लूको 13:12 - लाहौली बाइबिल

¹² यीशुज़ि दुह तंङमीरंङ साते बुलाकतो दंङ कुहतो, “हे रिहंङ केई केनोह अपंगता ओ दोरच़ी छुटकारा खोक्शी चरच़ातन।”

लूको 13:12 Iomraidhean Croise

मत्ती 4:23

यीशु भत्ते गलील प्रदेशो इलज़ा दोतु यहुदी सभा घरबारंङ शिक्षा रंड्रा, परमेश्वर ओ राज्यो पाहठी रूठे खबर प्रचार लेह, दंङ मीहतु भत्ते पाहठी बीमारी ए कमज़ोरी ठीक लोहवा लहरी।

मत्ती 8:16

ञोंकोल कि दोच़ी दोऊ कछंङ मीहरे हतिरे अतु अंद्रेग मांजी आत्मारेह तोहई दंङ दोई दोरे मांजी आत्मारे एनोह बचनरंङ साते हुंज़े केहरी; दंङ भत्ते टेची मीहर ठीक लहते।

लूको 13:11

दोर तिंङ इच्च़ा मेच़िमी तोहई अतु अंद्रेग सारे सालबे इच्च़ा अपंग लहज़ा मांजी आत्मा तोहई दंङ दोऊ ऊम पुरे कोंङा शुहचे इलजी तोहई दंङ अंऊला तरीका रंङ दुह सीधे शुबी मरपते।

लूको 13:13

दंङ दोई दोऊ टोईच़ी गुहड़ केहरी, दंङ दुह दोथरे ठीक शुहचे इलि दंङ परमेश्वरो तारीफ लहज़ी लेहती।

लूको 13:16

“छि दिह ठीक माह तोंईया कि दिह मेच़िमी अरी अब्राहमो खानदानो शुह, दंङ शेताने सारे सालबे दिह बीमार लहसी तहरे, यहूदीतु अरामो ध्याड़ारिंङ दुह बीमारीऊ दोरच़ी ठीक शुहचे इलि?”