लूको 23:2 - लाहौली बाइबिल

² दंङ दोरे दिह कुचे यीशु मसीहू टोहकठे दोष लगाएच़ी लेहतिरे कि; “दिह ञेंहतु मीहतिंङ भड़काएच़ा दंङ महाराजा बि कर रंड्रीमी थल्जी इंकार लहज़ा।”

लूको 23:2 Iomraidhean Croise

मत्ती 17:27

तांला दिऊ थल्जी कि हेंज़ी दोतिंङ ठोकर मराहई केई झीलो कछंङ इलजे जाल केहऊ दंङ अंऊ मह्छ़ तुहई हुंज़तो दुह लेहप्तु दोऊ आह अल्ज़े कनिंङ इच्च़ा सिक्का खोकसोतो, दुए गिऊ ए केनोह तरफे दोतिंङ रेह च़रतु।”

मत्ती 22:21

दोच़ी यीशुबि कुह्तोर, “महाराजा” दंङ दोई दोतिंङ कुहतो, “अंऊ महाराजा शुह दुह महाराजा बि, दंङ अंऊ परमेश्वरो शुह दुह परमेश्वरा बि रोंऊ।”

मत्ती 27:11

अपेहल यीशु हाकिमो तुईज़ी खड़े तोहई दंङ हाकिमे दोबि रूहकाते, “छि काह यहुदी तु रज्ज़ा शुनाह?” यीशुज़ि दोबि जुबाब रेंहई, “वेई! केई केनेह कुट्रातन।”

मरकुसो 12:17

यीशु ज़ि दोतंङ साते कुतोह, “अंऊ महाराजा शुह दुह महाराजा बि, दंङ अंऊ परमेश्वरो शुह दुह परमेश्वरा बि रौं।” दंङ यीशु ऊ दि गप्पा रेड्रा दुरेह महस हेरान शुहचे इलि। छना कुचे दोच़ी यीशु बि फसाके मरति।

मरकुसो 15:2

पिलातुसे दुह रुहक्ती, “छि केई यहुदी तु रज्ज़ा शुनाह?” दोई दोबि जुबाब रेंहई, “वेई! केई केनेह कुट्रातन।”

लूको 23:14

केहच़ी दिह मीह गिऊ कछंङ ह्न्दंई, कि दिह दंगा लहज़ी ए थल्जी मीहतु बिचंङ फूट केट्रा, दंङ खांई, गेह केहतु तुईज़ी दोऊ फेंसला लाहतग, पर अंऊ गप्पातु केहच़ी दोऊ टोईच़ी दोष कुट्रातंई दुह गप्पातु पाहठी गेह दोहरिंङ छले गलती माह खोक्शातग;

लूको 23:5

पर दोरे ऊहई लाह पक्‍का शुहचे कुट्री लेहतिरे, “दिह गलील प्रदेशो दोरच़ी देर्तिंङ यहुदिया प्रदेशो भत्ते मीहतु बिचंङ एनोह शिक्षा ओ दोरच़ी लड़ाई झगड़ाओ बजह बणेक्पी लेहकी तोह। दिह गलील प्रदेशंङज़ि शुरू लहतो दंङ देर तचेक अच़ा अंजा।

यहून्नो 18:29

दंङ पिलातुस दोतु कछंङ धह्तेका अति दंङ कुतोह, “केहच़ी दीह मीहू टोईच़ी छि गप्पा ओ पाहठी इल्ज़ाम लगाएच़ातोन?”

यहून्नो 18:30

दोच़ी दोबि जुबाब रेंई, “अगर दिह कुकम लहज़ा माह शुहचंङ ता ञेंहच़ी दोबि कांह कछंङ माह हपि तोहई।”

यहून्नो 19:12

दिरंङ पिलातुस ए दोबि रिहा लहज़िमी विचार लहरी, पर भीड़ो मीहरे हाऊषेके-हाऊषेके कुट्री लेहतिर, “अगर केई दिह्बी रिहा लोहन ता कांह महाराजाऊ मित्र माह शुनाह; अच़िला रज्ज़ा शुहबिमी दावा लोहतो दोई महाराजाऊ विरोध लहज़ा।”

प्रेरित 24:13

दंङ माह ता दू गप्पातु, अंऊ दोऊ पाहठी दोरे गिऊ टोईच़ी दोष लगाएच़ातोर, कनु तुईज़ी दोबि हेले साबित लेह तरपोंई।

प्रेरित 24:5

छना कुई ञेंहच़ी ञेंच़ातंई कि दि मीह संसारो भत्ते यहुदी तु बिचंङ झगड़ा लहज़ा ए कुवाद लहज़ा दंङ दुह इच्च़ा झांह ठ्रोह कोमो मुखिया तोह अंऊ नासरत नगरो इच्च़ा मीहू हप्सी शिक्षा ओ भाषे लहज़ा।

रोमियो 13:7

झांह लेह भत्ते तु थल्जी केनोह ज़िम्मेवारी पूरा लोह। अतिंङ कर रंड्री जूंशी तोह, दोबि कर रोंऊ। अतिंङ चुंगी रंड्री जूंस, दोबि चुंगी रोंऊ। भत्ते अधिकारी तिंङ पूरा रांई।