लूको 16:2 - लाहौली बाइबिल

² दंङ साहुकारे खज़ान्च़ी बि बुलाके कुहतो, कांह पाहठी गेह दिह छि थापि लेहकी तोतोग? केई गिऊ ढबाह रंङ साते छि लहतन केई दिऊ लेखा रौं? छना कुचे कांह दिऊ थल खज़ान्च़ी माहकेषोन।”

लूको 16:2 Iomraidhean Croise

मत्ती 12:36

गेह केतंङ साते कुट्रातग छि, छि मांजी गप्पारे मीह्जी कोर, न्याय ध्याड़ारिंङ दोबि हर गप्पो हिसाब रंड्री लेह्पोतो।

मत्ती 20:8

ञोंकल कि दुह ज़िमदारे एनोह भंडारीबि कुहतो, अंऊ भत्ते बे थल मुखंङ कम लहज़िमी अंज़े तोईरे दोतिंङ ए तुहई मुखंङ अंज़े कम लहज़ातिंङ ध्याड़ी रेह च़रतु।

लूको 12:20

‘पर परमेश्वरे दोरंङ साते कुंई, हे मुर्ख, तोग रातारिंङ कांह सीए योंहन दंङ छि ला चीज़र केई केहनो थल्जी ठ्रोहका लहसी तोह दुह अतु शोतो?’

लूको 12:42

प्रभु ज़ि दोबि जुबाब रेंई, “दुह विशवासो जोगे ए समझकार परगर अरी शुह, अतु मालिके दोबि ऊई नोकरा तु टोईच़ी मुख्या नियुक्त लोहतो कि दोतिंङ टेमा रिंङ बगत रमतो।”

लूको 16:1

दंङ यीशुज़ि चेला तु हखा ला दिह कथा कुंहई, “अरीआ साहुकारो इच्च़ा खज़ान्च़ी तोहई, मीहज़ी दोऊ तुईज़ी दोऊ टोईच़ी इलज़ाम केहतोर कि दोई भत्ते ढबाह योह्च़े लेहकी तोह।

लूको 16:3

दंङ दुह खज़ान्च़ी सोचेकच़ी लेहती, दा गेह छि लोहग? छना कुचे गिऊ मालिक दा गिऊ दोरच़ी खज़ान्च़ी ओ कम दोरच़ी गिह्बी हुंच़े च़रपोतो। मज़दूरी ता गिऊ दोरच़ी शिल्ज़ी मरपोतो; दंङ भीख पेट्री गिह्बी षेहद अपा।

रोमियो 14:12

दंङ यह्च़ा, हेंदु बिचंङ हर इच्च़ा एनोह-एनोह लेखा परमेश्वराबि रंड्री लेह्पोतो।

1 कुरिन्थियों 1:11

छना कुचे हे गिऊ प्यारे साथी विशवासी रे, खलोए ओ टबरातु मीहच़ी गिह्बी कांह पाहठी कंङातेर, कि केहतु बिचंङ झगड़ा शुहबी लेहकी तोह

1 कुरिन्थियों 4:2

छना भंडारी बि कम रांहषी ततो, दोऊ दोरच़ी दि उम्मीद लेह तरपोंई कि दुह विशवासो जोगे शुहबी जूंस।

1 कुरिन्थियों 4:5

झांह लेह अपेहल तचेक प्रभु दोबारा वापिस माह अपा दू मुक्का तचेक अतुला न्याय थालंही। छना कुचे प्रभु साफ तरीका रंङ साते दू भत्ते विचार कम्बोतो, अंऊ मीहतु अंदरेग तोह, अतु पाहठी ऊई अच़िला माह ञेंओर। दू दोतु इरादा बि प्रगट लोहतो अंऊ दोतु सेहमरिंङ तोह, दोहपल परमेश्वरे दोतु षटणा शोतो।

2 कुरिन्थियों 5:10

छना कुचे ज़रूरी तोह कि हेंदु भत्ते तु मसीहू दोरच़ी फेंसला शोतो, कि हर इच्च़ा मीह एनोह-एनोह रूठे ए मदम कमो दोरच़ी अंऊ दोतु फुको दोरच़ी शुहचे तोह, दोऊ बदला खोकपोर।

1 तीमुथियुस 4:14

दुह वरदानो थल्जी अंऊ भविष्यवाणी ओ दोरच़ी कनिंङ कलीसिया ओ सेंहणा तु गुह्ट्र केट्रिमी मुक्का कनिंङ खोकसते, दोबि लगातार कनिंङ इस्तेमाल लेह जुंशी तोह।

1 तीमुथियुस 5:24

गेह करंङ साते कुट्रातग कि कलीसिया ओ सेंहणा अंङड्रीमी थल्जी जल्दबाज़ी था लोह, छना कुचे रें मीहच़ी खुले आम पाप लहज़ातोर देर तचेक कि न्याय शुहबिमी तुहई ए दोरे विशवासी तु तुईज़ी दोषी तोईरे। पर रें मीहतु पाप महस टेम तचेक तुईज़ी माह अपा।

1 पतरस 4:10

हर इच्च़ा मीहबी परमेश्वरो दोरच़ी वरदान खोकसा तोह दंङ दोतिंङ दू वरदानो इस्तेमाल ऊईतु मदत लहज़िमी थल्जी लेह जूंशी तोह। दोतिंङ परमेश्वरो रूठे सेवको रूपा रिंङ एनोह वरदानो इस्तेमाल रूठे रंङ लहज़ी जूंशी तोह।

1 पतरस 4:5

पर दू ध्याड़ा अपतो अपेहल दू मीहतिंङ दू कमो पाहठी परमेश्वरा बि जबाब रंड्री लेह्पोतो। छना कुचे परमेश्वर भत्ते मीहतु न्याय लहज़िमी थल्जी तेयार तोह, चाहे दोरे अंऊ हेंतेग श्रींङी तोतोर या दोरे अंऊ सिए इलजी तोतोर।

प्रकाशित वाक्य 20:12

दंङ गेह सिए मीहतिंङ दुह सिंहासनो तुईज़ी तंङरिगा, मतलब दोतिंङ अंऊ खास ए आम मीहरे तोतोर। दोरे मीहरे अंऊ समुंद्र डुमज़े सिए इलजी तोईरे, दंङ क्रबो भत्ते सिए मीहरे, दंङ दोरे मीहरे अंऊ सिए दोतु ठहरि तोईरे, दोरे भत्ते दुह सिंहासनो तुईज़ी खड़े शुहचे इलिर। दंङ कताबर अलसा इलि, अंऊर जीवनो कताब ला शामिल तोह। दंङ कताबा रिंङ च़ेहसी गप्पो हिसाबे दोतु फेंसला शुहचे इलि, दोऊ हिसाबे अंऊ दोच़ी लहसी तरेर। दुह भत्ते तु दोतु कमो हिसाबे फेंसला शुई।