लूको 2:34 - लाहौली बाइबिल

³⁴ दंङ शमौने दोतिंङ आशीष रेह, दोऊ याह मरियम रंङ साते कुतोह, “खंणु, दिह ता इस्राएल शहरंङ महस मीहतु उद्धार ए नाश शुहबिमी बजह शोतो, दंङ दिह इच्च़ा चेतावनीऊ निशानी ठ्रोह शोतो, अतु खिलाप मीहरेर गप्पा लोहर।

लूको 2:34 Iomraidhean Croise

मत्ती 11:19

पर अपेहल गेह मीहू योह ज़ेहे तुंङमातोग दंङ केहच़ी कुट्रातंई कि गेह महस ज़ज़ा ए सरा तुंङज़ा, दंङ चुंगी लेहप्च़ातु ए पापीतु साथी शुगाह, पर अच़ि परमेश्वरो शिक्षा मनेके जोज़ा दोऊ ज़िंदगीरिङ परमेश्वरो ज्ञान हेले साबित शोतो।”

मत्ती 12:46

अपेहल यीशु मीहतिंङ शिक्षा रंड्री लेहकी तोहई, दोऊ याह ए न्वा धह्कते खड़े तोईरे दंङ दोहरंङ गप्पा लहज़िमी तहरेर।

मत्ती 21:44

अरी दिह रघटु टोईच़ी दपोतो, दुह छटछिट शोतो, दंङ अतु टोईच़ी दुह दपोतो, दुह पीङे च़रपोतो।”

मत्ती 27:63

“हे महाराजा, ञेंतिंङ पता तोह कि दुह भरमाएच़ा दोई अपेहल दुह श्रींङी तोहई, कुहते, कि गिऊ सीमी षुमु ध्याड़ो थल गेह यच़ाह श्रींङे योग।

लूको 2:35

कि महसो सेमो गप्पा प्रगट शोतो। इच्च़ा महस मोह्ड़े दुख तलवारो ठ्रोह कांह प्राण देच़ि-नोच़ी तिरच़ी च़रपोतो।”

यहून्नो 3:20

छना कुचे अच़िला मांजी लोहर, दोई छंङी रंङ बेर तहच़ि, दंङ छंङीऊ कछंङ माह अपि, झांह शुबी मेस कि दोऊ कमो टोईच़ी दोष अपतो।

यहून्नो 5:18

छना कुचे यीशु ज़ि दिह गप्पा कुहते दिह बजह च़ि यहुदी नेतारे दोबि सच़िमी ऊई ला महसे कोशिश लहज़ी लेहतिर, छना कुचे यीशु ज़ि अरामो ध्याड़ो कानून मा मनेक्च़ते, पर परमेश्वरा बि एनोह बाह कुचे ऐनाबि परमेश्वरो बराबर चेहच़ाते।

प्रेरित 13:45

पर अपेहल यहुदी ज़ि भीड़ खंईरे दंङ दोरे महसे रोषेक्सा इलिर। दोरे दोऊ गप्पा ओ बुराई लहज़ी लेहतिर कि पोलुस छि कुट्री लेहकी तोह दंङ दोरंङ साते कुवाद लहज़ी लेहतिर।

प्रेरित 17:6

दंङ दोतिंङ दोहर माह खोकसिरी रंङ साते, दोरे दिह हाऊष रंड्रा यासोंन ए रेह विशवासी तिंङ नगरो अधिकारी तु तुईज़ी षोह्के हतिर, “दिरे मीहरे, अंऊ दोच़ी भत्ते ठहरि रिंङ तहस-नहस लेह च़रतिर, देहर ला अंज़े तोतोर।

प्रेरित 24:5

छना कुई ञेंहच़ी ञेंच़ातंई कि दि मीह संसारो भत्ते यहुदी तु बिचंङ झगड़ा लहज़ा ए कुवाद लहज़ा दंङ दुह इच्च़ा झांह ठ्रोह कोमो मुखिया तोह अंऊ नासरत नगरो इच्च़ा मीहू हप्सी शिक्षा ओ भाषे लहज़ा।

प्रेरित 28:22

पर कनु विचार छि तोह? दिए गप्पा ञेंरे केहतु दोरच़ी रेड्री जुंज़ातंई यीशु थलेच़ि जोज़ा तु पाहठी तातंई, छना कुचे ञेंहच़ी ञेंहच़ातंई, कि भत्ते ठाहरीरिंङ दि दलो पाहठी गप्पा शुहबी लेहकी तोह।

प्रेरित 4:26

प्रभु परमेश्वर ए दंङ अपि मसीह शुहबिमी थल्जी दोई अंङषी ततो दोऊ खिलाप धरतीऊ रज्ज़ा खड़े शुहचे इलिर; दंङ अधिकारीर इच्च़ा साते ठ्रोहका शुहचे इलिर।

प्रेरित 6:7

दंङ परमेश्वरो बचन फेलेके इलि, दंङ यरूशलेम शहरंङ चेला तु गिनती महस शुहचे इलि दंङ महसे यहुदी पुरोहितज़ि ला यीशु मसीहू टोहकठे बिशवास लहज़िमी दिह शिक्षा स्वीकार लहरिर।

रोमियो 9:32

दि छना शुहबी तरपोतो? झांह लेह कि दोरे विशवासा रंङ मशत, पर रूठे कमो थल्जी परमेश्वर रंङ साते धर्मी बणेक्च़िमी कोशिश लहज़ातेर: दोच़ी मसीह बि ठुकराके च़रति अतु दुह रह्घ तु रंङ साते बराबरी लहसी ताहरेर अंऊ मीहतिंङ ठोकर रंड्रा।

1 कुरिन्थियों 1:23

पर हेनर दि प्रचार लहज़ातंई कि मसीह हेंदिंङ हेंदु पापो दोरच़ी छुड़ाएच़िमी थल्जी क्रूसो टोईच़ी सिए इलि। अंऊ यहुदी तु कछंङ ठोकरो वहज़ा, दंङ ऊईजाति तु कछंङ मुर्खता तोह।

इब्रानियों 7:1

दि मलिकिसिद्क शालेम शहरो रज्ज़ा तोहई, दंङ परमप्रधान परमेश्वरो यहुदी पुरोहित तोहई। दोऊ मिन्दु मतलब शुह न्याय रंङ साते शासन लहज़ा रज्ज़ा दंङ शालेमो रज्ज़ाऊ मिन शुह, शांतिऊ रज्ज़ा, पवित्र शास्त्रारिंङ दोऊ बाह ओ याह, दोऊ बाह-मेमेर या दोऊ जेह्कपिमी या सिमी पाहठी छल्ले च़ेहसी माह। दू हमेशा ओ थल्जी इच्च़ा यहुदी पुरोहित शुह। झांह लेह दू परमेश्वरो योह ठ्रोह तोह। अपेहल अब्राहम रज्ज़ा तु खिलाप इच्च़ा मोह्ड़े लड़ाई द्रक्क्षा ते चुंखा अति, दोहपल मलिकिसिद्क दोरंङ साते दोहरी दंङ दोबि आशीष रेंई। दोहपल अब्राहमा बि दू लड़ाई रिंङ द्रक्शे ते छिल्ला खोकसते, दोई दोबि दू भत्ते चीज़ तु दशमांश रेंई।

इब्रानियों 7:7

ञेंहच़ी रूठे रंङ ञेंहच़ातंई कि अच़ि आशीष रंड्रा दुह आशीष लेहपच़ा बे मोह्ड़े शुहबी।

1 पतरस 4:14

दंङ अगर मसीहू मिन्दु थल्जी केहतु निन्दा शवाह, दंङ केरे धन्य शुई; छना कुचे परमेश्वरो महिमा ओ आत्मा केहतु अंदरेग बंङज़ा।