लूको 1:2 - लाहौली बाइबिल

² छना कि दोच़ी ठीक ध्वांए च़ेआतो अंऊ ञेंतिंङ दुह मीहतु दोरच़ी कांहषी तोहई, अच़ि दोबि यीशु सेवकाईओ शुरुवात बेहच़ी खांषी तातेर दंङ अंऊ थले परमेश्वरो बचनो सेवक बणेंक इलिर।

लूको 1:2 Iomraidhean Croise

मरकुसो 1:1

परमेश्वरो योह यीशु मसीहू पाहठी रूठे खबरो शुरूआत झांह ठ्रोह शुई।

मरकुसो 16:20

दोऊ थल प्रभु यीशु ऊ चेलाज़ि दोहरची इलजी भत्ते ठाहरीरिंङ रुठे खबर सुनाएची लेहतिर। दंङ प्रभु यीशुज़ि दोतु दोहरची हेरानी ऊ कम लहज़ातेर। झांह लेह मीहतिंङ पता लेहती कि रुठे खबर सच्चे शुह। आमीन। (ध्वांए शुहबी जूंस)

मरकुसो 4:14

दिह कथाओ मतलब दिह शुह कि, दुह ज़िमदार झांह ठ्रोह तोह छना इच्च़ा परमेश्वरो बचन सुनाच़ा तोह।

लूको 24:48

केहरे दिह भत्ते गप्पातु गवाह शुई।

यहून्नो 15:27

दंङ केहरे संसारो मीहतिंङ गिऊ पाहठी कंमोई, छना कुचे केहरे शुरुवात बे गेरंङ साते तोईन।

यहून्नो 16:4

पर दीह गप्पारे गेह केतंङ साते दिऊ थल्जी कुहतग, कि अपेहल दिह गप्पातु पुरा शुहबिमी टेम अच़ा अपतो ता केतिंङ हिद अच़ा अपतो कि गेह दिह गप्पारे केतंङ साते तुईए कुची च़रचातेग, “गेह मुंडा रिंङ दिह गप्पारे केतंङ साते दिऊ थल्जी माह कुहतेग छना कुचे गेह केतंङ साते तोईग।”

प्रेरित 1:3

यीशु ज़ि दुख उठाएच़िमी ए सिमी थल, पक्‍का सबूत रंङ साते कंड्रातो कि दुह श्रींङे तोह। दंङ प्रेरिता ज़ि झुह्ट निज़ा ध्याड़ा तचेक दुह श्रींङे तंङरिर दंङ यीशु ज़ि दोहपल तचेक परमेश्वरो राज्यो पाहठी गप्पार दोतिंङ सुनाएती।

प्रेरित 1:8

पर अपेहल पवित्र आत्मा केहतु टोहकठे अपतो दोहपल केतिंङ सामर्थ खोकसोतो; दंङ यरूशलेम शहर ए भत्ते यहुदिया ए सामरिया प्रदेशारिंङ, दंङ संसारो भत्ते ठाहरीरिंङ मीहतिंङ गिऊ पाहठी कंड्रिमी थल्जी गिऊ गवाह शोंई।

प्रेरित 14:25

दोच़ी पिरगा नगरंङ परमेश्वरो बचनो प्रचार लहज़िमी थल दोरे अत्तालिया मिन्दु बंदरगाह शहरो हखा अच़ा इलिर।

प्रेरित 16:6

पोलुस, सिलास ए तीमुथियुस फ्रुगिया ए गलातिया प्रदेशंङ ज़ि इच्च़ा नगरंङ ज़ि अई नगरंङ इलिर, दंङ दोरे आसिया प्रदेश रिंङ प्रचार लहज़ी जुंज़ातेर पर पवित्र आत्मा ज़ि दोतिंङ दोर इबिमी थल्जी इंकार लेह च़रति।

प्रेरित 17:11

बिरिया ओ दि मीहतिंङ थिस्लुनीके शहरो यहुदी मीहतु तुलना रिंङ सिखेसिमी महस दिलचस्पी तोहई, दंङ दोह्ची महस खुशी रंङ साते दि बचन ग्रहण लहरिर, दंङ रोज पवित्रशास्त्रो अन्द्रेग दिह पेट्री लेहतिर कि दिह गप्पा अंऊर च़ेहसी तोह।

प्रेरित 26:16

पर केरे अच़ुई, केनातु कोंज़ो टोईच़ी खड़े शुई; छना कुचे गेह केतिंङ घेंङौ सेवक बणाषिमी थल्जी प्रकट शुहसी शुगाह। केतिंङ कंड्री जुंशी तोह कि केहच़ी गेह तंङषे शुई, दंङ दि ला कंड्रुंई कि गेह केतिंङ तुंखा अंजा ध्याड़ा रिंङ छि कमोग।

प्रेरित 4:20

छना कुचे दिह ता ञेंहतु दोरच़ी शुहबी मरपोतो, कि अंऊ ञेंहच़ी खांषी ए रेहशी तातन, दुह माह कोंहई।

प्रेरित 8:4

पर अंऊ बिशवासीर देखा-नोखा शुहचे तोईरे, अंऊर-अंऊर दोरे इलिर यीशु पाहठी रूठे खबरो प्रचार लहज़ी लेहतिर।

रोमियो 15:16

कि गेह ऊईजातितु मीहतु थल्जी इच्च़ा यहुदी पुरोहितो ठ्रोह परमेश्वरो दोरच़ी खोकसी रूठे खबरो सेवा लहज़ातग; अतिंङ ऊईजाति मीहरे पवित्र आत्माओ दोरच़ी शत्‌ह लहसी परमेश्वरो थल्जी ग्रहणो जोगे तग बणेंके योतो।

1 कुरिन्थियों 4:1

हेले ता दि शोतो कि मीहरे हेंदिंङ यीशु मसीहू सेवक ए परमेश्वरो भंडारी ए ञेंओर, अतिंङ रूठे खबरो ब्याके सच्चाई बि समझाएक्सिमी कम रांहषी तोह।

इब्रानियों 2:3

झांह लेह अगर हेनर दि महान उद्धारो अनदेखी लोहनि ता दंङ पक्‍का रूपारिंङ हेंदिंङ ला सज़ा खोकसोतो। प्रभु ज़ि ऐनाह तुहई ए दि उद्धारो पाहठी कंङाते, दंङ अंऊ दोच़ी प्रभु दोरच़ी रेड्री तरेर, दुह मीहतु वहज़ा ज़ि हेंदु थल्जी दि साबित शुचि इलि।

1 पतरस 5:1

रें झांह ठ्रोह गप्पा तोह अंऊ गेह दोरकी सेंहणा तंङ साते कुट्री तातग छना कुचे गेह ला केहतु ठ्रोह इच्च़ा सेंहणा शुगाह। गेह घेंङौ दू दुखा बि तंङातेग अंऊ महसे तुहई मसीह ज़ि सहन लहरी। अपेहल दू यह्च़ा वापिस अपतो, दंङ गेह ला दोऊ महिमा रिंङ सहभागी शोहग दंङ गेह केतंङ साते विनती लहज़ातग,

2 पतरस 1:16

अपेहल ञेंहच़ी प्रेरिता ज़ि केतिंङ हेंदु प्रभु यीशु मसीह सामर्थ ए वापिस अपिमी पाहठी कंङाते, दंङ ञेंरे केतिंङ चालाकी रंङ साते बणाशी दुह कथा माह कंड्रातंई। पर, ञेंहच़ी मसीहू महिमा हेंदु टिरे खांहषी तरेनि।