लूको 10:18 - लाहौली बाइबिल

¹⁸ यीशुज़ि दोतंङ साते कुंई, “अपेहल मांजी आत्माज़ि केहतु गप्पा मनेक्ती, ता गेह अचानक शेतानाबि यरच़ा बिजलिऊ ठ्रोह सर्गंङच़ि दह्च़ी तंङातग।

लूको 10:18 Iomraidhean Croise

मत्ती 4:10

दंङ यीशुज़ि दोबि कुहते, “ए शेतान, दोखा अच्च़ा इला, छना कुचे पवित्र शास्त्रा रिंङ च़ेहसी तोह: केई प्रभु केनोह परमेश्वर बि फ्यग लोहू, दंङ दोऊ ए अराधना लोहू।”

यहून्नो 12:31

दा दिह टेम शुह अपेहल परमेश्वर संसारो मीहतु न्याय लोहतो, दंङ दा यीशु दिह संसारो मुख्या शेतानो शक्ति बि खत्म लोहतो।

यहून्नो 16:11

दंङ न्याय ओ पाहठी दिऊ थल्जी याकीन दिलाएपोतो, छना कुचे परमेश्वरे तुईए शेतान बि दोषी ठेहराएसी ततो।

इब्रानियों 2:14

छना कुचे अपि परमेश्वरे कटुरे कुह्चे बुलाएक्तो, दोतु इच्च़ा मीहू फुक तोहई। यीशु एनाह ए हेंदु ठ्रोह मीहू रूप धारण लहरी ताकि दोऊ मौतो दोरच़ी मौतो टोईच़ी अधिकार तहच़ा शेताना बि नाश लोहतो।

1 यूहन्ना 3:8

अच़ि लाह लगातार पाप लहज़ी लेहकी शवात, दुह शेतानो दोरच़ी शुह, छना कुचे शेतान शुरूआत बे पाप लहज़ा अंज़े तोह, परमेश्वरो योह झांह लेह अंज़े शुह कि शेतानो कमो नाश लोहतो।

प्रकाशित वाक्य 20:2

दोई अजगर मतलब ऊई ओमड्रा अपि शेतान ला कुट्री, झपटेगी च़ुमने च़रति। दोई दोबि छ़ुह्च़ी च़रति दंङ महसे डुह्गे गड्डा रिंङ छङें च़रति, दोई पेतंङ बन्द लेह च़रति दंङ दोर्तिंङ मोहर लगाके च़रति ताकि दोबि इच्च़ा हज़ार साल तचेक युप्सी माह जूंस। झांह लेह, दुह मुक्का ओ टेमा रिंङ, शेतान इच्च़ा हज़ार साल तचेक मीहतिंङ धोखा रें मरपोतो। दोऊ थल, दोबि यह्च़ा थोड़े टेमो थल्जी आज़ाद लेह च़रपोतो।

प्रकाशित वाक्य 9:1

अपेहल पांचवां स्वर्गदूते तुरही रिंङ फुह लहरी, दंङ गेह स्वर्गो दोरच़ी धरती रिंङ इच्च़ा कर दह्पी तंङरिगा, दंङ दि कर बि दुह कुंजी रें च़रति अंऊ दुह अधोलोक (गड्डा) बि युप्शे तरपोतो अतु गहराई ओ छल्ले अंत माह।