लूको 2:10 - लाहौली बाइबिल

¹⁰ दंङ स्वर्गदूते दोतंङ साते कुतोह, “बेओनि थाह; छना कुचे खंणुई, गेह केतिंङ खुशी ओ रूठे खबर गप्पा कोग अंऊ भत्ते मीहतु थल्जी शोतो।

लूको 2:10 Iomraidhean Croise

मत्ती 14:27

यीशुज़ि दोहथल ए दोतंङ साते गप्पा लहरी, दंङ कुहतो थबेंई “याहो लाहनी: गेह शुगाह; बेओंई था।”

मत्ती 28:18

यीशुज़ि दोतु कछंङ अंज़े कुंई, “स्वर्ग ए धरतीऊ भत्ते अधिकार गिह्बी रांहषी तोह।

मत्ती 28:5

स्वर्गदूते मेच़िमी तंङ कुहतो, “बेंईन थाह गेह ञेंएगा कि केहच़ी यीशु अंऊ क्रूसो टोईच़ी चढ़ाएतिरे, पेट्रातंई।

मरकुसो 1:15

दंङ कुतोह, “ध्याड़ा पूरा शुहचे इलि, परमेश्वरो राज पिचे अन्ज़े तोत; मदम कमो दोरच़ी सेहम किर्ज़ुंई दंङ दि रूठे खबरो टोईच़ी विशवास लांही।”

मरकुसो 16:15

दंङ यीशुज़ि दोतंङ साते कुतोह, “केहच़ी संसारारंङ इलजे भत्ते मीहतिंङ दी रूठे खबर सुनाएकी च़रतुंई।

लूको 1:13

पर स्वर्गदूते दोरंङ साते कुतोह, “हे जकर्याह, थाह बेऊ, छना कुचे परमेश्वरे कांह प्रार्थना रेंई केहतो, दंङ केनोह मेच़ा एलीशिबा बि इच्च़ा योह ज़ेहपोतो, दंङ केई दोऊ मिन यूहन्ना केऊ।

लूको 1:19

स्वर्गदूते दोबि जुबाब रेंई, “गेह ज़िब्राइल शुगाह, अंऊ परमेश्वरो तुईज़ी खड़े श्वातेग, दंङ गेह करंङ साते गप्पा लहज़िमी थल्जी ए दीह रूठे खबर कुट्रिमी थल्जी च़रसी शुगाह।”

लूको 1:30

स्वर्गदूते दोरंङ साते कुतोह, “हे मरियम! थाह बेऊ, छना कुचे परमेश्वरो मोह्ड़े दाह कांह टोईच़ी शुहचे तोह।

लूको 2:11

कि तोग बेतलहमंङ अंऊ रज्ज़ा दाऊदो शहर तोह, दोर तिंङ केहतु थल्जी इच्च़ा उद्धार लहज़ा ज़ेहका, दुहए मसीह प्रभु शुह

लूको 24:47

दंङ यरूशलेम शहरो दोरच़ी भत्ते जातितु बिचंङ पापो दोरच़ी सेहम यहच़िमी ए पापो दोरच़ी माफिऊ प्रचार, मसीहू मिनज़ि शोतो।

लूको 8:1

दिऊ थल यीशु इलाका-इलाका ए नगर-नगरंङ प्रचार लेह दंङ परमेश्वरो राज्यो रूठे खबर सुनाएची लेहती देखा नोखा इबी लेहकी तोहई दंङ दोरे सनी चेलारे दोरंङ साते तोईरे,

प्रेरित 13:32

दंङ हेंतेग ञेंहरे केतिंङ दि रूठे खबर सुनाएच़ातंई। ञेंहच़ी केतिंङ दि कंड्रातंई कि परमेश्वरे हेंदु बाह मेमे तंङ साते छि वाईदा लहसी तहरे दोबि पूरा लाहतो।

रोमियो 10:15

दंङ दिबे तुहई कि अरिया रूठे खबर सुनाएच़ा दोरे इलजे दोतिंङ कमबोतो, रूठे खबर सुनाएच़ा दोतिंङ चरच़ी ज़रूरी तोह। छना पवित्र शास्त्रारिंङ च़ेहसी तोह, कि “दोतु कोंज़ारे छि ठ्रोह रूठे तोतोरे, अंऊ रूठे गप्पो रूठे खबर सुनाएच़ातोर।”

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।