लूको 3:16 - लाहौली बाइबिल

¹⁶ दंङ यूहन्नाज़ि दोतंङ जुबाब रन्दो, “गेह ता केतिंङ ती रंङ साते बपतिस्मा रंड्रातग, पर दुह अपिमी तो अंऊ गेह बे ला शक्तिमान तोह; गेह दिऊ जोगे ला माह शूगाह कि कोंङा शुहचे दोऊ बुटो तस्मा युफोग, दोई केतिंङ पवित्र आत्मा ए मेह रंङ साते बपतिस्मा रमतो।

लूको 3:16 Iomraidhean Croise

मत्ती 3:11

गेह केतिंङ ती ज़ि बपतिस्मा रंड्रातग अच़ि एनोह पापो दोरच़ी सेहम यहच़ातोर दंङ परमेश्वरो कछंङ अपातोर। गिऊ थल दुह अंजा शुह, अंऊ गिह्बी ला महस शक्तिशाली तोह, गेह दोऊ बूठ कुर्चिमी जोगे ला माह तोग। दंङ दुह केतिंङ पवित्र आत्मा रंङ बपतिस्मा रमतो।

मत्ती 3:12

दोऊ पेषिंङ दोऊ गुहड़िंङ तोह, दंङ दोई एनोह रीह रूठे रंङ साफ लोहतो, दंङ एनोह छ्वाह ता कोठलीरिङ ठ्रोहका लोहतो, दंङ भूसा बि दुह मेहरिंङ छंङमोतो अतु मेह सियोतो ए माह।”

यहून्नो 1:26

यूहन्ना ज़ि दोबि जुबाब रेंई गेह ता केतिंङ ती रंङ साते बपतिस्मा रंदेग पर केहतु विचंङ इच्च़ा मीह खड़े तोह अच़ि केहच़ी माह ञेंहनी।

यहून्नो 1:27

मतलब दुह गिऊ थल अबिमी तोह, गेह दिऊ जोगे माह शुगाह कि कोंङा शुहचे दोऊ बुह्टो तस्मा युफोग,

यहून्नो 1:33

गेह ता दुह माह सेहचातग, पर अच़ि गिह्बी ती रंङ बपतिस्मा रंड्रीमी थल्जी च़रसी तोहई, दोई ए गेरंङ साते कुई, अतु टोईच़ी केई आत्माबि तक्सी दंङ नह्च़ी खमोंई, दुह ए पवित्र आत्मो बपतिस्मा रंड्रा शुह।

यहून्नो 7:38

अच़ि गिऊ टोहकठे विशवास लोहतो, छना पवित्र शास्त्रा रिंङ च़ेहसी तोह, ‘दोऊ सेहमो अंद्रेग च़ि तिऊ बेंडी अच़ि जीवन रंड्री हुंच़ा अपतो।’”

प्रेरित 1:5

छना कुचे यूहन्ना ज़ि ता केतिंङ ती रंङ साते बपतिस्मा रंदे पर थोड़े ध्याड़ो थल परमेश्वरे केतंङ साते बंङज़िमी थल्जी पवित्र आत्माबि च़रपोतो।”

प्रेरित 10:44

पतरस दिह गप्पारे कुट्री ए लेह्की तोहई कि पवित्र आत्मा दुह भत्तेतु टोहकठे तक्सा अति, अंऊ दोऊ बचन रेड्री लेहकी तोईरे।

प्रेरित 2:33

परमेश्वरे यीशु बि भत्ते बे उथड़े ठहरि तचेक खेका लहरी। हेंतेग दुह भत्ते बे उथड़े ठहरि बंङज़ा तोह स्वर्गंङ परमेश्वरो सुचंङ गुहडो हासी। दोबि पवित्र आत्मा रांहषी ततो, दंङ दोई पवित्र आत्मा ञेंतिंङ रांहषी ततो छना कि केहरे तोग रेड्रातंई ए खंड्रातंई।

1 कुरिन्थियों 12:13

छना कुचे हेंज़ी भत्ते ज़ि चाहे दू यहुदी शुह, चाहे ऊई जाति, या चाहे परगर शुह, चाहे आज़ाद, इच्च़ा ए आत्माओ दोरच़ी इच्च़ा फुक शुहबिमी थल्जी बपतिस्मा लेहपच़ातंई, दंङ हेंज़ी भत्ते ज़ि दू ए आत्मा खोकसी तातंई छना ठ्रोह हेंज़ी भत्ते ज़ि इच्च़ा कोलीऊ दोरच़ी तुंङमातंई।