लूको 17:1 - लाहौली बाइबिल

¹ दंङ यीशुज़ि एनोह चेला तिंङ कुहतो, “पाप लहज़िमी परीक्षा मीहतु तुईज़ी ज़रुर अपतो, पर धिक्कार दुह मीहू टोईच़ी अतु बजहच़ि परीक्षा अपा!

लूको 17:1 Iomraidhean Croise

मत्ती 16:23

यीशुज़ि किरज़ा पतरसो हखा कुंई, “केई गिह्बी शेतानो ठ्रोह परखेकच़ी बंद लोह, गिऊ दोरच़ी ऊई तार शुहचे इल। कांह गिऊ थल्जी ठोकरो बजह शॉन; छना कुचे कनु बिचार मीहू दोरच़ी तोतोर परमेश्वरो दोरच़ी माह।”

मत्ती 18:7

ठोकरातु थल्जी संसाराबि धिक्कार! ठोकर ज़रुर लेह्फी; पर दुह मीहबी धिक्कार! अतु बजाहज़ि ठोकर लेहपा।

लूको 16:31

दोई दोबि कुहतो, अपेहल दोच़ी मूसा ए भविष्यवक्तातु हुकुम माहमनेक्च़ातोर, दंङ सीए दोतु बिचंङज़ि अरिया श्रींङी इलि ताह तांला दोरे बिशवास माह लोहर।”

रोमियो 14:13

झांह लेह तुंखा हेनर इदि-अईदि ओ टोईच़ी दोष माह लगाएपोंई, पर केहच़ी दि ञेंई च़रतुंई कि अंऊ ला साथी विशवासी हेंदु वहज़ा ज़ि पापो जाला रिंङ फसके इबि माह जूंस।

रोमियो 16:17

हेंतेग हे विशवासी न्वारे, गेह केतंङ साते बिनती लहज़ातग, कि केरे दुह मीहतंङ साते खबरदार ए शत्‌ह बंङज़ेंई, दंङ दू शिक्षा ओ खिलाप तोह, अंऊ केतिंङ खोकसी तोह, दंङ अंऊ ऊई मीहतु विशवास रिंङ कमज़ोर शुहबी ए झगड़ो वहज़ा शुहबी।

1 कुरिन्थियों 10:32

गेह भत्ते तिंङ खुश लहज़िमी कोशिश लहज़ातग, गेह घेंङौ भलाई ओ पाहठी माह सोचेक्च़ातग, बल्कि भत्ते तु भलाई ओ पाहठी सोचेक्च़ातग, ताकि दोरे उद्धार खोक्शे तरपोर। ध्वांए केरे ला झांह ठ्रोह बंङज़ेंई कि यहुदी या ऊईजाति तु परमेश्वरो कलीसिया ओ थल्जी छा परेशानी या ठोकर पैदा शुहबी मेस।

1 कुरिन्थियों 11:19

वोई, दि हेले तोह कि केहतु बिचंङ बंटवारा शुहबी ज़रूरी तोह। कि दोरे, अंऊ परमेश्वरो दोरच़ी अंङषी तोतोर, छंङीरिंङ अच़ा अपोर।

1 कुरिन्थियों 8:13

झांह लेह, अगर मुर्ति बि चढ़ाएसी बगत ज़ेइमी दोरच़ी अई विशवासी न्वा ऊ विशवास कमज़ोर शुहबिमी वहज़ा शवाह, दंङ गेह दि ठ्रोह बगत अपेहल ला माह ज़ोओग ताकि गेह ऊई विशवासी तु विशवास कमज़ोर शुहबिमी वहज़ा बणेक्पोग।

1 तीमुथियुस 4:1

पवित्र आत्मा साफ तरीका रंङ साते कुट्रा कि अंतिम ध्याड़ारिंङ रें मीहरे मसीहू शिक्षा ओ टोहकठे विशवास लहज़ी छोड़ेके दोरे मांजी आत्मा तु शिक्षा स्वीकार लोहर, अंऊ दोतिंङ भटकाएच़ा दंङ दुह हप्सी शिक्षाओ टोईच़ी विशवास लोहर अंऊ मांजी आत्माओ दोरच़ी अपा।

प्रकाशित वाक्य 2:14

पर गिह्बी कनु पाहठी छा शिकायत तोह: छना कुचे केई दुह मीहतु विरोध माह लहज़ातन अंऊ कांह कलीसिया रिंङ हप्सी शिक्षा रंड्रातोर, छना ठ्रोह भविष्यवक्ता बिलामे तुहई कि टेमा रिंङ रंदे। बिलामे रज्ज़ा बालाका बि सिखाएक्तो कि इस्राएलो मीहतिंङ पाप लहज़िमी थल्जी उकसाएच़िमी थल्जी छि लहज़ी जूंशी तोह। दोई दोतिंङ मुर्ति बि चढ़ाएसी बलि ज़ेई ए बुराई रंङ साते श्रींङमी कंङातो।

प्रकाशित वाक्य 2:20

पर गिह्बी कांह हखा दि शिकायत तोह। कि काह दुह मेच़िमी इज़ेबेल बि हप्सी शिक्षा फैलाच़ि रंड्रातन। दोई कुट्रा कि दुह इच्च़ा भविष्यवक्तिन शुह, पर एनोह शिक्षा ओ दोरच़ी दोई गिऊ मीहतिंङ कुकम रिंङ शामिल शुहबिमी थल्जी ए दंङ मुर्ति बि चढ़ाएसी बलि ज़ेइमी थल्जी भरमाएच़ा।