16 छना कुचे गेह केतंङ कुट्रातग अपेहल तचेक दिह परमेश्वरो राज्य रिंङ पूरे मशोतो दोहपल तचेक गेह फसह त्याहरो बगत यच़ाह माह ज़ोऊग।”
धन्य शुह दुह परगर अरी एनोहो मालिको इंतज़ार लहज़ा दंङ दुह ध्याड़ो थल्जी तेयार तोह, गेह केतंङ साते हेले कुट्रातग कि दुह मालिक एनोह परगराबि बगत ज़ेइमी थल्जी बेठाएपोतो दंङ एनोह उम छ़ुचे दोऊ सेवा लोहतो।
यीशुरंङ साते बगत ज़जातु बिचंङज़ि इच्च़ा मीहे दिह गप्पारे रेड्रीरंङ साते कुहतो, “धन्य शुहरे दोरे अच़ि परमेश्वरो राज्यरिंङ धामंङ शामिल शोर।”
दंङ यीशु ज़ि दोतंङ साते कुंई, “गिऊ महस हिटी तोहई कि गिऊ दुख उठाएच़िमी तुहई गेह केतंङ साते फसह त्याहरो बगत ज़ोअग।
छना कुचे गेह केतंङ साते कुट्रातग अपेहल तचेक परमेश्वरो राज्य माह अपतो दोहपल तचेक गेह दाखो रस तोग बेहच़ी अपेहल लाह मा तुंङमोग।”
ताकि केहच़ी गिऊ राज्यरिंङ गेरंङ साते जोओनी ए तुंङमोंई देर तचेक कि सिहासनंङ बंङज़ा इस्राएलो सनी खानदानो न्याय लोहनी।
दुह बगतो थल्जी मेहनत थाह लांही अंऊ नाशवान तोह पर दुह बगतो थल्जी लांही अंऊ अनंत जीवन तचेक बंङज़ा, मतलब गेह मीहू योह दिह बगत रमोग, छना कुचे पिता परमेश्वरे गिह्बी झांह लहज़िमी अधिकार रांहषी ततो।”
भत्ते मीह ज़ि दुह माह खंईर बल्कि दुह गवाह तिंङ अतिंङ परमेश्वरे तुई ए अंङे च़रते। दुह गवाह ञेंहरे प्रेरित शुई। दोऊ सिमी दोरच़ी श्रींङमिमी थल ञेंहच़ी दोरंङ साते ज़ेईन ए तुंङरिन।
स्वर्गदूते गिऊ हखा कुई, “दि चेऊ, कि धन्य तोतोर दोरे, अंऊ कुरच़ो ब्याहू बगतारिंङ बुलासी तोतोर।” दंङ दोई गिऊ हखा कुई, “दि बचन परमेश्वरो तरफे तोह, दि भत्ते पक्का रूपारिंङ हेले तोह।”