लूको 11:2 - लाहौली बाइबिल

² यीशुज़ि दोतंङ साते कुहतो, “अपेहल केहच़ी प्रार्थना लाहनी दंङ झांह ठ्रोह प्रार्थना लोहवा लांई; हे ञेंहतु बाह कांह अरी सर्गंङ तोतोन; कांह मिन पवित्र मनेक्च़ी जूंस कांह राज अंज़े जूंस।

लूको 11:2 Iomraidhean Croise

मत्ती 10:32

अच्च़ी लाह मीहतु तुईज़ी कुट्रातोर कि दोरे गिऊ चेलार शुहर, दंङ गेह लाह दोबि घेंङौ स्वर्गीय बाहऊ तुईज़ी घेंङौ चेला मनेक्पोग।

मत्ती 3:2

“केनातु पापो दोरच़ी सेहम किर्ज़ुंई दंङ परमेश्वरो कछंङ अतंई छना कुचे स्वर्गो राज कछंङ पिचे अंजा।”

मत्ती 5:16

ध्वांए केहतु छंङी मीहतु तुईज़ी च़मकेकी जूंस कि दोच़ी केहतु रूठे कम खांऐ केहतु बाहऊ, अरी स्वर्गंङ तोद, तारीफ लहसी जूंस।

लूको 11:1

इच्च़ा ध्याड़ा यीशु इच्च़ा ठाहरीरिंङ बंङज़ा प्रार्थना लहज़ी लेहकी तोहई। अपेहल दोई प्रार्थना लेह च़रति, ता दोऊ चेला तु बिचंङ ज़ि इच्चे अंज़े दोरंङ साते कुहतो, “हे प्रभु, छना यूहन्ना बपतिस्मा रंड्राज़ि एनोह चेला तिंङ प्रार्थना लहज़ी सिखाएति ध्वांए केई ला ञेंतिंङ सिखातु।”

रोमियो 1:7

गेह दि डाक रोम शहरो दुह भत्ते मीहतु थल्जी च़ेहसी लेहकी तोतोग, अंऊ परमेश्वरो प्यारे तोतोर, दंङ अतिंङ परमेश्वरे एनोह मीहरे शुहबिमी थल्जी अंङषी ततो; हेंदु बाह परमेश्वर ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

रोमियो 8:15

छना कुचे केतिंङ गुलामी आत्मा खोकसी माह, कि यह्च़ा बेवा योंई पर पवित्र आत्मा हेंदिंङ परमेश्वरो कटुरे बणाएशा, अतिंङ हेनर हे बाह, हे पिता कुचे हाऊष रंड्रा तंई।

1 कुरिन्थियों 1:3

गेह प्रार्थना लहज़ातग कि हेंदु बाह परमेश्वर, ए प्रभु यीशु मसीह केतिंङ मोह्ड़े दाह ए शांति रम्मा लोहतो।

2 कुरिन्थियों 1:2

गेह प्रार्थना लहज़ातग कि हेंदु बाह परमेश्वर, ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

गलातियों 1:4

हेंदु परमेश्वर ए बाह ओ हिटीऊ हिसाबे यीशु मसीह ज़ि एनाबि हेंदु पापो वहज़ा ज़ि बलिदान लेह च़रति ताकि दोई हेंदिंङ दू मदम शाक्ति ओ दोरच़ी बचाके च़रपोतो अंऊ तोग दि संसारारंङ कम लहच़ी लेहकी तोह।

इफिसियों 1:2

गेह प्रार्थना लहज़ातग कि हेंदु बाह परमेश्वरो ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

फिलिपियों 1:2

गेह प्रार्थना लहज़ातग कि हेंदु बाह परमेश्वर ए प्रभु यीशु मसीहऊ दोरच़ी केतिंङ मोह्ड़े दाह ए शांति खोकसा लोहतो।

फिलिपियों 4:20

परमेश्वर हेंदु बाह ओ महिमा युगानयुग शुहवा लोहतो। अमीन।

कुलुस्सियों 1:2

मसीहरिंङ दुह पवित्र ए विशवासो जोगे न्वारे तु मिंदंङ अंऊ कुलुस्सियो शहरारिंङ बंङज़ातेग; ञेंहतु बाह परमेश्वरो दोरच़ी केतिंङ मोह्ड़े दाह ए शांति खोकसा लोहतो।

1 थिस्सलुनीकियों 1:1

दि डाक पोलुसे सिलवानुस ए तीमुथियुसो तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहरिंङ तोह। ञेंहच़ी प्रार्थना लहज़ातंई कि परमेश्वर केतिंङ मोह्ड़े दाह ए शांति रमतो।

1 थिस्सलुनीकियों 1:3

अपेहल ञेंहच़ी हेंदु बाह परमेश्वरो हखा प्रार्थना लहज़ातंई अंऊ कम केहच़ी विशवासो दोरच़ी लहज़ातंई, दंङ विशवासी तु मदत लहज़िमी थल्जी महस मेहनत लहज़ातंई, दंङ प्रभु यीशु मसीहू वापिस अपिमी उम्मीद रिंङ केहच़ी धीरज़ ला लगातार हिद लोहवातंई।

2 थिस्सलुनीकियों 2:16

ञेंहच़ी हेंदु प्रभु यीशु मसीहू हखा, दंङ हेंदु बाह परमेश्वरो हखा, अच़ि हेंदंङ साते दाह लहज़ा, दंङ अच़ि एनोह मोह्ड़े दाह रंङ साते अनंत उम्मीद रांहषी ततो,

प्रकाशित वाक्य 11:15

अपेहल सातवें स्वर्गदूते तुरहीरिङ फुह लहरी, दंङ गेह स्वर्गंङ तेज सग रें हाऊष रंड्री रेड्रीगा: “संसारारिङ हेंतेग अरिला माह अच़ि राज लोहतो। सिर्फ हेंदु प्रभु परमेश्वर ए दोऊ अंङषी मसीह, दंङ दोई हमेशा-हमेशा ओ थल्जी राज लोहतो।”

प्रकाशित वाक्य 15:4

“हे प्रभु, भत्ते मीहतु दोरच़ी कनु आदर शवाह, दंङ दोरे भत्तेर कनु मिन्दु आदर लहज़ातोर, छना कुचे सिर्फ काह ए पवित्र परमेश्वर शुनाह। हर इच्च़ा ठहरि ओ भत्ते मीहरे कनु कछंङ अपतोर, दंङ दोरे कनु अराधना लहज़ातोर छना कुचे कनु धर्मो कम भत्ते तिंङ रूठे रंङ हिद तोतोर।”

प्रकाशित वाक्य 19:6

दिऊ थल, गेह दि ला रेड्रीगा अंऊ महसे मीहतु हाऊष रंड्रीमी सगो ठ्रोह तोहई। दोतु हाऊष रंड्री मोह्ड़े तिऊ सगो ठ्रोह तोहई, दंङ डुह मोह्ड़े सगो ठ्रोह तोहई। गेह दोतिंङ दि कुट्री रेड्रीगा: “हालेलूय्याह! अतंई हेनर हेंदु प्रभु परमेश्वरो स्तुति लोहनि।” छना कुचे हेंदु सर्वशक्तिमान परमेश्वरे ए रज्ज़ा शुह।

प्रकाशित वाक्य 20:4

दोऊ थल गेह रें सिंहासन तंङरिगा, दंङ अंऊ मीहरे दोऊ टोईच़ी बंङज़ा तोईरे, दोतिंङ राज लहज़िमी अधिकार रांहषी तोहई। गेह दुह मीहतु आत्मा ला तंङरिगा, अतु पुंज़ा ट्रिके केहषी तोहई छना कुचे दोच़ी दि अंगीकार लहसी ताहरेर कि यीशु दोतु प्रभु तोहई, दंङ दोरे परमेश्वरो बचनो टोईच़ी विशवास लहज़ातेर। दुह मीहच़ी घ्वंण या दुह मुर्ति ओ पूजा माह लहरिर, दोच़ी एनोह फ्याह रिंङ या गुहट्ररिंङ घ्वंणो छाप ला लेहपच़ी माह तोहई। दि मीहरे यह्च़ा श्रींङे इलिर दंङ इच्च़ा हज़ार साल तचेक मसीह रंङ साते बंङज़ा राज लहरिर।