लूको 10:22 - लाहौली बाइबिल

²² “गिऊ बाहे गिह्बी भत्तेधिर रांहषी ततो, सिर्फ बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।”

लूको 10:22 Iomraidhean Croise

मत्ती 11:25

दोहथर यीशुज़ि कुहतो, “हे बाह स्वर्ग ए धरतीऊ प्रभु गेह कांह धन्यवाद लहज़ातग कि केई दिह गप्पारे ञेंच़ाहरे ए समझकार मीहतु दोरच़ी प्याके त्याहतेन दंङ अंऊ मीहरे कटुतु ठ्रोह सीधे तोतोर दोतु टोईच़ी प्रगट लहतन।

मत्ती 11:27

गिऊ बाहे गिह्बी भत्तेधिर रांहषी ततो, बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।

मत्ती 28:18

यीशुज़ि दोतु कछंङ अंज़े कुंई, “स्वर्ग ए धरतीऊ भत्ते अधिकार गिह्बी रांहषी तोह।

यहून्नो 1:18

परमेश्वरा बि अच़िला अपेहला तंङशी माह शुह। सिर्फ परमेश्वरो इच्च़ा योह अंऊ सच्चा परमेश्वर शुह दंङ अरी बाहो कछंङ तोह, अच़ि ञेंतिंङ कंङातो कि परमेश्वर छना ठ्रोह तोह।

यहून्नो 10:15

छना पिता परमेश्वरे ए गिह्बी सेहच़ा दंङ गेह पिता परमेश्वर बि सेहचातग। दंङ गेह दोतु थल्जी सीमी ला तेयार तोतग।

यहून्नो 13:3

यीशु दिह ञेंहच़ाते कि दोबि भत्ते चीज़ो टोहकठे अधिकार रांहषी ततो दंङ दिह ला कि दुह परमेश्वरो दोरच़ी अंज़े शुह दंङ परमेश्वरो कछंङ वापिस इबिमी तोह।

यहून्नो 17:10

दंङ गिऊ तोह दुह भत्ते कांह शुह; दंङ कांह तोह दुह गिऊ शुह; दंङ दिऊ दोरच़ी गिऊ महिमा प्रगट शुई।

यहून्नो 17:2

छना कुचे केई दोबि भत्ते मीहतु टोहकठे राज लहज़िमी अधिकार रांहषी तातन, कि दोई दोतिंङ अनंत जीवन रमतो, अतिंङ केई दोऊ हवाले लहसी तातन।

यहून्नो 17:26

गेह कनिंङ दोतु टोईच़ी प्रगट लहतग दंङ लोहवा लोहग कि अंऊ दाह कनिंङ गेरंङ साते तोहई, कि दुह दोतंङ शुबी जूंस दंङ गेह दोतंङ बंङज़ोग।

यहून्नो 17:5

दंङ हेंतेग, हे पिता परमेश्वर, केई केनोह तुईज़ी गिऊ महिमा लोहू, दुए महिमा अंऊ करंङ साते बंङज़ा दोहपल संसारो शुरुवात बे तुई गिऊ कछंङ तोहई।”

यहून्नो 3:35

पिता परमेश्वरो योह रंङ साते दाह लहज़ा, दंङ दोई भत्ते चीज़र दोऊ गुहड़िंङ रें च़रति।

1 कुरिन्थियों 15:24

दंङ, अपेहल मसीह, परमेश्वरो विरोध लहज़ा भत्ते मदम शाक्ति तु नाश लेह च़रपोतो, दोऊ थल संसारो अंत शुहचे योतो। दोहपल मसीह एनोह बाह परमेश्वरा बि एनोह राज रें च़रपोतो कि दुह, दोऊ टोईच़ी पूरे तरह ठ्रोह राज लोहतो।

2 कुरिन्थियों 4:6

झांह लेह कि परमेश्वरे कुहते, “हंयारो दोरच़ी छंङी चमकेक्पोतो,” दंङ परमेश्वरे छंङी ठ्रोह हेंदु सेहमरिंङ समझ रें च़रति, ताकि हेनर परमेश्वरो महिमा बि खंड्री तरपोंई अंऊ यीशु मसीह रिंङ प्रगट शवाह।

इफिसियों 1:21

दू ठहरि भत्ते पाहठी प्रधानता ए अधिकार ए सामर्थ ए प्रभुता रांहषी ततो, दंङ दोऊ ओधा हर इच्च़ा अधिकारी बे मोह्ड़े तोह, अंऊ माह सिर्फ दि लोकारिंङ तोह, पर अंजा लोकारिंङ ला तोह।

इब्रानियों 2:8

केई दोबि भत्ते धिरो टोईच़ी अधिकार रांहषी तातन।” झांह लेह अपेहल परमेश्वरे भत्ते धिर मीहू अधीन लेह च़रति, दंङ दोई छल्ले माह छोड़क्ति, अंऊ मीहू अधीन तोहई। पर हेंज़ी खंड्री तरच़ातंई कि हेंतेग तचेक ला भत्ते धिर मीहू अधीन माह।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।

2 यूहन्ना 1:9

अंऊ मीहरे सच्चाई ऊ शिक्षा ओ दोरच़ी भटकेगी य्वातोर, दंङ मसीहू शिक्षा बि मनेक्च़ा तोर माह, दोरे परमेश्वरा रंङ साते बणेंकी माह बंङज़ा तोर। पर अंऊ मीहरे मसीहू शिक्षा बि लगातार मनेक्च़ा तोर, दोरे बाह परमेश्वरा रंङ साते दंङ दोऊ योह यीशु मसीह रंङ साते बणेंके बंङज़ा तोर।