लूको 2:25 - लाहौली बाइबिल

²⁵ दुह टेमारिंङ यरूशलेम शहरारिंङ शमौन मिन्दु इच्च़ा मीह तोहई, दंङ दुह मीह धर्मी ए भक्त तोहई; दंङ दुह बेसब्र सुचे मसीहू अपिमी थल्जी रुमज़ा तोहई कि दुह अपतो दंङ इस्राएलो मीहतिंङ शांति रमतो, दंङ पवित्र आत्मा दोरंङ साते तोहई।

लूको 2:25 Iomraidhean Croise

मरकुसो 15:43

झांह लेह अपेहल लगभग एके अच़ा इले दोहपल अरीमतिया शहरंङ बंङज़ा यूसुफ अति, अंऊ यहुदी महासभाओ नेता तोहई अंऊ ऐनाह ला परमेश्वरो राज्य इंतज़ार लहज़ाते। दोई याहू लेह पिलातुसो कछंङ इलि दंङ यीशु लाश क्रूसो दोहरची योंखा तक्चिमी ए पथेक्च़िमी थल्जी अनुमति पेट्री लेहती।

लूको 1:41

छना ए एलीशिबे मरियमो नमस्कार थक्शी, ध्यांए कटु दोऊ खोकटुंङ छ्वा रेंई, दंङ एलीशिबा पवित्र आत्मा रंङ साते पिंङषा इलि।

लूको 1:6

जकर्याह ए एलीशिबा झुड्ला परमेश्वरो तुईज़ी धर्मी तोईरे, दंङ दोरे प्रभुऊ भत्ते आज्ञाओ ए कानूनो टोईच़ी निर्दोष ज़ोज़ा तोईरे।

लूको 1:67

दंङ दोऊ बाह जकर्याह पवित्र आत्मा रंङ साते पिंङे इलि, दंङ भविष्यवाणी लहज़ी लेहती;

लूको 2:38

दंङ दुहए मुका दोहर अंज़े प्रभुऊ धन्यवाद लहज़ी लेहती, दंङ दोरे भत्ते यरूशलेम शहरो मीहतिंङ छुड़ाएच़िमी थल्जी मसीहबि च़रच़िमी थल्जी परमेश्वर ओ इंतज़ार लहज़ातेर, दोऊ पाहठी गप्पा लहज़ी लेहकी तोहई।

लूको 23:51

दंङ दोतु योजना ए कमो दोरच़ी राजी माहतोई। यूसुफ यहुदिया प्रदेशो अरीमतिया इलाकाओ बंङज़ा ए परमेश्वरो राज्य इंतज़ार लहज़ा तोहई।

प्रेरित 10:2

दुह परमेश्वरो अराधक तोहई, दंङ गरीब यहुदी मीहतिंङ महसे दान रंड्राते, दंङ हर टेम परमेश्वरारंङ साते प्रार्थना लहज़ाते।

प्रेरित 10:22

दोच़ी कुईर, कुरनेलियुस सुबेदारे अंऊ धर्मी ए परमेश्वरो बेह्द चेहच़ा दंङ भत्ते यहुदी मीहतु बिचंङ दुह इच्च़ा इज्ज़तदार मीह तोह, दोई इच्च़ा पवित्र स्वर्गदूतो दोरच़ी दिह हुकुम खोकसिरी, कि कनिंङ एनोह घरबारंङ बुलाके कांह दोरच़ी शिक्षा रेड्रोंई।

प्रेरित 2:5

दुह मुक्का रिंङ, परमेश्वरो बेह्द चेहच़ार महसे यहुदी मीहरे तोईरे अरि संसारो हर इच्च़ा देशंङ च़ि त्यार मनाएच़िमी थल्जी अंज़े तोईरे दंङ यरूशलेम शहरंङ बंङज़ा तोईरे।

प्रेरित 24:16

दिए नज़रिया रंङ साते गेह परमेश्वर ए मीह झुल्ला तु तुईज़ी हमेशा इच्च़ा निष्कलंक अन्तरात्मा बणाएच़िमी भरपूर कोशिश लोहग।

2 पतरस 1:21

छना कुचे भविष्यवक्ता ज़ि अपेहला अंऊ ला भविष्यवाणी मीहतु हिटी रंङ साते माह कुईर। बल्कि पवित्र आत्माज़ि दोतु विचार काबू लहरी दंङ दोतिंङ दुह बचन कुट्रीमी थल्जी मदत लहरी अंऊ परमेश्वरे जुंज़ा कि दोच़ी कोहर।