लूको 10:42 - लाहौली बाइबिल

⁴² सिर्फ इच्च़ा गप्पा चिंद लहज़िमी जोगे तोह। दंङ दुह रुठे हिस्सा बि मरियमे अंङे च़रति अंऊ दोऊ दोरच़ी अपेहला कूज़ा मा शोर।”

लूको 10:42 Iomraidhean Croise

मरकुसो 8:36

अगर मीह भत्ते संसाराबि प्राप्त लोहतो दंङ एनोह जहानो नुकसान लोहतो, ता दोबि छी फायदा शोतो?

लूको 10:39

दंङ मरियम मिन्दु दोऊ इच्च़ा रिंङ तोहई। दुह प्रभुऊ कोंज़ो कछंङ बंङज़ा दोऊ शिक्षा रेड्री लेहकी तोहई।

लूको 11:1

इच्च़ा ध्याड़ा यीशु इच्च़ा ठाहरीरिंङ बंङज़ा प्रार्थना लहज़ी लेहकी तोहई। अपेहल दोई प्रार्थना लेह च़रति, ता दोऊ चेला तु बिचंङ ज़ि इच्चे अंज़े दोरंङ साते कुहतो, “हे प्रभु, छना यूहन्ना बपतिस्मा रंड्राज़ि एनोह चेला तिंङ प्रार्थना लहज़ी सिखाएति ध्वांए केई ला ञेंतिंङ सिखातु।”

लूको 12:20

‘पर परमेश्वरे दोरंङ साते कुंई, हे मुर्ख, तोग रातारिंङ कांह सीए योंहन दंङ छि ला चीज़र केई केहनो थल्जी ठ्रोहका लहसी तोह दुह अतु शोतो?’

लूको 12:33

कनु टंगा ढबाह लंङे गरीबातिंङ दान लेह च़रतु; दंङ केनातु थल्जी ध्वांए ठ्रोह बटुआ रे बणाएतुंई अंऊ युई माह शोतो, दंङ केनोह थल्जी स्वर्गंङ झांह ठ्रोह टंगा ढबाह ठ्रोहका लोहू अंऊ अपेहला माह योसतो, दंङ अंऊर माह चोरा ज़ि चोर लेह तरच़ी दंङ माह ओमड्रा लेह्प्तो।

लूको 16:2

दंङ साहुकारे खज़ान्च़ी बि बुलाके कुहतो, कांह पाहठी गेह दिह छि थापि लेहकी तोतोग? केई गिऊ ढबाह रंङ साते छि लहतन केई दिऊ लेखा रौं? छना कुचे कांह दिऊ थल खज़ान्च़ी माहकेषोन।”

लूको 16:25

पर अब्राहमे कुहतो, हे योह, हिद लोहऊ कि केई केनोह ज़िन्दगीरिंङ रूठे चीज़ा रंङ साते आराम लहतन। दंङ दिह लाज़रे ला महसे दुख उठाके चरच़तो, दा हेंतेग दिह देर्तिंङ सुख शांतिरंङ साते तोह दंङ कांह टेहषीरिंङ तंड़पेक्पी लेहकी तोतन।

लूको 18:22

दिह रेड्रीरंङ यीशुज़ि कुहतो, “कांह अंद्रेग अयता ला इच्च़ा गप्पो, कमी तोह केनोह भत्ते धिर लंङहे च़रतु दंङ अंऊ टंगा-ढबाह तातन दुह गरीबातिंङ रें च़रतु। दंङ दोऊ थल अंज़े का गिऊ चेला बणेकतु। दंङ कनिंङ स्वर्गंङ असली धन खोकसोतो।”

लूको 8:18

दिऊ थल्जी खबरदार बंङज़ुंई कि केहच़ी छना रेड्रातंई? छना कुचे अतु कछंङ समझ तोह, दोबि ऊई ला महस खोकसोतो, दंङ अतु दोहर छले माह, दोऊ दुह थोड़े समझ ला योह्सा योतो, अंऊ दोऊ कछंङ तोहई, अतिंङ दुह एनोह ञेंहच़ा।”

यहून्नो 11:1

बैतनिय्याह नगरंङ लाज़र मिंदंङ इच्च़ा मीह बीमार तोहई। मरियम ए मार्था दोऊ रिहंङ तोईरे।

यहून्नो 11:19

दंङ महस यहुदी मीहरे मार्था ए मरियमो कछंङ दोतु न्वाओ पाहठी याहब रंड्री (मोद कंड्री) अंज़े तोईरे।

यहून्नो 12:3

दंङ मरियमे अधा लीटर जटामसिऊ महस शुद्ध रुठे मंङे इत्र रेंज़ा हति दंङ यीशु कोंज़ारिंङ थोरच़ी च़रति, दंङ एनोह क्राहज़ि दोऊ कोन्ज़ारे साफ लहरिर, दंङ दुह इत्रो बासे भत्त्ते घरबारंङ रूह्ठे बास अपि लेहती।

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

यहून्नो 4:14

पर अच़िला दुह तिऊ दोरच़ी तुंङमतो अंऊ गेह दोबि रामोग, दंङ दोबि अनंत जीवन तचेक तीस्कर माह अपतो; अंऊ ती गेह दोबि रामोग, दोऊ अंद्रेग दुह तिऊ मुर्ति शुहचे योतो अरी अनंत जीवन तचेक बहेक्एपोतो।”

यहून्नो 5:24

गेह केतंङ साते हेले कुट्रातग, अंऊ गिऊ शिक्षा रेड्रा ते गिह्बी च़रच़ा दोऊ टोहकठे विशवास लहज़ातोर, अनंत जीवन दोऊ शुह; दंङ दोबि सज़ा महा रमोर पर दोरे अनंत कालो सीमी दोरच़ी बचेके इलोर दंङ तुई ए खरकोई जीवनारिंङ अच़ा इलोर।

यहून्नो 6:27

दुह बगतो थल्जी मेहनत थाह लांही अंऊ नाशवान तोह पर दुह बगतो थल्जी लांही अंऊ अनंत जीवन तचेक बंङज़ा, मतलब गेह मीहू योह दिह बगत रमोग, छना कुचे पिता परमेश्वरे गिह्बी झांह लहज़िमी अधिकार रांहषी ततो।”

1 कुरिन्थियों 13:3

अगर गेह घेंङौ भत्ते टंगा ढबाह गरीबा तिंङ रे च़रपोग दंङ देर तचेक कि घेंङौ फुक रोट्रीमी थल्जी रें च़रपोग, पर दाह माह तहज़ातग दंङ गिऊ थल्जी छल्ले फायदा माह।

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।