लूको 1:17 - लाहौली बाइबिल

¹⁷ यूहन्ना एलियाह भविष्यवक्ताओ ठ्रोह आत्मिक ए सामर्थरंङ शुहचे दोऊ तुंखा-तुंखा जोतो कि बाहओ सेहम कटुतु हखा किरज़ी लोहतो; दंङ आज्ञा मा मनेक्च़ा दोतु अगुवाई लोहतो ताकि दोरे धर्मी मीहतु समझो अमरिंङ जोओर। दंङ प्रभुऊ थल्जी इच्च़ा लायक प्रजा तेयार लोहतो।”

लूको 1:17 Iomraidhean Croise

मत्ती 11:14

दंङ अगर केहच़ी गिऊ गप्पा मनेक्च़ातंई ता, दिह दुह ए एलियाह शुह अतु अपिमी पाहठी भविष्यवाणी शुहचे तोहई।

मत्ती 14:4

छना कुचे यूहन्ना कुहषी तहरेह कि कनिंङ दीह तहच़ि ठीक मशोतो।

मत्ती 3:3

दिह दुए शुह अतु पाहठी यशायाह भविष्यवक्ता ज़ि कुहषी तहरे: “सुनसान ठाहरीरिंङ इच्च़ा मीहू हऊषेपि सग थापि लेहकी तोह कि, प्रभु स्वागतो थल्जी केनातु सेहम तेयार लंहि दंङ केनाहतिंङ सुधारेतुंई।”

मत्ती 3:4

यूहन्ना ऊंठो च़मो बणाएष्री खमज़ेर लेहच़ाते दंङ एनोह उम रिंङ च़मो छ़िर लेज़ा बंङज़ते, दंङ टिट ए बंणो यमा ज़ोवा लाहते।

लूको 1:16

दंङ इस्राएली मीहतु बिचंङज़ि महसे मीहतिंङ प्रभु परमेश्वरो कछंङ हपतो।

लूको 1:76

दंङ केई हे, गंङकटु, परमप्रधानो भविष्यवक्ता कह्लापोंन, छना कुचे कांह प्रभुऊ अम तेयार लहज़िमी थल्जी दोऊ तुईज़ी-तुईज़ी जोज़ोन,

यहून्नो 1:13

दोरे माह, बाह-मेमेतु दोरच़ी, माह मीहू हिटी रंङ, माह मीहतु कटुऊ प्राप्ति थल्जी पर परमेश्वरो दोरच़ी जेह्की शुहर।

यहून्नो 1:34

दंङ गेह खांणीगा, दंङ गेह करंङ साते हेले कुट्रातग कि दी ए परमेश्वरो योह शुह।”

यहून्नो 3:28

केहच़ी केनाज़ि गिह्बी कुट्री थाशातेंई, ‘गेह मसीह माह शुगाह, पर दुबे तुई च़रसी शुगाह।’

प्रेरित 10:33

दोथर दोहपले गेह कांह कछंङ मीहरे च़रतिगा, दंङ केई रुठे लहतन कि अच्च़ा अतिन। दा हेनर भत्ते देर्तिंङ परमेश्वरो तुईज़ी तोतोन, कि छिला धिर परमेश्वरे करंङ साते कुहतो दुह रेड्रोंई।”

रोमियो 9:23

दोई झांह दिऊ थल्जी लहरी छना कुचे दोई दि कंड्री तते, कि दू अंयों महान तोह अपेहल दोई दू मीहतु टोईच़ी दया लहरी अंऊ दोतिंङ दोई एनोह महिमा रिंङ भागीदार शुहबिमी थल्जी अंङषे ततो।

कुलुस्सियों 1:12

दंङ बाह परमेश्वरो धन्यवाद लोहवा लंहि, अच़ि हेनर दि जोगे बणाएक्तो कि स्वर्ग राज्यो पवित्र मीहतंङ जाईदातो हकदार शोंई।

2 तीमुथियुस 2:21

ध्वांए अंऊ विशवासी एनाबि दुह भत्ते कमो दोरच़ी शत्‌ह लोहतो, दंङ दुह इच्च़ा खास नंदे ओ ठ्रोह शोतो अंऊ खास टेमारिंङ इस्तेमाल लहज़ी, दंङ दोरे भत्ते पाहठी ओ रूठे कम लेह तरपोंई।

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।

1 यूहन्ना 2:28

हे कटुरे, मसीह रंङ बणेंके बंङज़ुंई कि अपेहल दुह यह्च़ा प्रगट शुई ता हेन्दिंङ याहब शोतो, दंङ हेनर दोऊ अपिमी मुक्का दोऊ तुईज़ी शार्मिंदा शुहबी मेस।

प्रकाशित वाक्य 20:4

दोऊ थल गेह रें सिंहासन तंङरिगा, दंङ अंऊ मीहरे दोऊ टोईच़ी बंङज़ा तोईरे, दोतिंङ राज लहज़िमी अधिकार रांहषी तोहई। गेह दुह मीहतु आत्मा ला तंङरिगा, अतु पुंज़ा ट्रिके केहषी तोहई छना कुचे दोच़ी दि अंगीकार लहसी ताहरेर कि यीशु दोतु प्रभु तोहई, दंङ दोरे परमेश्वरो बचनो टोईच़ी विशवास लहज़ातेर। दुह मीहच़ी घ्वंण या दुह मुर्ति ओ पूजा माह लहरिर, दोच़ी एनोह फ्याह रिंङ या गुहट्ररिंङ घ्वंणो छाप ला लेहपच़ी माह तोहई। दि मीहरे यह्च़ा श्रींङे इलिर दंङ इच्च़ा हज़ार साल तचेक मसीह रंङ साते बंङज़ा राज लहरिर।