लूको 18:12 - लाहौली बाइबिल

¹² गेह हप्तारिंङ झुह्ट फेरा ब्रत लहज़ातग, दंङ गेह घेंङौ भत्ते कमाईऊ दशवांश ला कनिंङ रंड्रातग।

लूको 18:12 Iomraidhean Croise

मत्ती 5:20

छना कुचे गेह केतंङ साते कुट्रातग कि, अगर केहतु धर्मिकता ओ कम यहुदी शास्त्री ए फरीसी मीहतु धर्मो कम्माङ ज़ि महस माह शुई सा ता, केहच़ी स्वर्ग राजंङ अपेहल ला अपि मरपोंई।

मत्ती 6:1

खबरदार शुहचे ईलांई! केहच़ी मीहतिंङ कंड्रिमी थल्जी रुठे कम थलांई माह ता केन्दु स्वर्गो बाहऊ दोरच़ी छल्लेऐ ईनाम मखोकपोंई।

मत्ती 6:16

अपेहल केई ब्रत (उपबास) लोहन, दंङ मांजी सेहमो दोतु ठ्रोह मोहतिंङ केहतु उदासी शुहबी माह जूंस, छना कुचे दोरे दुखी तंङफी, ताकि मीहच़ी दोरे व्रतंङ च़ेहसी जूंस। गेह केतंङ साते हेले कुट्रतग दोच़ी एनोह ईनाम खोक्शे केहत्तोर।

मत्ती 6:5

अपेहल केई प्रार्थना लोहन, दंङ मांजी सेहमो दोतु ठ्रोह थलोह ताकि मीहज़ी दोतिंङ खमोर ए दोतु बड़ई लोहर छना यहुदी सभा घरबारंङ ए सड़का रिंङ खड़े शुहचे प्रार्थना लेहई दोच़ी रूठे च़ेहसी। गेह केतंङ साते हेले कुट्रातग दोच़ी एनातु ईनाम खोक्शे केतोर।

मत्ती 9:14

दंङ यूहन्ना चेलाज़ि यीशु कछंङ अंज़े कुंहई, “छि गप्पा शुह कि ञेंहरे ए फरीसी ज़ि धोंण ब्रत तहच़ातंई, पर कनु चेलारे ता ब्रत माह लहज़ातोर?”

लूको 11:42

“पर हे फरीसी ज़ि, केहतु टोईच़ी धिक्कार। केहच़ी पुदीना सोंप ए साग पातो दशमंश रंड्रातंई, पर न्याय ए परमेश्वरो दाह ओ घांह्ण माह केट्रातोन, केतिंङ झांह लेह जूंशी तोहई कि दशवांश ला रमा लांही दंङ परमेश्वरो गप्पा ला मनेक्च़ी तोहई।

लूको 17:10

ध्यांए अपेहल केहच़ी गिऊ हुकुम मनेक्च़ातंई, दंङ केहच़ी लाह दिह कोंहई कि ञेंहरे तारीफो जोगे माह शुई। ञेंहरे ता परगर शुई अच़ि एनोह फर्ज़ पुरा लहज़ातंई।”

रोमियो 3:27

दंङ, छि झांह ठ्रोह चीज़ तोह कि अतु पाहठी हेंज़ी घमंड लेह तरपोंई? दोऊ थल्जी छल्ले जगह माह। अंऊ मुसाओ कानूनो वहज़ा ज़ि? दि दिऊ थल्जी तोह छना कुचे हेनर कानून भाषे लहज़ातंई? माह, पर यीशु मसीहू टोहकठे विशवास लहज़िमी वहज़ा रंङ तोह।

1 कुरिन्थियों 1:29

परमेश्वरे दि दिऊ थल्जी लहरी ताकि अरिला मीह परमेश्वरो तुईज़ी घमण्ड लेह मरपोतो।

इफिसियों 2:9

दि केहतु दोरच़ी लहसी अंऊ ला रूठे कमो दोरच़ी माह, झांह लेह केहतु कछंङ घमण्ड लहज़िमी छिल्ला वहज़ा माह।

1 तीमुथियुस 4:8

छना कुचे फुको कसरत ओ थोड़े फायदा तोह, पर परमेश्वरो भक्ति ओ कसरत भत्ते गप्पो थल्जी फायदेमंद तोह, छना कुचे दि इच्च़ा मीहबी ईनाम रंड्रीमी वाईदा लहज़ा अपेहल दुह दि धरती रिंङ श्रींङी बंङज़ा दंङ सिमी थल ला।