लूको 12:5 - लाहौली बाइबिल

⁵ गेह केतिंङ खबरदार लहज़ातग कि केतिंङ अतंङ साते बेई जूंस, परमेश्वरारंङ साते बेंईन अतु कछंङ सच़िमी ए नरकंङ केट्रिमी अधिकार तोह,

लूको 12:5 Iomraidhean Croise

मत्ती 10:28

अच़ि फुको घात लाह्तोर, पर आत्मो नुकसान लेह मरच़ि, दोतंङ साते थाबेंई पर परमेश्वरारंङ साते बेंईन अच्च़ी फुके आत्मा झुल्ला नरकंङ खत्म लेह तरच़ा।

मत्ती 25:41

दंङ दोई फुचंङ हासी दोतंङ कोतो हे शापित मीहरे, गिऊ तुईज़ी हिसाब मेह मेहरिंङ अच्च़ा ईलांई अंऊ शेतान ए दोऊ मांजी आत्मातु थल्जी परमेश्वरे त्याहर लहसी शुह।

मत्ती 25:46

दंङ दोरे अंऊ फुचंङ हासी तोतोर अनंत सज़ा खोक्पोर पर धर्मी मीहरे अनंत जीवनंङ योर।”

मत्ती 5:22

पर गेह केतिंङ दिह कुट्रातग, कि अच़िला एनोह न्वाबि रोहष लोहतो दुह यहुदी सभारिंङ दण्डो हकदार शोतो, दंङ अच़िला एनोह न्वाबि कम माहलाहज़ा कोतो दुह यहुदी महासभाओ तुईज़ी दण्डो हकदार शोतो; दंङ अच़िला कोतो ‘ए बमजी’ (बेबकूफा) दुह नरको मेहऊ दण्डो जोगे शोतो।

मरकुसो 13:23

दंङ केचिह खबरदार बंङज़ोंई; खंणु, गेह केतिंङ भत्ते गप्पा तुइए कंज़े केहतग।

1 थिस्सलुनीकियों 4:6

दंङ केरे केनातु फुको हिटी पूरा लहज़िमी थल्जी केनातु विशवासी न्वारे तंङ खिलाप पाप थालांई, दंङ माह ए दोऊ थल्जी छा चाल लंहि, छना कुचे प्रभु यीशु दोतिंङ सज़ा रमतो अंऊ झांह ठ्रोह कम लहज़ा तोर। छना कि ञेंहच़ी मुण्डारिंङ ए केतंङ साते कुहषी तातंई दंङ हिद ला लाहतंई।

इब्रानियों 10:31

श्रींङे परमेश्वरो गुह्ट्रे सज़ा खोकसी इच्च़ा महस भयानक गप्पा शुह।”

2 पतरस 2:4

केहच़ी ञेंहच़ातंई कि महस टेम तुहई अपेहल रे स्वर्गदूता ज़ि परमेश्वरो हुकुमो भाषे माह लहरिर, दंङ परमेश्वरे दोतिंङ दोतु लहसी कमो सज़ा रांई, दोई दोतिंङ नरकारिंङ छङें च़रति दंङ दोतिंङ हंयार कैदारिंङ दुह ध्याड़ा तचेक तहरि अपेहल कि दोई दोतु फेंसला लोहतो दंङ दोतिंङ सज़ा रमतो।

प्रकाशित वाक्य 14:7

दोई मोह्ड़े सग रंङ साते कुई, “परमेश्वरा रंङ साते बैईन, दंङ दोऊ हिसाबे दोऊ महिमा लंहि, छना कुचे हेंतेग दोऊ मीहतु फेंसला लहज़िमी टेम पिचे इलजी तोह। दोऊ अराधना लंहि छना कुचे दुह ए तोह, अच़ि स्वर्ग ए धरती, समुंद्र ए तिऊ झरना ओ रचना लहसी शुह।”

प्रकाशित वाक्य 15:4

“हे प्रभु, भत्ते मीहतु दोरच़ी कनु आदर शवाह, दंङ दोरे भत्तेर कनु मिन्दु आदर लहज़ातोर, छना कुचे सिर्फ काह ए पवित्र परमेश्वर शुनाह। हर इच्च़ा ठहरि ओ भत्ते मीहरे कनु कछंङ अपतोर, दंङ दोरे कनु अराधना लहज़ातोर छना कुचे कनु धर्मो कम भत्ते तिंङ रूठे रंङ हिद तोतोर।”

प्रकाशित वाक्य 20:14

दुह भत्ते मीहरे अतु मिन जीवनो कताबा रिंङ च़ेहसी माह तोहई, दोतिंङ मेहू झीलारिंङ छङें च़रति। दोऊ थल, हेंतेग मौत माह, हेंतेग सिए दोतु छल्ले ठहरि माह, छना कुचे दुह भत्ते मीहरे अतु मिन जीवनो कताबा रिंङ च़ेहसी माह दोतिंङ मेहू झीलंङ छङें चरच़तो। दिबी अई मौत ला कुट्री, अंऊ कि मेहू झीलो सज़ा शुह।