लूको 1:1 - लाहौली बाइबिल

¹ आदरणीय थियुफिलुस, महसे मीहज़ी ञेंहतु बिचंङ शुहचे दुह गप्पाओ पाहठी च़ेचिमी कोशिश लहसी ततो।

लूको 1:1 Iomraidhean Croise

मरकुसो 16:20

दोऊ थल प्रभु यीशु ऊ चेलाज़ि दोहरची इलजी भत्ते ठाहरीरिंङ रुठे खबर सुनाएची लेहतिर। दंङ प्रभु यीशुज़ि दोतु दोहरची हेरानी ऊ कम लहज़ातेर। झांह लेह मीहतिंङ पता लेहती कि रुठे खबर सच्चे शुह। आमीन। (ध्वांए शुहबी जूंस)

यहून्नो 20:31

पर दीह दिऊ थल्जी च़ेहसी तोह कि केहच़ी विशवास लांही, कि यीशु ए परमेश्वरो योह मसीह शुह: दंङ दोऊ टोहकठे विशवास लेह दोऊ मिंदंङ अनंत जीवन खोक्पोंई।

रोमियो 14:5

दू ए तरीका रंङ साते रेहच़ी ता इच्च़ा ध्याड़ा ऊई ध्याड़ा बे बढ़कर ञेंच़ातोर, दंङ रेहच़ी भत्ते ध्याड़ा इच्च़ा बराबर मनेक्च़ातेर; हर इच्च़ा बि विशवास शुहबी जूंस कि अंऊ दोई सोचेक्च़ा छि दू सही शुह आ?

रोमियो 4:21

दोतिंङ पक्‍का पता तोहई कि परमेश्वरे अंऊ गप्पो वाईदा लाहते, दू दोबि पूरा लहज़िमी थल्जी सामर्थी तोह।

कुलुस्सियों 2:2

गेह मेहनत दिऊ थल्जी लहतेग ताकि दोतु विशवास बणेक्पोतो दंङ दोरे दाह रंङ साते ऐनातु बिचंङ बणेंके बंङज़ोर, गेह जुंज़ातग कि दोतिंङ पूरा भरोसा शुहबी जूंस छना कुचे दोतिंङ परमेश्वरो गुप्त योजना ओ पूरा समझ तोह अंऊ ऐनाह ए मसीह तोह।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

1 थिस्सलुनीकियों 1:5

छना कुचे हेंदु यीशु मसीहू पाहठी रूठे खबर केहतु कछंङ माह सिर्फ कुट्री रंङ साते ए पर पवित्र आत्मो सामर्थे ए भत्ते याहबा रंङ अंजा कि दि रूठे खबर हेले शुह, केहच़ी ञेंच़ातंई कि अपेहल ञेंरे केतंङ साते तोईनी दंङ ञेंहच़ी केहतु भलाई ऊ थल्जी छना ठ्रोह जीवन श्रींङज़ातंई।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

2 तीमुथियुस 4:17

पर प्रभु ज़ि गिऊ मदत लहरी दंङ गिह्बी सामर्थ रांई, ताकि गेह यीशु मसीहू पाहठी रूठे खबरो प्रचार रूठे रंङ लहज़िमी जोगे बणेंके तरपोग, दंङ ऊई जातिऊ भत्ते मीहरे दि रेड्री तरपोर; दंङ दोई गेह सिमी दोरच़ी झांह ठ्रोह बचाएके च़रति छना गेह योंञें ब्राघातु दोरच़ी बचाएकतो।

इब्रानियों 10:22

दंङ अतंई हेनर, मसीहू शुई पुरच़ि ते हेंदु सेहम शुद्ध लहच़ी दंङ साफ ती रें हेंदु फुक शुहल्ज़े संङा सेहम ए पक्‍का विशवासा रंङ साते परमेश्वरो कछंङ योंई।

इब्रानियों 6:11

ञेंहच़ी माह जुंज़ातंई कि केरे सुस्त शुई। पर ञेंहच़ी जुंज़ातंई कि केहच़ी महस मेहनत लहज़ा तु ठ्रोह दाह ओ कम लहज़ी ज़ारी तंही, थल मुक्का तचेक धीरज़ ए विशवासा रंङ पक्‍का बणेंके बंङज़ेंई। दंङ पक्‍का उम्मीद तंही ताकि परमेश्वरो वाईदा बि खोक्शे तरपोंई।