लूको 18:1 - लाहौली बाइबिल

¹ यीशु ज़ि एनोह चेला तिंङ दिऊ पाहठी इच्च़ा कथारिंङ कुंहई कि, रोज प्रार्थना लोहवा लांही दंङ निराश थाह शुई;

लूको 18:1 Iomraidhean Croise

लूको 11:10

छना कुचे अच़िला पेट्रा दोह्बी, दोबि खोकसद; अच्च़ी खमतो दोबि खोकसोतो; अच्च़ी ठकठकसा दोऊ थल्जी अलसोतो।

लूको 21:36

दिऊ थल्जी चेहके तोहई दंङ हमेशा प्रार्थना लोहवा लांई कि केरे दिह अंजा मुसीबतो दोरच़ी बचेक्पी गेह मीहू योहू तुईज़ी खड़े शुहबिमी जोहगे शुई।”

रोमियो 12:12

हेंदु कछंङ छि उम्मीद तोह दोऊ वहज़ा ज़ि खुशी मनेक्तुंई; मुसीबता रिंङ धीरज़ तंही भत्ते टेमारिंङ प्रार्थना लोहवा लंहि।

2 कुरिन्थियों 4:1

झांह लेह अपेहल हेंदु टोहकठे झांह ठ्रोह दया शुई, कि हेंदिंङ परमेश्वरो रूठे खबर प्रचार लहज़िमी सेवकाई खोकसिरी, दंङ हेंज़ी अपेहल ला हार माह खोकपोंई।

गलातियों 6:9

हेनर रूठे कम लहज़िमी रंङ साते परेशान शुहबी माह जूंस, छना कुचे अगर हेनर परेशान माह शोंई, दंङ परमेश्वरो ठीक टेमारिंङ ईनाम खोकपोंई।

इफिसियों 6:18

दंङ भत्ते मुक्का ए भत्ते पाहठी हेंदिंङ ध्वांए ए प्रार्थना ए बिनती लहज़ी जूंशी तोह। छना पवित्र आत्माज़ि हेंदु अगुवाई लहज़ा। झांह लेह चेहके बंङज़ेंई दंङ भत्ते परमेश्वरो मीहतु थल्जी हमेशा प्रार्थना लोहवा लंहि।

फिलिपियों 4:6

अंऊ ला गप्पो चिंद थालंही, पर हर इच्च़ा हालाता रिंङ केहतु निवेदन, प्रार्थना ए बिनती रंङ साते धन्यवाद रंङ साते परमेश्वरो तुईज़ी हाज़िर लेह केऊर।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

कुलुस्सियों 4:2

लगातार प्रार्थना लोहवा लंहि, दंङ हमेशा धन्यवाद रंङ साते खबरदार शुहचे बंङज़ुंई।

1 थिस्सलुनीकियों 5:17

लगातार प्रार्थना लोहवा लंहि।