लूको 13:11 - लाहौली बाइबिल

¹¹ दोर तिंङ इच्च़ा मेच़िमी तोहई अतु अंद्रेग सारे सालबे इच्च़ा अपंग लहज़ा मांजी आत्मा तोहई दंङ दोऊ ऊम पुरे कोंङा शुहचे इलजी तोहई दंङ अंऊला तरीका रंङ दुह सीधे शुबी मरपते।

लूको 13:11 Iomraidhean Croise

मत्ती 4:23

यीशु भत्ते गलील प्रदेशो इलज़ा दोतु यहुदी सभा घरबारंङ शिक्षा रंड्रा, परमेश्वर ओ राज्यो पाहठी रूठे खबर प्रचार लेह, दंङ मीहतु भत्ते पाहठी बीमारी ए कमज़ोरी ठीक लोहवा लहरी।

मरकुसो 9:21

दोई दोऊ बाह बि रुहक्ती, “दिऊ दी हालत अपेहल बेहच़ी तो?” दोई कुतोह, “बाड़ेकतर बेहच़ी।

लूको 13:12

यीशुज़ि दुह तंङमीरंङ साते बुलाकतो दंङ कुहतो, “हे रिहंङ केई केनोह अपंगता ओ दोरच़ी छुटकारा खोक्शी चरच़ातन।”

लूको 13:16

“छि दिह ठीक माह तोंईया कि दिह मेच़िमी अरी अब्राहमो खानदानो शुह, दंङ शेताने सारे सालबे दिह बीमार लहसी तहरे, यहूदीतु अरामो ध्याड़ारिंङ दुह बीमारीऊ दोरच़ी ठीक शुहचे इलि?”

लूको 21:28

अपेहल दिहरे गप्पारे शुहबी लेहपोर, दंङ हिम्मत रंङ साते खड़े शुहचे; अंजा मुसीबता बि रुमज़ा तोहई, छना कुचे केहतु छुटकारा कछंङ शोतो।”

लूको 8:2

दंङ थोड़े अरे मेच़मीरे अंऊ मांजी आत्मा ए बीमारीऊ दोरच़ी ठीक लहसी तहरेर, दुह दिहरे शुहरे; मरियम अरी मगदल नगरो तोहई, अतु अंद्रेग च़ि यीशुज़ि निज़िह मांजी आत्मारे हुंच़ाते

लूको 8:27

अपेहल दुह झीलो मुखारिंङ तकसिरी दोबि दुह नगरो इच्च़ा मीह दोहरी अतु अंद्रेग मांजी आत्मा तोहई दुह महस ध्याड़ा बे माह खमज़े लहज़ाते माह चुंङ बंङज़ते पर कब्ररंङ बंङज़ाते अंऊर मुर्दा मीहरे पथेक्च़ी।

लूको 8:43

दुह भीड़ो बिचंङ इच्च़ा झांह ठ्रोह मेच़मी तोहई, अतिंङ सनी साल बेहच़ी शुहई बहेक्फिमी बीमारी तोहई। दोई बेदातु दोरच़ी इलाज लेहमी थल्जी एनोह भत्ते टंगा ढबाह खर्च ले च़रति पर दोबि छले फायदा माह शुई, बल्कि दोऊ बीमारी ऊई ला महसे बेहसा इलि।

प्रेरित 3:2

दोर्तिंङ मीहरे इच्च़ा मीहबी हपि लेहकी तोईरे अरी जेह्कपिमी बेहच़ी लट्टे तोहई, अतिंङ दोरे हर ध्याड़ा यहुदी मंदिरो ल्वाड़ी ओ दुह पेतंङ ओ कछंङ केहच़ी च़रतिर अतिंङ “सलटे” पेतंङ ला कुट्री दुह यहुदी मन्दिरो ल्वाड़ी अंजा इलज़ा दोतु दोरच़ी भीख पेट्रोतो।

प्रेरित 4:22

छना कुचे अंऊ मीह चमत्कार रंङ साते अईन शुहते दुह निज़ह साल बे महस उम्रो तोहई।