लूको 16:8 - लाहौली बाइबिल

⁸ “दंङ साहुकारे दुह चलाक खज़ान्च़ी ओ तारीफ लहतो, कि केई अंयों चलाकी रंङ साते कम लहतन; छना कुचे ध्यांए ठ्रोह दिह संसारो मीहरेर एनातु साथीतंङ साते मुक्को रीति रिवाज़ ए चाल चलनारिंङ धर्मी मीहबे ला महस चलाक तोतोर।”

लूको 16:8 Iomraidhean Croise

मत्ती 12:32

अच़िला गेह मीहू योहू खिलाप छाह गप्पा कोतो, दोऊ दि गलती माफ शुहचे योतो पर अच्च़ी लाह पवित्र आत्मो खिलाप छाह कोतो, दोऊ गलती माह दिह संसार माह परलोकंङ माफ शोतो।

मत्ती 17:26

पतरसे दोबि कुहतो, “ऊईतु दोरच़ी” यीशुज़ि दोबि कुहतो, “दंङ कटुरे बचेके इलिरे।

लूको 16:10

अरी क्वाच़ी-क्वाच़ी गप्पातु थल्जी ईमानदार तोह दुह मोह्ड़े गप्पातु थल्जी ला ईमानदार तोह: दंङ अरी महसे क्वाच़ी-क्वाच़ी गप्पातु थल्जी बेईमान तोह, दुह मोह्ड़े गप्पातु थल्जी ला बेईमान शोतो।

लूको 16:4

दा गेह ञेंए केहतग कि गेह छि लोहऊगा; कि अपेहल गेह खज़ान्च़ी ओ कमो दोरच़ी हुंच़े च़रपोर ता मीहरेर गिऊ मदत लोहर।

लूको 16:7

दंङ खज़ान्च़ी अईदीबी रूहकातो, कांह टोईच़ी अंयों कर्ज़ा तोह? कर्ज़दारे कुहतो, राह मण छ्वा, दंङ खज़ान्च़ी दोहरंङ कुहतो, केनोह बही-खाता लेहप्तु दंङ पिनिज़ा च़ेऐ च़रतु।

लूको 18:6

प्रभु ज़ि कुंहई, “दिह अधर्मी न्यायी दोरच़ी।

लूको 20:34

यीशुज़ि दोतंङ कुहतो, “दिह जुगारिंङ ताह कटु ज़ि ब्याह लाहतोर।

लूको 20:35

पर अंऊ दिऊ जोगे शोर कि सीमी दोरच़ी श्रींङी योहर, दोतु बिचंङ ब्याह माह शोतो।

यहून्नो 12:36

अपेहल तचेक छंङी केतंङ साते तोह, छंङीऊ टोहकठे विशवास लांही कि केहरे छंङीऊ कटुरे शोंई।” दिह गप्पारे कुचे यीशु अच़ा इलि दंङ दोतु दोरच़ी ब्याके बंङज़िरी।

1 कुरिन्थियों 3:18

अगर केहतु बिचंङ अरिला दि सोचेक्च़ा कि दू दि संसारो मीहतु नज़रारिंङ ज्ञानवान तोह, दंङ केतिंङ दि संसारो नज़रारिंङ केनातिंङ मुर्ख बणाषी जूंशी तोह, ताकि केरे हेले रिंङ परमेश्वरो तुईज़ी ज्ञानवान बणेंके तरपोंई।

इफिसियों 5:8

तुहई केरे हंयार बंङज़ा मीहतु ठ्रोह तोईनी, पर हेंतेग केरे छंङीरिंङ बंङज़ा मीह शुई छना कुचे केरे प्रभु मीहरे बणेंके इलजी तोतोंई झांह लेह छंङीरिंङ बंङज़ा मीहतु ठ्रोह कम लंहि।

फिलिपियों 3:19

दोतु अनंत विनाशो तोह, दोतु फुको हिटी ए दोतु भगवान शुह, दोरे षेह्पिमी कम लहज़ा घमण्ड लहज़ातोरे, दंङ दोरे हमेशा धरतीऊ चीज़ो पाहठी सोचेक्च़ातोर।

1 थिस्सलुनीकियों 5:5

छना कुचे केरे भत्तेरे छंङीऊ कटुरे शुई, दंङ निहरो कटुरे शुई, हेनर माह रातो शुई, माह हन्यारो कटुरे शुई।

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।

1 यूहन्ना 3:10

झांह लेह दिरंङ परमेश्वरो कटुरे ए शेतानो कटुरे ञेंच़ातेंई अंऊ मीहरे धर्मो कम लहज़ातोर, दोरे परमेश्वरो दोरच़ी शुरे, दंङ दोरे लाह अंऊ एनोह न्वा रंङ साते दाह तहच़ातोर।