लूको 3:13 - लाहौली बाइबिल

¹³ दोई दोतिंङ जुबाब रेंई, “अंऊ केहतु थल्जी अधिकारीऊ दोरच़ी तोह, दोबि ज्यादा चुंगी था लेहप्तुंई।”

लूको 3:13 Iomraidhean Croise

मत्ती 7:12

दिऊ थल्जी केहच़ी मीहतु दोरच़ी केन्दु थल्जी छना लह्जी जुंज़ातंई, केहच़ी ला दोतंङ साते ध्वांए लंहि, छना कुचे मूसाऊ कानून ए भविष्यवक्ताओ लेखो मतलब दिह तोह।

लूको 19:8

जक्कई ज़ेइमी टेमारिंङ खड़े शुहचे प्रभु यीशु हखा कुट्री लेहती, “हे प्रभु, खंणु गेह घेंङौ अध्धा टंगा ढबाह गरीबातिंङ रंड्रातग, अगर गेह अतुआ दोरच़ी चुंगी लेहप्च़िमी टेमा छिला गलत लेह छिला लेहपसी तातग ताह, दोबि गेह पी गुणा लेह रें च़रपोग।”

लूको 3:12

दंङ चुंगी लेह्पच़ाड़ दोरे ला बपतिस्मा लेहप्च़िमी थल्जी अतिरे दंङ दुह रुहक्ती, “हे गुरु, ञेंहच़ी छी लोहनी?”

लूको 3:14

दंङ सेनिकज़ि ला दोरंङ साते दी ए रुहक्ती, “ञेंहच़ी छी लोहनी?” दोई दोतंङ साते कुतोह, “अतु टोईच़ी ला मदम थालांई दंङ माह अतु टोईच़ी हप्सी दोष लगाएतुंई, दंङ एनोह कमाई टोईच़ी तस्सली लाह्नी।”

1 कुरिन्थियों 6:10

माह चोरी, माह लालची, माह सरा तुंङज़ाड़, माह गाड़ी रंड्रा, माह अन्धेर लहज़ा परमेश्वरो राजो वारिस शोर।

इफिसियों 4:28

चोरी लहज़ा यह्च़ा चोरी थालोहू; पर दोबि ईमानदारी रंङ साते मेहनत लहज़ी जूंशी तोह, ताकि गरीब मीहतु मदत लहज़िमी थल्जी दोऊ कछंङ छा शोतो।

इब्रानियों 12:1

हेंदु कछंङ झांह ठ्रोह महस मीहरे तोतोर अंऊ दोतु विशवासे दि कंड्रा कि विशवासो मतलब छि शुहबी। दिऊ थल्जी अतंई हेंज़ी हर इच्च़ा रूकावट दंङ पाप बि शत्‌ह लेह, हेंदिंङ अंऊ अमरिंङ जोज़िमी तोह, दोऊ टोईच़ी जोज़ातंई।