लूको 16:9 - लाहौली बाइबिल

⁹ दंङ गेह केतंङ कुट्रातग कि संसारो ढबोह दोरच़ी केन्दु थल्जी झांह ठ्रोह साथीरे बणाके च़रतुंई; कि अपेहल दुह ढबाह योह्सा योतो ता दुह साथी केहरे अनंतकालो चुंङ रेंज़ा शोतो।

लूको 16:9 Iomraidhean Croise

मत्ती 19:21

यीशुज़ि दोहरंङ कुहतो, “अगर केई सिद्ध शुहबिम तातन ता इला, केनोह भत्ते धिर लंङहे च़रतु दंङ अंऊ टंगा-ढबाह तातन दुह गरीबातिंङ रेह च़रतु। दंङ दोऊ थल अंज़े का गिऊ चेला बणेकतु। दंङ कनिंङ स्वर्गंङ असली धन खोकसोतो।”

मत्ती 6:19

केनोह थल्जी संसारारंङ ढबाह ठ्रोहका थलोह; अंऊ ओमड्राज़ि ए काई खराब लेहई, दंङ अंऊ चोरा ज़ि कुजी चरच़ि।

मत्ती 6:24

छना कुचे अच़िला मीहज़ी इच्च़ा टेमारिंङ झुह्ट मालिको सेवा लेह मरछी, छना कुचे दोई इदिरंङ मांजी लोहतो ऊईरंङ दाह लोहतो, छिता इदिरंङ मिलेकी बंङ जोतो ऊई दिबी कवचि चेहपोतो केहच़ी परमेश्वरे ए ढबाह झुह्ट लोह सेवा लेह मरच़ि।

लूको 11:41

अंऊला धिर केहतु सेहमरिंङ तोह, दुह गरीबातिंङ दान रंड्रीमी रंङ साते साफ लांही दंङ केहरे ए केहतु संस्कार शुद्ध शुहचे योहर।”

लूको 12:33

कनु टंगा ढबाह लंङे गरीबातिंङ दान लेह च़रतु; दंङ केनातु थल्जी ध्वांए ठ्रोह बटुआ रे बणाएतुंई अंऊ युई माह शोतो, दंङ केनोह थल्जी स्वर्गंङ झांह ठ्रोह टंगा ढबाह ठ्रोहका लोहू अंऊ अपेहला माह योसतो, दंङ अंऊर माह चोरा ज़ि चोर लेह तरच़ी दंङ माह ओमड्रा लेह्प्तो।

लूको 14:14

दंङ कह धन्य शोन छना कुचे दोतु दोहर कनिंङ यहच़िमी थल्जी छल्ले मद, पर कनिंङ अपेहल धर्मी मीहरे श्रींङे योर ता परमेश्वर कनिंङ ईनाम रमतो।”

लूको 16:11

दिऊ थल्जी अगर केहरे संसारो ढबाहरिंङ सच्चे माह केहषी ता स्वर्गीय ढबाह केतिंङ अच़ि रमोतो?

लूको 16:13

“अच़िला परगरे इच्च़ा टेमारिंङ झुह्ट मालिको सेवा लेह मरच़ि; छना कुचे दोई इच्च़ारंङ साते बैर अईदिरंङ दाह तोहतो; छिता इदिरंङ मिलेकी बंङज़ोतो अईदीबी क्वाच़ी चेहपोतो: केहच़ी परमेश्वर ए ढबाह झुल्लो सेवा लेह मरच़ि।”

लूको 16:4

दा गेह ञेंए केहतग कि गेह छि लोहऊगा; कि अपेहल गेह खज़ान्च़ी ओ कमो दोरच़ी हुंच़े च़रपोर ता मीहरेर गिऊ मदत लोहर।

प्रेरित 10:31

दंङ कुट्री लेहती, “हे कुरनेलियुस, परमेश्वरे कांह प्रार्थना रेड्री केहतो। दंङ दि ला खांई केहतो कि अंयों फेरा केई गरीब यहुदी मीहतिंङ दान रदेन।

प्रेरित 10:4

कुरनेलियुस ए स्वर्गदूतो हखा ध्याना रंङ साते खांई दंङ बेवा ते कुई, “हे मालिका छि शुह?” स्वर्गदूते जुबाब रेंई, कांह प्रार्थना ए कांह गरीबा तु थल्जी दान परमेश्वरो तुईज़ी पिचे इल्दोर।

2 कुरिन्थियों 4:17

हेंदु दि कवचि ए थोड़े हरे दुख हेंदु थल्जी झांह ठ्रोह अनंत महिमा पैदा लहज़ा, अतु पाहठी हेंज़ी सोचेक्सी माहरच़ातंई।

यहूदा 1:21

केनातु थल्जी परमेश्वरो दाह महसूस लोहवा लंहि। अपेहल कि केरे हेंदु प्रभु यीशु मसीहू दि उम्मीदा रंङ साते इंतज़ार लहज़ातंई कि केतिंङ अनंत जीवन खोकसोतो। दोई झांह पक्‍का ए लोहतो छना कुचे दोई केतंङ साते दाह लहज़ा।