लूको 20:16 - लाहौली बाइबिल

¹⁶ दिहे कि दुह दाखो बगीचारिंङ अंज़े ज़िमदारातिंङ सच़ी च़रपोतो, दंङ बगीचारिंङ ऊईतिंङ घाह्ड़ीरिंङ रें च़रपोतो।” दिह रेड्रीरंङ, मीहच़ी कुहतो “परमेश्वरे झांह लेह माजूंस।”

लूको 20:16 Iomraidhean Croise

लूको 19:27

पर गिऊ दुह बेरीतिंङ अच़ि माह जुंज़ातेर कि गेह दोतु रज्ज़ा बणेक्पोग, दोतिंङ गिऊ तुईज़ी हंजे सचे च़रतुंई।”

प्रेरित 13:46

दोथर पोलुस ए बरनबास ए निडर शुहचे कुईर, “कि परमेश्वरो बचन मुण्डारिंङ केतिंङ यहुदी तिंङ सुनाएची ज़रूरी तोहई; पर केहच़ी दोबि ग्रहण माह लहज़ातन। झांह लेज़मी रिंङ साते केहच़ी दि साबित लाहतंई कि केरे अनंत जीवन खोकच़िमी जोगे माह तोहई, दिऊ थल्जी दा ञेंहरे योंई दंङ ऊईजाति मीहतु सुनाएपोंई।

मत्ती 21:41

दोच़ी यीशुबि कुह्तोर, “दोई दुह मांजी मीहरे मांजी तरीका रंङ खत्म लोहतो, दंङ दाखो बगीचा ओ ठेका ऊहई ज़िम्मेवारातिंङ रमोतो, अच़ि टेमो टोईच़ी दोबि फल रमोर।”

मत्ती 22:7

अपेहल रज्ज़ाज़ि दिह रेड्रातो दोबि रोहष अति दोई एनोह सेना चरच़े दुह हत्यारातु नाश लहरी, दंङ दोतु नगरारे रोह्चे केहरी।

मत्ती 21:34

अपेहल फलो ध्याड़ा कछंङ पिचा दंङ दोई एनोह परगरा रे दोऊ फसल (फल) लेहपच़िमी थल्जी ज़िमदारातु कछंङ च़रति।

मरकुसो 12:9

दंङ यीशुज़ि दोतु हखा रुहक्ती, “दंङ मालिके छि लोहतो? दंङ दुह दाखो बगीचारिंङ अंज़े ज़िमदारातिंङ सच़ी च़रपोतो, दंङ बगीचारिंङ ऊईतिंङ घाह्‌ड़ीरिंङ रें च़रपोतो।

लूको 20:15

दंङ दोच़ी दुह दाखो बगीचारिंङ ज़ि हुंच़े सचे च़रतिर, झांह लेह दाखो बगीचो मालिके दोतंङ छि लोहतो?

रोमियो 3:4

मह! बिल्कुल ला माह! भले हर इच्च़ा मीह हप्सी शोतो तांला परमेश्वर सच्चा साबित शोतो। छना कि पवित्रशास्त्र परमेश्वरो पाहठी कुट्रा, “झांह लेह कांह केनोह गप्पारिंङ धर्मी ठहरेसोन, दंङ फेंसला लहज़ा केई जय खोकपोन।

रोमियो 3:6

मह! बिल्कुल माह! अगर परमेश्वरे यहुदी तु फेंसला लहज़िमी सही माह ता, दंङ दुह पक्‍का रूपारिंङ संसारो मीहतु फेंसला लेह मरपोतो।

रोमियो 3:31

दंङ छि हेंज़ी कानूना बि विशवासो दोरच़ी बेकार बणाके चरच़ातंई? बिल्कुल लाह माह! पर हेनर दू कानून बि साबित लहज़ातंई अंऊ परमेश्वरे मुसाओ दोरच़ी रांहषी तते।

रोमियो 6:2

माह बिल्कुल माह! हेनर पापो थल्जी सिए इलजी तोतोंई, दंङ झांह लेह हेंदिंङ लगातार पाप लहज़ी माह जूंस।

रोमियो 6:15

दंङ, छि हेनर ध्यांए लगातार पाप लोहवा लांईया, कि हेनर कानूनो अधीन माह पर मोह्ड़े दाह ओ अधीन तोतोंई? माह! बिल्कुल ला माह!

रोमियो 7:7

दंङ छि दिऊ मतलब दि तोह आ कि कानून पाप शुह? माह! बिल्कुल माह! पर दिए कानूनो दोरच़ी गेह पाप बि ञेंए केहतग। गेह ञेंए चरच़ातग कि लालच लहज़ी पाप शुह, छना कुचे कानूनारिंङ दि च़ेहसी तोह कि, “लालच थालोहू।”

रोमियो 7:13

दंङ छि कानूने, अंऊ रूठे तोहई, गिह्बी परमेश्वरो दोरच़ी शत्‌ह लेह चरच़तो आ? माह! बिल्कुल ला माह! पर दि पाप तोहई अच़ि झांह लहरी। पापे दू ए कानून अंऊ रूठे तोहई दोबि इस्तेमाल लहज़ी गिह्बी परमेश्वरो दोरच़ी शत्‌ह लेह च़रति। झांह लेह पापे कंङातो कि दू हेले रिंङ छि शुह, दंङ हुकुमे कंङातो कि पाप भत्ते पाहठी मांजी तोह।

रोमियो 9:14

दंङ दिऊ मतलब छि शुई? छि दि परमेश्वरो अन्याय तोहई आ? माह! बिल्कुल ला माह!

रोमियो 11:1

झांह लेह गेह रूहक्च़ातग, छि परमेश्वरे एनोह प्रजा बि छोड़ेके चरच़तो आ? माह अपेहल ला माह! गेह ल ता इस्राएली शुगाह; अब्राहमो खानदान ए बिन्यामीनो खानदानो दोरच़ी शुगाह।

रोमियो 11:11

दंङ गेह रूहक्च़ातग, “छि यहुदी ठोकर लेहपी रंङ साते दहचे इलिर? माह! बिल्कुल ला माह! पर दोतु अविशवासो दोरच़ी ऊईजाति बि उद्धार खोकसिरी, दंङ इस्राएली मीहतिंङ जलन शोतो।

1 कुरिन्थियों 6:15

छि केहच़ी माह ञेंच़ातंई आ कि केहतु फुक मसीहू अंङ शुह? छि इच्च़ा मीह एनोह फुक रेंज़ा, अंऊ मसीहू शुह, दंङ छि दिबी कुकम लहज़ार रंङ साते जोड़ेक्सी जूंस?

गलातियों 2:17

रे यहुदी मीहच़ी चेहच़ातोर कि हेंज़ी पाप लहसी शुई, छना कुचे हेनर कानूनो भाषे लहज़िमी वहज़ा यीशु मसीहू टोहकठे विशवास लहज़ातंई। छि दिऊ मतलब दि तोह कि यीशु मसीह ज़ि हेंदु दोरच़ी पाप लेह लहतो आ? माह! बिल्कुल ला माह!

गलातियों 3:21

दंङ छि दिऊ मतलब दि तोह कि मूसा कानून परमेश्वरो वाईदाओ खिलाप तोह? माह! बिल्कुल ला माह! छना कुचे झांह ठ्रोह कानून अंऊ जीवन रें तरपोर, दंङ मूसा ओ कानूनो भाषे लहज़िमी रंङ साते अनंत जीवन खोकच़ी तरपोंई।

गलातियों 6:14

अगर गेह घमण्ड लहज़ातग ता सिर्फ दि गप्पो टोईच़ी घमण्ड लोहग कि हेंदु प्रभु यीशु मसीह हेंदु थल्जी क्रूसो टोईच़ी सिए इलि। छना कुचे दोऊ सिमी थल, गेह एंतेग संसारो हिटी ओ गुलाम माह तोहग दंङ एंतेग दितु बिचंङ अंऊला चीज़ो दोर्तिंङ गिऊ टोईच़ी हुकुम लहज़िमी शाक्ति माह।