दाह दिह छुड़ातु, छना कुचे दिह कुहषी तहरे, गेह परमेश्वरो योह शुगाह।”

मत्ती 3:13

दुह मुक्का यीशु गलील प्रदेशंङज़ि यरदन बेंड़ीऊ हखा यूहन्नाओ दोरच़ी बपतिस्मा लेहप्च़िमी थल्जी अन्दे।

मत्ती 3:16

दंङ यीशु बपतिस्मा लेहपच़ा दोहथरे तिरिंङ ज़ि हुंज़ा धक्तेक्का अति, दंङ दोऊ थल्जी सर्ग अल्सा इलि, दंङ दोई परमेश्वरो आत्मा कबूतरो ठ्रोह तहकसी एनोह टोईच़ी अपि तंङतो।

मत्ती 3:17

दंङ स्वर्गंङज़ि परमेश्वरो सग अति: “दिह गिऊ प्यारे योह शुह अतंङ साते गेह महस खुश तोतोग।”

मरकुसो 1:11

दंङ सर्गंङज़ि परमेश्वरो सग अति कि, “का गिऊ प्यारे योह शुनाह। दंङ गेह करंङ साते खुश तोतोग।”

मरकुसो 1:9

दुह ध्याड़ा रिंङ अपेहल युहना ज़ि बपतिस्मा रंड्राते, दंङ यीशु गलील प्रदेशो नासरत नगरो दोरच़ी अंज़े यरदन बेंड़ीऊ कछंङ इलि दंङ यूहन्ना ओ दोरच़ी बपतिस्मा लेहप्चिरी।

मरकुसो 9:7

दंङ इच्च़ा मोह्ड़े डुए दोरे कपची च़रति दंङ दोच़ी हखा डुह बिचंङज़ि परमेश्वरे कुंहई, “दि गिऊ प्यारे योह शुह, दिऊ रेहड्रोंई।”

लूको 2:14

“स्वर्गंङ परमेश्वरो महिमा दंङ धरतीऊ टोईच़ी दुह मीहतु बिचंङ अतु दोरच़ी दुह खुश तोह, शांति शोतो।”

लूको 4:21

दंङ यीशु दोतंङ साते कुट्री लेहती, “तोग ए दीह बचन केहतु तुईज़ी पुरे शुहचे इलि।”

यहून्नो 1:32

दंङ यूहन्ना ज़ि दी गवाही रेंई; गेह पवित्र आत्माबि कबूतरो ठ्रोह सर्गंङ ज़ि योंखा तक्सी तंङरिगा, दंङ दुह दोऊ टोईच़ी नहच़ीरी!

यहून्नो 12:28

हे पिता परमेश्वर प्रगट लोह कि कांह अंयों महिमा ओ जोगे तोतोन।” दंङ सर्गंङ ज़ि दिह आकाशवाणी शुई, गेह कंङातग कि गेह अंयों महिमा ओ जोगे तोतोग दंङ गेह दिह्बी यह्च़ा प्रगट लोहग।

यहून्नो 5:37

दंङ पिता परमेश्वर अच़ि गेह च़रसी शुगाह, दोइए गिऊ गवाही रेंई! केहच़ी माह दोऊ सग थशातंई, दंङ माह दोऊ केनातु तुईज़ी तंङातंई।

प्रेरित 10:38

केतिंङ दि ला पता तोह परमेश्वरे छना ठ्रोह नासरत नगरो यीशु बि पवित्र आत्मा ए सामर्थ रंङ साते अभिषेक लहरी; दुह ठहरि-ठहरि इलजी हमेशा मीहतु थल्जी भलाईओ कम लहज़ाते, दंङ दोतिंङ आईन लहरी अंऊ दोरे शेतानो वहज़ा ज़ि तकलीफा रिंङ तोईरे, छना कुचे परमेश्वर दोरंङ साते तोहई।

कुलुस्सियों 1:13

छना कुचे परमेश्वरे हेनर शैतानो शाक्ति दोरच़ी छुड़ाके एनोह प्यारे योहऊ राज्यरिंङ शामिल लोहतो।

1 पतरस 2:4

एंतेग केरे प्रभु यीशु कछंङ अंज़े तोतोंई, अंऊ श्रींङी रह्घ तु ठ्रोह तोह। मीहच़ी दि रह्घ बेकार चेहके छोड़ेके चरच़ातेर। पर परमेश्वरे दोबि कीमती चेहके अंङे च़रति दंङ दोबि मुयांदो खास रह्घ बणाके च़रति। एंतेग केरे ला श्रींङी रह्घ तु बराबर शुई, अतिंङ परमेश्वर इच्च़ा आत्मिक चुम बणाएषिमी थल्जी इस्तेमाल लहज़ा। परमेश्वरे केतिंङ पवित्र यहुदी पुरोहिता तु समाज बणाके च़रति ताकि केरे प्रभु यीशु मसीहू दोरच़ी परमेश्वरा बि खुश लहज़िमी जोगे बलिदान चढ़ाके तरपोंई।