लूको 10:11 - लाहौली बाइबिल

¹¹ “केहतु इलाकाओ धुह्‌ड़ ला, अंऊ ञेंहतु कोन्ज़ा रिंङ तोह, ञेंहच़ी केहतु तंङशी ठुड़केगी केओनि; दिरंङ ला केहच़ी दीह ञेंह केहनि कि परमेश्वरो राज केहतु कछंङ पिचे अन्जी तोह।”

लूको 10:11 Iomraidhean Croise

मत्ती 10:14

दंङ अच़िया केहतु गप्पा माह रेड्रोर ए केहतु इज्ज़त माह लोहर, दुह घरबारे ए नगरारिंङ हुंज़ा केनातु कोन्ज़ो धुह्‌ड़ ला ठुड़ेके कि च़रतुंई।

मत्ती 10:7

दंङ ईलांई, दिह प्रचार लांई कि स्वर्गो राज पिचे अंजा।

मत्ती 3:2

“केनातु पापो दोरच़ी सेहम किर्ज़ुंई दंङ परमेश्वरो कछंङ अतंई छना कुचे स्वर्गो राज कछंङ पिचे अंजा।”

मरकुसो 6:11

अंऊ नगरो मीहरे केहतु गप्पा माह रेड्रोर ए केहतु इज्ज़त माह लोहर, दंङ दोरच़ी हुंच़िमी मुका केहच़ी केनातु चप्पलो धुह्‌ड़ ला ठुड़ेके कि च़रतुंई झांह खंड्रा दुह नगरो मीहच़ी ञेंओर कि परमेश्वरे दोतिंङ ज़रुर सज़ा रमतो। छना कुचे दोच़ी परमेश्वरो उपदेश माह रेड्रिर।”

लूको 10:10

पर अंऊ इलाकंङ मीहरे केहतु स्वागत माह लोहर ता दुह इलाकाओ सड़कारिंङ इलजे कुंई,

लूको 10:9

दोरकी टेहची मीहतिंङ केहच़ी ठीक लांही दंङ दोतंङ साते कोनी, परमेश्वर ओ राज केहतु कछंङ पिचे अन्जा।

लूको 9:5

अंऊ नगरो मीहरे केहतु गप्पा माह रेड्रोर, दंङ दोरच़ी हुंच़िमी मुका केहच़ी केनातु चप्पलो धुह्‌ड़ ला ठुड़ेके कि च़रतुंई झांह खंड्रा दुह नगरो मीहच़ी ञेंओर कि परमेश्वरे दोतिंङ ज़रुर सज़ा रमतो। छना कुचे दोच़ी परमेश्वरो उपदेश माह रेड्रिर।”

प्रेरित 13:26

“हे बिशवासी न्वारे, केरे अंऊ अब्राहमो कटुरे शुई; दंङ केहरे अंऊ परमेश्वर ओ बेह्द चेहच़ातंई, परमेश्वरे हेंदु कछंङ उद्धारो खबर च़रसी ततो।”

प्रेरित 13:40

दिऊ थल्जी खबरदार तोंई, झांह शुहबी मेस, कि अंऊ भविष्यवक्तातु कताबंङ च़ेहसी तोह, दोरे गप्पार केहतु टोईच़ी ला अच़ा अपोर:

प्रेरित 13:46

दोथर पोलुस ए बरनबास ए निडर शुहचे कुईर, “कि परमेश्वरो बचन मुण्डारिंङ केतिंङ यहुदी तिंङ सुनाएची ज़रूरी तोहई; पर केहच़ी दोबि ग्रहण माह लहज़ातन। झांह लेज़मी रिंङ साते केहच़ी दि साबित लाहतंई कि केरे अनंत जीवन खोकच़िमी जोगे माह तोहई, दिऊ थल्जी दा ञेंहरे योंई दंङ ऊईजाति मीहतु सुनाएपोंई।

प्रेरित 13:51

दोथर पोलुस ए बरनबास दोतु तुईज़ी एनोह कोन्ज़ो धुह्‌ड़ ठुड़केगी, दोतिंङ दिह कंड्रिमी थल्जी कि परमेश्वर दोतिंङ ग्रहण माह लहतो दंङ दोतिंङ सज़ा रमतो, दंङ दोरे इकुनियुम शहरंङ अच़ा इलिर।

रोमियो 10:21

पर इस्राएलो मीहतु पाहठी परमेश्वरे यशायाह भविष्यवक्ता ओ दोरच़ी कुई, “गेह नीर पूरे घेंङौ गुट्री इच्च़ा हुकुम माह मनेक्च़ा ए बहस लहज़ा प्रजाबि गिऊ कछंङ यहच़िमी थल्जी फेलाके केई।”

रोमियो 10:8

दिऊ मतलब दि तोह कि, “परमेश्वरो बचन केहतु कछंङ तोह, केहतु आह रिंङ ए केहतु सेहमरिंङ तोह।” दि विशवासो दू बचन शुह, अतु प्रचार हेंज़ी लहज़ातंई।

इब्रानियों 1:3

दू योह ए परमेश्वरो महिमा ओ छंङी दंङ हर तरफे परमेश्वरो ठ्रोह तोह। दंङ भत्ते संसारा बि दंङ एनोह शाक्तिशाली बचनो दोरच़ी, भत्ते संसारा बि खड़े लहज़ी तहज़ा। दोई मीहतिंङ दोतु पापो दोरच़ी शुद्ध लेह च़रति, दंङ दोऊ थल स्वर्गारिंङ महिमामय परमेश्वरो सुचंङ हासी विराजमान शुहचे इलि।