लूको 11:9 - लाहौली बाइबिल

⁹ दंङ गेह केतंङ साते कुट्रातग, केहच़ी छि जुंज़ातंई दुह परमेश्वरो दोरच़ी पेट्रोंई दंङ दोई केतिंङ रमोतो: पेपोंई खोकसोतो; ठकठकसोंईता, केहतु थल्जी अलसोतो।

लूको 11:9 Iomraidhean Croise

मत्ती 21:22

दंङ प्रार्थनारिंङ छिला विशवासारंङ पेट्रोंई दुह भत्ते केतिंङ खोकसा योतो।”

मत्ती 21:31

दिकुतु बिचंङ अच़ि बाहऊ हिटी पुरे लहज़ा?” दोच़ी कुह्तोर “तुहई दोई।” यीशुज़ि दोतिंङ कुहतो, गेह केतंङ हेले कुट्रातग कि चुंगी लेहपच़ा रे ए कुकम लहज़ा केरेबे तुहई परमेश्वरो राज्यरिंङ प्रवेश लोहर।

मत्ती 6:29

तांला गेह केतंङ कुट्रातग कि रज्ज़ा सुलेमान ला एनोह भत्ते राजो दोरच़ी, दोतु ठ्रोह खमज़े लेहसी माहतरे।

मरकुसो 11:24

झांह लेह गेह केतंङ साते कुट्रातग कि छिल्ला केई प्रार्थना लेह पेट्रातंई, ता विशवास लोहु कि केतिंङ दुह खोकसी, दंङ दुह केहतु थल्जी शुहचे योतो।

मरकुसो 13:37

दंङ अंऊ गेह केतंङ साते कुट्रातग, दुह भत्तेतंङ साते कुट्रातग; कि गिऊ अपिमी थल्जी तेयार तोहई।”

लूको 11:10

छना कुचे अच़िला पेट्रा दोह्बी, दोबि खोकसद; अच्च़ी खमतो दोबि खोकसोतो; अच्च़ी ठकठकसा दोऊ थल्जी अलसोतो।

यहून्नो 14:13

दंङ छिला धिर केहरे गिऊ मिन्ज़ी पेट्रोनी, दुहए गेह लोहग कि गेह मीहू योह दोरच़ी पिता परमेश्वरो महिमा शोतो।

यहून्नो 15:16

केहच़ी गेह अंङषी माह शुगाह, पर गेह केतिंङ अंङषातग दंङ केहरे ठेहराएक्तग कि केहरे इलजे फल हतांई; दंङ केहतु फल हमेशा ओ थल्जी शोतो, कि केहरे गिऊ चेलारे शुई, दिऊ थल्जी छिला धिर पिता परमेश्वरो दोरच़ी पेपोंन, दोई केतिंङ रमतो।

यहून्नो 15:7

अगर केहरे गेरंङ बणेंके बंङज़ोन, दंङ गिऊ शिक्षा केतंङ शोतो ता छिला धिर पेट्रोंई ता गेह दुह लोहग।

यहून्नो 4:10

यीशु ज़ि दोबि जुबाब रेंई, “केई माह ञेंहच़ातन कि परमेश्वरे कनिंङ छि रंड्री ततो, दंङ केई माह ञेंहच़ातन कि अरी कांह दोरच़ी ती पेट्री लेहकी तोह। अगर कनिंङ पता शुंईयां ता केई गिऊ दोरच़ी दिह पेट्री तोहई दंङ गेह कनिंङ जीवनो ती रेंईयां अच़ि जीवन रंड्री।”

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

2 कुरिन्थियों 6:2

छना कुचे पवित्र शास्त्रारिंङ परमेश्वरे कुहषी ततो कि, ठीक टेमारिंङ केई गिऊ प्रार्थना रेड्रातन, दंङ उद्धारो ध्याड़ारिंङ केई गिऊ मदत लहतन। रेड्रोंई; हेंतेग दिए दू ठीक टेम तोह। खंई, हेंतेग उद्धारो ध्याड़ा तोह।

इब्रानियों 11:6

सिर्फ परमेश्वरो टोईच़ी विशवास लहज़िमी रंङ साते ए हेनर दोबि खुश लेह तरपोंई। छना कुचे परमेश्वरो कछंङ अंजा दोबि विशवास लहच़ी जूंशी तोह, कि दू तोह; दंङ दोरे अंऊ दोबि सच्चाई रंङ साते पेट्रातोर, दू दोतिंङ दोऊ ईनाम रंड्रा।

इब्रानियों 4:16

झांह लेह अतंई, हेनर मोह्ड़े याहबारंङ साते परमेश्वरो कछंङ अपोंई, अंऊ मोह्ड़े दाह रंङ साते पिंङषा तोह, दोहपल परमेश्वर हेंदिंङ दया ए मोह्ड़े दाह कंबोतो, दंङ अपेहल हेंदिंङ ज़रूरत शोतो दोहपल हेंदु मदत लोहतो।

याकूब 1:5

अगर केहतु बिचंङ अतिंङ बुद्धि ऊ कमी तोह, दंङ परमेश्वरो दोरच़ी पेट्रोंई, अच़ि बिना गलती मेह भत्ते तिंङ भरपूरी रंङ साते रंड्रा, दंङ परमेश्वरे केतिंङ ला रमतो।

याकूब 5:15

दंङ विशवासो प्रार्थना ओ दोरच़ी मरीज़ बचेकी योतो दंङ प्रभु दोबि ठीक लेह च़रपोतो; अगर दोई पाप ला लहसी शुई ता प्रभु दोबि माफ लेह च़रपोतो।

1 यूहन्ना 3:22

दंङ छिल्ल धिर हेंज़ी परमेश्वरो दोरच़ी पेट्रातंई, दुह हेन्दिंङ दोऊ दोरच़ी खोकसा, छना कुचे हेनर दोऊ हुकुम मनेक्च़ा तोंई, दंङ अंऊ परमेश्वरा बि रूठे च़ेहसा दुह ए लहज़ातंई।

प्रकाशित वाक्य 2:24

पर थुआतीरा शहरा रिंङ केरे ऊई मीहच़ी दुह हप्सी शिक्षा ओ भाषे माह लोहनि, केहच़ी दोरिंङ हिस्सा माह लेहपच़ातंई अंऊ दोऊ चेला “शेतानो डुह्गे गप्पा कुट्रातोर।” गेह करंङ साते कुट्रातग कि गेह केहतु टोईच़ी ऊई छल्ले खास हुकुम माह रमोग, सिवाय दिऊ कि अपेहल तचेक गेह अपोग माह धोंण तचेक गिऊ टोईच़ी पक्‍का रंङ साते विशवास लहज़ी जारी तंही।