लूको 24:44 - लाहौली बाइबिल

⁴⁴ दंङ यीशु ज़ि दोतंङ साते कुंई, “दिहरे गिऊ दुह गप्पारे शुहरे, अंऊ गेह केतंङ साते बंङज़ा केतंङ साते कुहतेग, कि ज़रूरी तोह अंयों गप्पारे मूसाओ कानूना ए भविष्यवक्तातु ए भजनो कताबंङ, गिऊ पाहठी च़ेहसी भत्ते हेले साबित शोतो।”

लूको 24:44 Iomraidhean Croise

मत्ती 1:22

दिह भत्ते दिऊ थल्जी शुई कि अंऊ बचन प्रभुज़ि यशायाह भविष्यवक्ताओ दोरच़ी यीशु जेहकपिमी पाहठी कुतेह, दुह पूरा शोतो:

मत्ती 16:21

दोहथर यीशु एनोह चेला तिंङ कंड्री लेहती, “ज़रूरी तोह कि यरूशलेम शहरो हखा योग दंङ यहुदी सेंहणा मीहरे यहुदी मोह्ड़े पुरोहित ए यहुदी शास्त्री तु गुहड़च़ि महस दुख उठाएपोग सिए योग दंङ तीसरा ध्याड़ारिंङ षीङे योग।”

मत्ती 26:54

पर पवित्रशास्त्रो दुह गप्पारे कि ध्यांए शुहबिमी तोह छना पुरे शोर?”

मत्ती 26:56

पर दिह भत्ते दिऊ थल्जी शुहते कि भविष्यवक्तातु वचन पूरा शोतो।” दंङ भत्ते चेलारे यीशुबि केहट्रा दोहरची पोक्शे इलिर।

मरकुसो 9:31

छना कुचे दुह एनोह चेला तंङ साते महस बंङज़ाते दंङ दोतिंङ सिखाएच़ि तते दंङ यीशुज़ि चेला तंङ साते कुहतो, “युरनाह अच़िया गेह मीहू योह बि गिऊ बेरीतु गुहड़िंङ धोखा रंङ साते च़ुमज़ि लोहर, दोच़ी गेह सच़ी च़रपोर, दंङ गेह सिमी दोरच़ी षुमु ध्याड़ो थल यह्च़ा षिङे योग।”

लूको 21:22

छना कुचे दिहरे बदला लेहप्च़िमी झांह ठ्रोह ध्याड़ारे शोर, अपेहल पवित्र शास्त्रारिंङ च़ेहसी भत्ते गप्पारे पूरे शोर।

लूको 22:37

छना कुचे गेह केतंङ साते कुट्रातग, कि पवित्रशास्त्रारिंङ गिऊ पाहठी च़ेहसी तोह; दुह अपराधीतंङ साते मिक्सा इलि, “छना कुचे गिऊ टोईच़ी च़ेहसी गप्पारे पूरे शुहबी ज़रूरी तोह”।

लूको 24:46

दंङ दोतंङ साते कुतोह, “पवित्रशास्त्रा रिंङ झांह च़ेहसी तोह कि मसीह ज़ि दुख उठापोतो, दंङ तीसरा ध्याड़ारिंङ सिए दोतु बिचंङज़ि षिङे योतो,

लूको 9:22

दंङ यीशुज़ि कुतोह, “गेह मीहू योह थल्जी ज़रूरी तोह कि यहुदी सेंहणा, यहुदी मोह्ड़े पुरोहित ए यहुदी शास्त्रीज़ि गेह मीहू योह बि अस्वीकार लोहर। दंङ दोच़ी गेह पक्‍का सच़ी च़रपोर, दंङ गेह षुमु ध्याड़ो थल यह्ज़ा श्रींङे योग।”

लूको 9:44

“छिला गेह कुट्री लेहकी तोतोग दुह ध्यानारंङ साते रेड्रुंई दंङ हिद तांहई: गेह मीहू योह बि मीहतु गुहड़रिंङ चुम्ज़ी लोहर।”

यहून्नो 3:14

दंङ छना ठ्रोह मूसा ज़ि सुनसान ठाहरीरिंङ, रीयो ओमड्रा उथड़ेरिंङ केहच़ी च़रतिर, दिऊ थल्जी ज़रूरी तोह कि गेह मीहू योह ला उथड़ेरिंङ केओर।

यहून्नो 5:39

केहरे पवित्रशास्त्रारिंङ पड़ेक्च़ातंई, छना कुचे समझेक्च़ातंई कि दोर्तिंङ अनंत जीवन केतिंङ खोकसा; दंङ दीह दुह ए शुह अच़ि गिऊ गवाही रंड्रा;

यहून्नो 5:46

अगर केहच़ी मूसा ओ टोहकठे विशवास लंहीयां ता गिऊ टोहकठे ला विशवास लहज़ी तोहई, दिऊ थल्जी कि दोई गिऊ पाहठी च़ेहसी शुह।

प्रेरित 13:33

यीशु मसीहू बि सिए दोतु बिचंङ ज़ि श्रींङमी दोरच़ी, दोई हेंतेग दि भत्ते धिर हेंदु थल्जी लहसी शुह अंऊ दोऊ कटुरे तोतोर। दिए यीशु मसीहू पाहठी भजन संहिता ओ दूसरा अध्याय रिंङ ला च़ेहसी तोह, कांह गिऊ योह शुनाह; तोग गेह कंङातग कि गेह कनु बाह शुगाह।

प्रेरित 13:40

दिऊ थल्जी खबरदार तोंई, झांह शुहबी मेस, कि अंऊ भविष्यवक्तातु कताबंङ च़ेहसी तोह, दोरे गप्पार केहतु टोईच़ी ला अच़ा अपोर:

प्रेरित 2:27

छना कुचे केई गिह्बी सिए बंङज़ी माह रमोंन! दंङ माह केनोह पवित्र मीहू फुका बि अधोलोकंङ सुहफी रमोंन!

प्रेरित 3:18

पर अंऊ गप्पातु पाहठी परमेश्वरे भत्ते भविष्यवक्तातु दोरच़ी कंड्राते, कि दोऊ मसीह दुख उठापोतो दंङ सचे च़रपोर; दोतिंङ दोई दू हेले लहज़ी कंड्रातो।

प्रेरित 7:37

दिह दुह ए मूसा शुह, अच़ि इस्राएल ओ मीहतंङ साते कुई, परमेश्वरे केहतु बिशवासी न्वा तु बिचंङ च़ि केहतु थल्जी गिऊ ठ्रोह भविष्यवक्ता बि खड़े लोहतो।

इब्रानियों 10:1

मूसा ओ दोरच़ी रांहषी कानून सिर्फ दू रूठे चीज़ तु इच्च़ा सिलमोग शुह अंऊ भविष्य रिंङ अपिमी तोह, दि हेले माह। झांह लेह कानूनो अधीन बंङज़ा मीहरे हर साल इच्च़ा बराबर बलिदान चढ़ाएच़ा तोर, पर दि बलिदान दू मीहतिंङ अपेहल ला सिद्ध बणाके मरपोतो अंऊ परमेश्वरो अराधना लहज़िमी थल्जी दोऊ कछंङ अपातोर।

इब्रानियों 3:5

मूसा ता परमेश्वरो भत्ते घरबारो मीहतु सेवा लहज़िमी थल्जी विशवासो जोगे बंङज़िरी, अंऊ कम मूसा ए लहरी, दू सिर्फ दू गप्पातु सच्चा उदाहरण तोहई अंऊ परमेश्वरे तुंखा ओ थल्जी कोहतो।

इब्रानियों 7:1

दि मलिकिसिद्क शालेम शहरो रज्ज़ा तोहई, दंङ परमप्रधान परमेश्वरो यहुदी पुरोहित तोहई। दोऊ मिन्दु मतलब शुह न्याय रंङ साते शासन लहज़ा रज्ज़ा दंङ शालेमो रज्ज़ाऊ मिन शुह, शांतिऊ रज्ज़ा, पवित्र शास्त्रारिंङ दोऊ बाह ओ याह, दोऊ बाह-मेमेर या दोऊ जेह्कपिमी या सिमी पाहठी छल्ले च़ेहसी माह। दू हमेशा ओ थल्जी इच्च़ा यहुदी पुरोहित शुह। झांह लेह दू परमेश्वरो योह ठ्रोह तोह। अपेहल अब्राहम रज्ज़ा तु खिलाप इच्च़ा मोह्ड़े लड़ाई द्रक्क्षा ते चुंखा अति, दोहपल मलिकिसिद्क दोरंङ साते दोहरी दंङ दोबि आशीष रेंई। दोहपल अब्राहमा बि दू लड़ाई रिंङ द्रक्शे ते छिल्ला खोकसते, दोई दोबि दू भत्ते चीज़ तु दशमांश रेंई।

इब्रानियों 9:8

दि विधियो दोरच़ी पवित्र आत्मा हेंदिंङ दि कंड्रा कि अपेहल तचेक दि धरती रिंङ मिलापो तम्बू ए दोऊ कानूनो भाषे लहरिन ता, धोंण तचेक स्वर्गंङ परमेश्वरो परम पवित्र ठाहरीरिंङ इबिमी अम बन्द तोह।

1 पतरस 1:11

मसीहू आत्मा भविष्यवक्ता तु अंदरेग तोह, अंऊ मसीहू दुख ए दू दुख थल खोकच़ा मोह्ड़े दाह ओ पाहठी दोतिंङ तुहई ए कंड्राते। भविष्यवक्ता ज़ि तुहई ए दि ञेंच़िमी कोशिश लहरिर, कि आत्मा दोतिंङ छि कंड्रा, दि भत्ते गप्पा अपेहल शोतो दंङ दि छना पूरे शोतो।

प्रकाशित वाक्य 19:10

अपेहल गेह रेड्रीगा ता गेह दुह मीहू तुईज़ी कोंङा शुहचे इलिगा अंऊ गेरंङ साते गप्पा लहज़ी लेहकी तोहई, छना कुचे गेह दोऊ अराधना लहज़ातेग। दोई गिऊ हखा कुई, “गिऊ अराधना थालोहू। परमेश्वरे ए तोह अतु कनिंङ अराधना लेह जूंशी तोह। छना कुचे गेह ला ध्वांए इच्च़ा परमेश्वरो सेवक शुगाह, छना काह तोतोन दंङ ध्वांए छना इच्च़ा ए अंगीकार लहसी कनु भत्ते साथी विशवासी तोतोर, अंऊ दोच़ी ञेंहच़ातोर कि यीशु ए दोतु प्रभु शुह। दिए सच्चाई अंऊ यीशु ज़ि प्रगट लहसी ततो, दोबि घोषणा लहज़िमी थल्जी पवित्र आत्मा मीहतिंङ दोऊ जोगे बणाएच़ा।”