लूको 17:2 - लाहौली बाइबिल

² पर अच़िला गिऊ टोहकठे विशवास लहज़ा चाहे दुह कवचि ए शोतो अरीला मीह दोबि पापो अमो दोरच़ी लेन्ज़ा दोऊ विशवासो दोरच़ी थलका लोहतो, झांह ठ्रोह मीहबी परमेश्वरो सज़ा खोकसिरी बे रुठे तोह कि दोऊ मुथूरिंङ घहटो रघ छ़ुचे दोबि समुन्द्र छांङे च़रतु छना कुचे परमेश्वर दोबि दिह्बे बेह्द अंज़े सज़ा रमतो।

लूको 17:2 Iomraidhean Croise

मत्ती 17:27

तांला दिऊ थल्जी कि हेंज़ी दोतिंङ ठोकर मराहई केई झीलो कछंङ इलजे जाल केहऊ दंङ अंऊ मह्छ़ तुहई हुंज़तो दुह लेहप्तु दोऊ आह अल्ज़े कनिंङ इच्च़ा सिक्का खोकसोतो, दुए गिऊ ए केनोह तरफे दोतिंङ रेह च़रतु।”

मत्ती 18:10

खांई, केहच़ी दिहरे क्वाच़ी तु बिचंङ अतिंङ ला क्वाच़ी थचेहतुंई; छना कुचे गेह केतंङ कुट्रातग कि सर्गंङ दोतु दूतारे हमेशा गिऊ सर्गो बाहरंङ साते बंङज़ातोर।

मत्ती 18:14

ध्वांए केहतु बाह अरी स्वर्गंङ तोह दिह हिटी माह कि दिह कवचि दीतु बिचंङज़ि इच्च़ा लाह योह्सोतो

मत्ती 26:24

गेह मीहू योह सिए योग छना कुचे दि पवित्र शास्त्ररंङ च़ेहसी तोह। दंङ परमेश्वर दुह मीहबी भयानक सज़ा रमतो अच़ि गेह धोखारंङ साते च़ुमज़ि लोहतो। दुह मीह ऊ थल्जी रुठे तोहई कि दोऊ जन्म ए माह शुहचा आ।”

मरकुसो 9:42

यीशुज़ि दी ला कुहतो, “गिऊ टोहकठे विशवास लहज़ा चाहे दुह कवचि ए शोतो, अरीला मीह दोबि पापो अमो दोरच़ी लेन्ज़ा दोऊ विशवासो दोरच़ी थलका लोहतो, झांह ठ्रोह मीहबी परमेश्वरो सज़ा खोकसिरी बे रुठे तोह कि दोऊ मुथूरिंङ घहटो रघ छ़ुचे दोबि समुन्द्र छांङे च़रतु छना कुचे परमेश्वर दोबि दिह्बे बेह्द अंज़े सज़ा रमतो

यहून्नो 21:15

बगत ज़ेह थल यीशु ज़ि शमौन पतरस रंङ साते कुतोह, “हे शमौन, यूहन्ना ओ योह, छि केई हेले ए दोतिंङ बे महस दा गेरंङ साते लहज़ातन आ?” दोई यीशु बि जुबाब रेंई, “वेई प्रभु; केई ता ञेंहच़ातन कि गेह करंङ साते दाह लहज़ातग।” यीशु ज़ि दोऊ हखा कुंई, “गिऊ थल जोज़ा दोतु झांह ठ्रोह देखभाल लोहू छना कुरच़ो रखवाली लेही।”

1 कुरिन्थियों 9:15

हालांकि दि हेले रिंङ गिऊ थल्जी ठीक तोह कि अंऊ मीहतिंङ गेह प्रचार लहज़ातग, दोतंङ पेट्रोग, पर गेह घेंङौ कमो थल्जी मज़दूरी माह पेट्रातग दंङ गेह केहतु थल्जी खरकोई सीख चेहच़ातग कि केरे गिह्बी रांई। गेह केरे रूहक्पिमी बेहच़ी सिए योग छना कुचे अगर गिह्बी केहतु दोरच़ी मज़दूरी खोकसी ता गेह दि दावा लेह मरपोग कि गेह मज़दूरी लेहपच़ी मेह केहतु दोरच़ी कम लहरिगा।

1 कुरिन्थियों 9:22

दंङ अपेहल गेह दोतंङ साते शवाहतग अंऊ विशवासा रिंङ कमज़ोर तोतोर, दंङ गेह दोतु ठ्रोह व्यवहार लहज़ातग, ताकि गेह दोतिंङ मसीहू विशवासारिंङ हपिमी कोशिश लेह तरपोग, गेह भत्ते मीहतु थल्जी भत्ते धिर बणेंके इलिग, कि छा तरीका रंङ साते रे मीहतु उद्धार लेह तरपोग।