लूको 1:32 - लाहौली बाइबिल

³² दुह महान शोतो; दंङ परमप्रधान परमेश्वरो योह शोतो; दंङ प्रभु परमेश्वर दोऊ बाह-मेमे रज्ज़ा दाऊदो सिहासन दोबि रमतो,

लूको 1:32 Iomraidhean Croise

मत्ती 1:1

दिह यीशु मसीहू बाह-मेमेतु मिन्दु पाहठी अंऊ रज्ज़ा दाऊदो खानदानो तोहई दंङ रज्ज़ा दाऊद अब्राहमो खानदानो तोहई।

मत्ती 12:42

दक्षिण दिशाओ रानी न्याय ध्याड़ारिंङ दिह पीढ़ीऊ मीहतंङ साते खड़े शुहचे दोतिंङ दोषी ठहराएपोतो, छना कुचे दुह सुलेमानो ज्ञान रेड्रिमी थल्जी धरतीऊ मुखंङ ज़ि अन्दे, पर केहच़ी केनातु पाप मनेक्च़िमीरंङ साते ला इन्कार लहज़ातन, दिह दुहए शुह अरी सुलेमानाबे ‍मोह्ड़े शुह।

मत्ती 28:18

यीशुज़ि दोतु कछंङ अंज़े कुंई, “स्वर्ग ए धरतीऊ भत्ते अधिकार गिह्बी रांहषी तोह।

मत्ती 3:11

गेह केतिंङ ती ज़ि बपतिस्मा रंड्रातग अच़ि एनोह पापो दोरच़ी सेहम यहच़ातोर दंङ परमेश्वरो कछंङ अपातोर। गिऊ थल दुह अंजा शुह, अंऊ गिह्बी ला महस शक्तिशाली तोह, गेह दोऊ बूठ कुर्चिमी जोगे ला माह तोग। दंङ दुह केतिंङ पवित्र आत्मा रंङ बपतिस्मा रमतो।

मरकुसो 14:61

दंङ यीशु चुपे बंङज़िरी। दोई छल्ले जवाब माह रें। दंङ यहुदी महापुरोहिते यह्च़ा रुहक्ती लेहती, “छि का मसीह शुनाह अंऊ धन्य परमेश्वरो योह शुह?”

मरकुसो 5:7

यीशुज़ि दोऊ अंद्रेग अंऊ मांजी आत्मा तोहई दोऊ हखा कुंई, “हे मांजी आत्मा दिह मीहबी केट्रा धह्कते हुंच़ा इली।” मांजी आत्मा ए यीशु हखा हाऊष रेह कुंहई, “हे महान परमेश्वरो योह यीशु! केई गेरंङ साते छि जुन्ज़ातन? गेह करंङ साते परमेश्वरो मिंदंङ बिनती लहज़ातग कि केई गिह्बी दुख थारोंह।”

लूको 1:15

छना कुचे दुह गंङकटु प्रभु तुईज़ी महान शोतो; दुह दाखरस ए सरा अपेहल ला तुंङमी माह जूंस, दंङ एनोह याहू खोकटुंङज़ि ए पवित्र आत्मा रंङ साते बिंङे शोतो;

लूको 1:35

स्वर्गदूते दोबि जुबाब रेंई, “पवित्र आत्मा कनु टोईच़ी अपतो, दंङ परमप्रधान परमेश्वरो सामर्थ कनु टोईच़ी अपतो; दिऊ थल्जी कांह दोरच़ी जेह्की गंङकटु पवित्र शोतो दंङ, परमेश्वरो योह कहलाहएपोतो।

लूको 1:76

दंङ केई हे, गंङकटु, परमप्रधानो भविष्यवक्ता कह्लापोंन, छना कुचे कांह प्रभुऊ अम तेयार लहज़िमी थल्जी दोऊ तुईज़ी-तुईज़ी जोज़ोन,

लूको 3:16

दंङ यूहन्नाज़ि दोतंङ जुबाब रन्दो, “गेह ता केतिंङ ती रंङ साते बपतिस्मा रंड्रातग, पर दुह अपिमी तो अंऊ गेह बे ला शक्तिमान तोह; गेह दिऊ जोगे ला माह शूगाह कि कोंङा शुहचे दोऊ बुटो तस्मा युफोग, दोई केतिंङ पवित्र आत्मा ए मेह रंङ साते बपतिस्मा रमतो।

लूको 6:35

पर केनातु बैरीरंङ साते दाह लांही ए भलाई लांही, दंङ यह्च़ा वापिस खोकसिमी उम्मीदा उद्धार थारांई; दंङ केहतु थल्जी मोह्ड़े फल शोतो, दंङ केहरे परमप्रधान परमेश्वरो कटुरे शोनी, छना कुचे दोई मांजी दोतु टोईच़ी ला कृपा लाह।

यहून्नो 12:34

दिरंङ मीहज़ी दोऊ हखा कुईर, ञेंहच़ी पवित्र शास्त्रा रिंङ दिह पढ़ेक्सी शुई, कि मसीह हमेशा श्रींङे बंङज़ोतो, दंङ केई छिले कुट्रातन कि मीहू योह बि रंगी रिंङ चढ़ाऐसी ज़रूरी तोह? दी मीहू योह अरी शुह?

यहून्नो 6:69

दंङ ञेंहच़ी विशवास लहतन ए ञेंहई च़रतन कि कांह परमेश्वरो दोरच़ी च़रसी पवित्र मीह मसीह शुनाह।”

प्रेरित 16:17

दुह पोलुस ए ञेंहतु थल्जी अंज़े हाऊष रंड्री लेहती, “दिह मीह परमप्रधान परमेश्वरो दास शुह, अंऊ केतिंङ उद्धारो अमो पाहठी कंड्रा।”

प्रेरित 2:30

दुह भविष्यवक्ता तोहई, दोई ञेंहच़ाते कि परमेश्वरे कसम लेह दोरंङ साते वाईदा लह्सी तोह कि, “गेह कांह वंशो दोरच़ी इच्च़ा मीह बि कांह सिहासन रामोग।”

प्रेरित 2:36

दिऊ थल्जी इस्राएल देशो भत्ते मीहतिंङ दि ञेंई च़रतुंई कि परमेश्वरे दिह ए यीशु बि अतिंङ केहच़ी क्रूसो टोईच़ी चढ़ाएकातेंई, “प्रभु ला ठहराएति दंङ मसीह ला ठहराएति।”

प्रेरित 7:48

पर परमप्रधान परमेश्वर गुह्ट्री बणाएषी मंदिरा माह बंङज़ी, छना कि यशायाह भविष्यवक्ताओ कताबंङ च़ेहसी तोह,

रोमियो 1:4

दंङ पवित्र आत्माओ शाक्ति रंङ साते दुह सिमी दोरच़ी श्रींङे इबिमी सामर्थ रंङ साते परमेश्वरो योह साबित शुहचे इलि। दुह यीशु मसीह हेंदु प्रभु शुह।

प्रकाशित वाक्य 3:7

फिलेदिलफिया शहरो कलीसियाओ स्वर्ग दूताबि दि डाक च़ेऊ, कि दि खबर दोऊ दोरच़ी शुह अंऊ पवित्र ए सत्य तोह, दुह अतु कछंङ दाऊदो राजो अधिकार तोह। अगर दोई पेतंङ अलज़ा, दंङ अच़िला दुह बंद लेह मरच़ि। दंङ अगर दोई दुह बंद लेह केई, दंङ अच़िला दुह अल्ज़े मरपोतो। दोई दिए कुट्रा कि,