लूको 16:1 - लाहौली बाइबिल

¹ दंङ यीशुज़ि चेला तु हखा ला दिह कथा कुंहई, “अरीआ साहुकारो इच्च़ा खज़ान्च़ी तोहई, मीहज़ी दोऊ तुईज़ी दोऊ टोईच़ी इलज़ाम केहतोर कि दोई भत्ते ढबाह योह्च़े लेहकी तोह।

लूको 16:1 Iomraidhean Croise

मत्ती 20:8

ञोंकल कि दुह ज़िमदारे एनोह भंडारीबि कुहतो, अंऊ भत्ते बे थल मुखंङ कम लहज़िमी अंज़े तोईरे दोतिंङ ए तुहई मुखंङ अंज़े कम लहज़ातिंङ ध्याड़ी रेह च़रतु।

लूको 12:42

प्रभु ज़ि दोबि जुबाब रेंई, “दुह विशवासो जोगे ए समझकार परगर अरी शुह, अतु मालिके दोबि ऊई नोकरा तु टोईच़ी मुख्या नियुक्त लोहतो कि दोतिंङ टेमा रिंङ बगत रमतो।”

लूको 15:13

दंङ थोड़े अरे ध्याड़ो थल कवचि योह भत्ते धिर ठ्रोहका लहज़ा इच्च़ा ऊई तार देशंङ अच़ा इलि दंङ दोर तिंङ भोग-बिलासारिंङ एनोह भत्ते टंगा ढबाह योह्च़े च़रति।

लूको 15:30

पर अपेहल कांह दिह योह अच़ि एनोह भत्ते टंगा ढबाह कुकम लहज़ाड़ो टोईच़ी योह्च़े चरच़तो, अंजा, दंङ केई दोऊ थल्जी मोह्ड़े धाम तेयार लेह लहरिन।

लूको 16:19

यीशु ज़ि अई इच्च़ा कथा कुंई, “इच्च़ा साहुकार मीह तोहई अच़ि मंहङे-मंहङे मखमलो खमज़ेर लेहच़ते दंङ हर इच्च़ा ध्याड़ा रुठे-रुठे बगत ज़ोवाते।”

लूको 16:2

दंङ साहुकारे खज़ान्च़ी बि बुलाके कुहतो, कांह पाहठी गेह दिह छि थापि लेहकी तोतोग? केई गिऊ ढबाह रंङ साते छि लहतन केई दिऊ लेखा रौं? छना कुचे कांह दिऊ थल खज़ान्च़ी माहकेषोन।”

लूको 19:20

तीसरा दोई अंज़े कुंई, हे मालिका खंणु कांह मुहर देर्तिंङ तोह, अतिंङ गेह खम्ज़ेरंङ छ़ुह्च़ी ताहरेग।

लूको 8:3

दंङ रज्ज़ा हेरोदेसो भंडारीऊ मेच़ा योअन्ना ए सुस्न्ना, दंङ ऊई ला मेच़मी। दिहरे एनोह टंगा-ढबाहो दोरच़ी द्वारा यीशु ए दोऊ चेला तु सेवा लह्ज़तेर।

तीतुस 1:7

छना कुचे कलीसिया ओ मुख्या बि परमेश्वरो खज़ान्च़ीज़ि शुहबीरंङ साते बेकसूर शुहबी जूंस; माह ज़िद्दी, माह रोहष, माह पियक्कड़, माह मारपीठ लहज़ा, माह ढबाहो लालची शुहबी जूंस।

याकूब 4:3

केहच़ी पेट्रातंई पर तांला केतिंङ माह खोकसा, छना कुचे मदम हिटी रंङ साते पेट्रातंई, ताकि केनातु भोग विलासरिंङ योह्च़े तरपोंई।

1 पतरस 4:10

हर इच्च़ा मीहबी परमेश्वरो दोरच़ी वरदान खोकसा तोह दंङ दोतिंङ दू वरदानो इस्तेमाल ऊईतु मदत लहज़िमी थल्जी लेह जूंशी तोह। दोतिंङ परमेश्वरो रूठे सेवको रूपा रिंङ एनोह वरदानो इस्तेमाल रूठे रंङ लहज़ी जूंशी तोह।