लूको 23:4 - लाहौली बाइबिल

⁴ दंङ पिलातुसे यहुदी मोह्ड़े पुरोहितरे ए मीहतंङ साते कुहतो, “गिह्बी दिह मीहू अंद्रेग छले गलती माह खोकसिरी।”

लूको 23:4 Iomraidhean Croise

मत्ती 27:19

अपेहल न्याय ओ गद्दीऊ टोईच़ी बंङज़ा तोहई दंङ दोऊ मेच़े दोबि कुहषी तहरे, “केई दुह धर्मीऊ मामलारिंङ गुह्ट्र थकेऊ, छना कुचे ऐरे रातारिंङ गिह्बी मंङडुंङ गेह वजाहज़ि दुख उठाएकातग।”

मरकुसो 15:14

पिलातुसे दोतंङ साते कुतोह, “छिले, दी छी मांजी कम लहसी शुह?” दंङ दोच़ी महसे हाऊष रें कुतोह, “दोबि क्रूसो टोईच़ी केहच़ी सच़ी च़रतिन।”

लूको 23:22

दोई तीसरा फेरा रूहकातो, “छिले, दिह छि मांजी लहसी ततो? गेह दिऊ अंद्रेग सच़िमी जोगे छले मांजी लाहसी माह खोक्शातग। दिऊ थल्जी गेह दिबी कोड़े रंङ तेंङज़ि लेह इबि रमोग।”

यहून्नो 18:38

पिलातुसे दोरंङ साते कुई, “सच्चाई छी शुह?” दंङ दिह कुट्रिमी थल दुह यहुदी सेंहणातु कछंङ इलि दंङ दोतंङ साते कुहतो, “गिह्बी ता दोऊ अंद्रेग छले गलती माह खोकसिरी।

प्रेरित 25:25

पर गेह दि ञेंए केहरी कि दोई झांह ठ्रोह छल्ले माह लहरी कि दू सचे केओनि; दंङ अपेहल दोई एनेह महाराजा ओ तुईज़ी मुकदमो गप्पा लहरी, दिऊ थल्जी गेह दोबि रोम शहरंङ च़रच़िमी फेंसला लहरिगा।

प्रेरित 3:13

दि मीहबी अईन लहज़िमी दोरच़ी अब्राहम, इसहाक ए याकूबो परमेश्वर ञेंहतु बाह-मेमेतु परमेश्वरे एनोह सेवक यीशु ऊ महिमा लहरी। पर केहच़ी दुह सच़िमी थल्जी रोमी राज्यपालो हवाले लेह च़रतिन, अपेहल पिलातुसे दोबि रिहा लहज़िमी फेंसला लहरी, दंङ केहच़ी दोऊ तुईज़ी यीशु ऊ इन्कार लहरिन।

इब्रानियों 7:26

झांह ठ्रोह ए यहुदी महापुरोहित हेंदु ज़रूरत पूरा लेह तरपोतो, अंऊ पवित्र शोतो, निर्दोष शोतो, शुद्ध शोतो, पाप लहच़ाड दोतंङ शत्‌ह शोतो अतिंङ स्वर्गो दोरच़ी ला खेका लेह केहषी तोह।

1 पतरस 1:19

दिऊ वहज़ाज़ि, परमेश्वरे केतिंङ मसीहू अनमोल शुहई दोरच़ी च़ुमने च़रति अंऊ हेंदु पापो थल्जी बलि ऊ रूपा रिंङ सिए इलि। दोऊ मौत हेंदु थल्जी परमेश्वरो इच्च़ा कुरच़ो रूपा रिंङ सिद्ध बलि तोहई, छना कि यहुदी पुरोहिता तु दोरच़ी बलि चढ़ाएच़ा सिद्ध ए छल्ले दाग मेह तोहईरे।

1 पतरस 2:22

पवित्र शास्त्रे कुट्रा, “दोई अपेहला पाप माह लहरी।” दंङ दोई अपेहला छा हप्सी माह कुई।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।