लूको 3:11 - लाहौली बाइबिल

¹¹ दोई दोतिंङ जुबाब रेंई, “अतु कछंङ झुह्ट कुर्ती रे तोह दुह दोतंङ साते अतु कछंङ माह तोद दोबि रें च़रतु, दंङ अतु कछंङ बगत तोह, दुह ला झांह ए लोहू।”

लूको 3:11 Iomraidhean Croise

मत्ती 25:40

दंङ गेह रज्ज़ा दोतिंङ जुबाब रमोग, “गेह केतंङ हेले कुट्रातग केहच़ी गिऊ दिह कवचि वे कवचि चेलारंङ साते लाह, दुह गेरंङ लाह।

लूको 11:41

अंऊला धिर केहतु सेहमरिंङ तोह, दुह गरीबातिंङ दान रंड्रीमी रंङ साते साफ लांही दंङ केहरे ए केहतु संस्कार शुद्ध शुहचे योहर।”

लूको 18:22

दिह रेड्रीरंङ यीशुज़ि कुहतो, “कांह अंद्रेग अयता ला इच्च़ा गप्पो, कमी तोह केनोह भत्ते धिर लंङहे च़रतु दंङ अंऊ टंगा-ढबाह तातन दुह गरीबातिंङ रें च़रतु। दंङ दोऊ थल अंज़े का गिऊ चेला बणेकतु। दंङ कनिंङ स्वर्गंङ असली धन खोकसोतो।”

लूको 19:8

जक्कई ज़ेइमी टेमारिंङ खड़े शुहचे प्रभु यीशु हखा कुट्री लेहती, “हे प्रभु, खंणु गेह घेंङौ अध्धा टंगा ढबाह गरीबातिंङ रंड्रातग, अगर गेह अतुआ दोरच़ी चुंगी लेहप्च़िमी टेमा छिला गलत लेह छिला लेहपसी तातग ताह, दोबि गेह पी गुणा लेह रें च़रपोग।”

यहून्नो 13:29

यहूदा ओ कछंङ ढबाह ओ बगुह्ड़ी शवाते, झांह लेह रेहच़ि झांह सोचेक्तिर, यीशु ज़ि दोरंङ साते कुट्रा कि, छिला ञेंतिंङ त्याहरो थल्जी जूंफा चुम्ज़े हता, छिता गरीबातिंङ छा छि रें च़रतु।

प्रेरित 10:2

दुह परमेश्वरो अराधक तोहई, दंङ गरीब यहुदी मीहतिंङ महसे दान रंड्राते, दंङ हर टेम परमेश्वरारंङ साते प्रार्थना लहज़ाते।

प्रेरित 10:31

दंङ कुट्री लेहती, “हे कुरनेलियुस, परमेश्वरे कांह प्रार्थना रेड्री केहतो। दंङ दि ला खांई केहतो कि अंयों फेरा केई गरीब यहुदी मीहतिंङ दान रदेन।

प्रेरित 10:4

कुरनेलियुस ए स्वर्गदूतो हखा ध्याना रंङ साते खांई दंङ बेवा ते कुई, “हे मालिका छि शुह?” स्वर्गदूते जुबाब रेंई, कांह प्रार्थना ए कांह गरीबा तु थल्जी दान परमेश्वरो तुईज़ी पिचे इल्दोर।

इफिसियों 4:28

चोरी लहज़ा यह्च़ा चोरी थालोहू; पर दोबि ईमानदारी रंङ साते मेहनत लहज़ी जूंशी तोह, ताकि गरीब मीहतु मदत लहज़िमी थल्जी दोऊ कछंङ छा शोतो।

1 तीमुथियुस 6:17

दि संसारो साहुकारातिंङ हुकुम रांई कि दोरे घमण्डी थाशुंई दंङ एनोह ढबोह टोहकठे विशवास तंही अंऊ कि महस टेम तचेक माह बंङज़ोतो, पर परमेश्वरो टोईच़ी विशवास लोह, अंऊ हेंदु सुखो थल्जी भत्ते धिर महस रंड्रा।

1 तीमुथियुस 6:18

दोतिंङ भलाई ऊ कम लहज़िमी थल्जी कुह, दंङ ऊईतु थल्जी छिल्ला ज़रूरत तोह दोबि महस खुले सेहमे दान रम्मा लंहि।

इब्रानियों 6:10

छना कुचे केहच़ी रूठे कम लहज़ातंई दंङ हेंतेग ला केरे परमेश्वरो मिंदंङ परमेश्वरो मीहतु थल्जी दाह रंङ साते सेवा ओ कम लहज़ी लेहकी तोतोंई, झांह लेह परमेश्वर केतिंङ पेषतो माह छना कुचे दू धर्मी तोह।

याकूब 1:27

हेंदु बाह परमेश्वरो कछंङ रूठे ए निर्मल भक्ति दि तोह, कि याह मेह बाह मेह ए रंणीतु झगड़ारिंङ दोतु सुधि लेहप्तुंई, दंङ केनातिंङ संसारो दोरच़ी निष्कलंक तंही।

याकूब 2:14

हे गिऊ प्यारे साथी विशवासी रे, अगर अच़िया कुई ताकि गिह्बी यीशु मसीहू टोहकठे विशवास तोह पर दोई ऊईतु थल्जी रूठे कम माह लहज़ा, दंङ दिरंङ छि फायदा? छि झांह ठ्रोह विशवास अपेहल दोऊ उद्धार लेह तरपोतो आ? माह! बिल्कुल माह

1 यूहन्ना 3:17

पर अतु लाह दोर्तिंङ संसारो टंगा ढबाह तोह दंङ दोई एनोह विशवासी न्वाऊ ज़रुरतो मुक्का दोबि रें दोऊ टोईच़ी तरस लेह माह जुंज़ा, दंङ दोऊ अन्द्रेग परमेश्वरो दाह छना बणेंके बंङज़तो?

1 यूहन्ना 4:20

अगर अच़िया कोहतो, “गेह परमेश्वरारंङ साते दाह तहज़ातोग,” पर एनोह विशवासी न्वा रंङ साते बैर तहरि दंङ दुह हप्साड़ शुह; छना कुचे अच़ि एनोह न्वा रंङ अच़ि दुह तंङसी शुह दाह माह तहच़ा, दंङ दोई परमेश्वरारंङ साते ला अपि दोई तंङसी माह दाह तहच़ि मरपोतो।