लूको 13:16 - लाहौली बाइबिल

¹⁶ “छि दिह ठीक माह तोंईया कि दिह मेच़िमी अरी अब्राहमो खानदानो शुह, दंङ शेताने सारे सालबे दिह बीमार लहसी तहरे, यहूदीतु अरामो ध्याड़ारिंङ दुह बीमारीऊ दोरच़ी ठीक शुहचे इलि?”

लूको 13:16 Iomraidhean Croise

मत्ती 4:10

दंङ यीशुज़ि दोबि कुहते, “ए शेतान, दोखा अच्च़ा इला, छना कुचे पवित्र शास्त्रा रिंङ च़ेहसी तोह: केई प्रभु केनोह परमेश्वर बि फ्यग लोहू, दंङ दोऊ ए अराधना लोहू।”

मरकुसो 2:27

दंङ यीशुज़ि दोतंङ साते कुतोह, “परमेश्वरे अरामो ध्याड़ा मीहतिंङ बरदो रंड्रीमी थल्जी बणाएठ्री मशत।”

लूको 16:24

दंङ दोई हाऊष रें कुहतो, हे बाह, अब्राहम गिऊ टोईच़ी दया लोह दिह लाज़राबि गिऊ कछंङ च़रतु, ताकि दिह एनोह ब्रेमज़ो मुख तीरिंङ केह गिऊ लेह सोहई लोहतो, छना कुचे गेह देर्तिंङ महस टेहषी रंङ साते तंड़पेक्पी लेहकी तोतोग।

लूको 19:9

दंङ यीशु ज़ि दोबि कुहतो “तोहग दिह घरबारो मीहतु बिचंङ उद्धार शुहचा, छना कुचे कि दिह लाह अब्राहमो खानदानो शुह,

लूको 3:8

दिऊ थल्जी केनातु व्यवहार दोरच़ी दिह साबित लांही कि केहच़ी पापो दोरच़ी सेहम यह्च़ी चरच़ातंई; दंङ परमेश्वरो कछंङ अच़ा अन्दंई। दंङ दिह थाह सोचेक्तुंई कि केरे दिह कुट्रा सज़ाओ दोरच़ी बचेके योंई कि ञेंहतु बाह-मेमे अब्राहम शुह। गेह केतंङ साते कुट्रातग कि परमेश्वर दिह रघटेतु दोरच़ी लाह अब्राहमो थल्जी औलाद पैदा लेह तरपोतो।

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

प्रेरित 13:26

“हे बिशवासी न्वारे, केरे अंऊ अब्राहमो कटुरे शुई; दंङ केहरे अंऊ परमेश्वर ओ बेह्द चेहच़ातंई, परमेश्वरे हेंदु कछंङ उद्धारो खबर च़रसी ततो।”

2 तीमुथियुस 2:26

दिरे मीहरे यह्च़ा रूठे रंङ सोचेक्सिमी जोगे शोर दंङ शेतानो धोखा ओ दोरच़ी बचेके योर अंऊ कि इच्च़ा जालो ठ्रोह तोह। शेताने दोरे फसाके केहतो ताकि दोतु दोरच़ी दुह लहज़ी लोहतो अंऊ दोई जुंज़ा।