लूको 11:13 - लाहौली बाइबिल

¹³ अगर केरे मांजी शुहचे केन्दु कटुतिंङ रूठे धिरारे रंड्री ञेंहच़ातंई दंङ केहतु स्वर्गो पिता परमेश्वरे एनोह पेट्रातिंङ पवित्र आत्मा ज़रुर रमतो?”

लूको 11:13 Iomraidhean Croise

मत्ती 5:16

ध्वांए केहतु छंङी मीहतु तुईज़ी च़मकेकी जूंस कि दोच़ी केहतु रूठे कम खांऐ केहतु बाहऊ, अरी स्वर्गंङ तोद, तारीफ लहसी जूंस।

मत्ती 5:45

झांह लेह केहरे केनातु स्वर्गो बाह परमेश्वरो कटुरे शोंई छना कुचे परमेश्वरे रूठे ए मदम मीहतु थल्जी एनोह एके हुंपा दंङ धर्मी ए पापी मीहतु टोईच़ी संदा वरसाची।

मत्ती 6:14

दिऊ थल्जी अगर केहच़ी मीहतु गुनाह माफ लोहन ता केहतु स्वर्गीय पिता परमेश्वर ला केहतु गुनाह माफ लोहतो।

मत्ती 6:30

दिऊ थल्जी अगर परमेश्वरे मैदानो श्रांङबी, अरी तोग तोह मुतंङ मेहरिंङ फरसा योतो, झांह लेह दोई दोबि ला सलटे लाह, दोई पक्‍का ए केहतु देख-भाल लोहतो। केहतु बिशवास धोंण थोडे़ छिला तोह?

मत्ती 6:32

छना कुचे ऊई जातिरे दिह भत्ते चीज़र पेट्रातोर, पर केहतु स्वर्गीय बाह ञेंहच़ा कि केतिंङ दिह भत्ते चीज़ा तु ज़रूरत तोह। दिऊ थल्जी, चिंद थालांई।

मत्ती 7:11

अगर केरे मांजी शुहचे केन्दु कटुतिंङ रूठे धिरारे रंड्री ञेंहच़ातंई दंङ केहतु स्वर्गो बाह परमेश्वरे एनोह पेट्रातिंङ रूठे धिरारे छिले माह रमोतो?

लूको 11:12

दंङ दोई अंडा पेट्री सा ता दोबि बिच्छु माह रमतो।

लूको 11:2

यीशुज़ि दोतंङ साते कुहतो, “अपेहल केहच़ी प्रार्थना लाहनी दंङ झांह ठ्रोह प्रार्थना लोहवा लांई; हे ञेंहतु बाह कांह अरी सर्गंङ तोतोन; कांह मिन पवित्र मनेक्च़ी जूंस कांह राज अंज़े जूंस।

लूको 18:7

परमेश्वरे एनोह शता लहसी मीहतु थल्जी अच़ि रात दिन दोऊ तुईज़ी क्रपातोर ज़रुर न्याय लोहतो, दंङ दोतु मदत लहज़िमी थल्जी झाड़ा माह लोहतो।”

यहून्नो 4:10

यीशु ज़ि दोबि जुबाब रेंई, “केई माह ञेंहच़ातन कि परमेश्वरे कनिंङ छि रंड्री ततो, दंङ केई माह ञेंहच़ातन कि अरी कांह दोरच़ी ती पेट्री लेहकी तोह। अगर कनिंङ पता शुंईयां ता केई गिऊ दोरच़ी दिह पेट्री तोहई दंङ गेह कनिंङ जीवनो ती रेंईयां अच़ि जीवन रंड्री।”

प्रेरित 2:38

पतरसे दोतंङ साते कुतोह, “केनातु मदम कमो दोरच़ी सेहम किर्ज़ुंई, दंङ केहतु बिचंङ ज़ि हर इच्च़ा एनोह-एनोह पापो माफी ऊ थल्जी यीशु मसीहू मिंदंङ बपतिस्मा लेहप्तुंई; दंङ केतिंङ पवित्र आत्माओ दान खोकसोतो।”

रोमियो 5:17

छना कुचे अपेहल इच्च़ा मीहू अपराधो वहज़ा ज़ि भत्ते मीहतु टोहकठे मौत अच़ा अति, दंङ अंऊ मीहरे मोह्ड़े दाह ए धर्मिकता ओ वरदान महसे खोकपोर, दू इच्च़ा मीहू दोरच़ी, मतलब यीशु मसीह रंङ साते हेले ए अनंत जीवन खोकपोर दंङ यीशु मसीह रंङ साते राज लोहर छना कुचे दोच़ी दोऊ टोहकठे विशवास लहज़ातोर।

रोमियो 7:18

छना कुचे गेह ञेंच़ातग, कि गिऊ पाप रूपी मीहतु स्वाभावा रिंङ छल्ले रूठे चीज़ वास माह लहज़ा। रूठे कम लहज़िमी हिटी ता गिह्बी तोह, पर दोतिंङ गेह लेह माहरच़ातग।

रोमियो 8:32

परमेश्वरे एनोह योह एनोह थल्जी माह, पर दोबि हेंदु थल्जी एनोह बैरीतु हवाले लेह च़रति, दोई हेंदिंङ दू भत्ते धिर रमोतो अतिंङ दोई हेंदिंङ रंड्रीमी वाईदा लहसी ततो।

तीतुस 3:3

छना कुचे हेनर ला तुहई, मुर्ख ए परमेश्वरो हुकुम माह मनेक्च़ा मीहरे, मीहतु दोरच़ी धोखा खोकसिमी तातंई, दंङ हेनर मदम हिटी ए संसारो चीज़ा तु गुलाम तोईरे, छना बैर-भाव, दंङ जलन तहच़ि रिंङ एनोह जीवन श्रींङज़ातेर, दंङ मीहतंङ साते नफरत लहज़ातेर, दंङ इदि-अई दिरंङ साते बैर तहच़ातेर।