यहून्नो 8:2 - लाहौली बाइबिल

² दंङ ऊईरग मुन्जे सरके दुह यहुदी मंदिरंङ इलि, दंङ महसे मीहरे दोऊ कछंङ अतिर; दुह षोड़िंङ बंङज़ा इलि दंङ दोतिंङ शिक्षा रंड्री लेहती।

यहून्नो 8:2 Iomraidhean Croise

मत्ती 26:55

दुह मुक्का यीशुज़ि भीड़ो हखा कुहतो, “छि केहच़ी गेह डाकू चेहके गिह्बी च़ुमज़िमी थल्जी तलवार लठी रेह कुरच़ा अन्जी तोतोंई? गेह रोज मंदिरंङ बंङज़ा उपदेश रंड्रातग दंङ केहच़ी गेह माहचुमयेंतंई।

लूको 21:37

दंङ यीशु नीरा यहुदी मंदिरंङ शिक्षा रंड्राते, रातारिंङ इलजे जैतून मिन्दु गोह रिंङ बंङज़ते;

लूको 21:38

दंङ मुंजे सरके भत्ते मीहरेर दोबि रेड्रीमी थल्जी यहुदी मंदिरंङ दोऊ कछंङ अपा लाहतेर।

लूको 4:20

दंङ यीशुज़ि कताब बंद लेह सेवको गुहड़ रिंङ रेह च़रति, दंङ षोड़िंङ बंङज़ा इलि; दंङ यहुदी सभा घरबारंङ भत्ते मीहरे दोबि ए खंड्रा बंङज़ा तोईरे।

लूको 5:3

यीशु मसीह दोतु बिचंङज़ि इच्च़ा किशती रिंङ बंङज़ा इलि, अंऊ शमौनो तोहई। दोई शमौनो हखा किशतीबि मुखंङच़ि फोअरे ऊई तार झीलंङ शिल्ज़िमी थल्जी कुहतो दंङ दुह किशती रिंङ बंङज़ा मीहतिंङ शिक्षा रंड्री लेहती।

यहून्नो 4:34

यीशु ज़ि दोतंङ साते कुंई, गिऊ बगत दुह परमेश्वरो हिटी ओ भाषे लहज़ी शुह अच़ि गेह च़रसी शुह, दंङ दुह कम पुरा लहज़िमी तोह अंऊ दोई गिह्बी रांहषी ततो।

यहून्नो 8:20

दिह गप्पारे यीशु ज़ि यहुदी मंदिरो ल्वाड़िंङ शिक्षा रंड्रा मुक्का भंडार घरबारंङ कुहते, दंङ अच़िला दुह माह च़ुमनिर; छना कुचे दोऊ दुख उठाएच़िमी ए सीमी टेम अंज़े माह तोहई।

यहून्नो 8:3

अपेहल दुह कुट्री ए लेहकी तोहई कि यहुदी शास्त्री ए फरीसी मीहज़ी इच्च़ा मेच़िमी बि हतिर अरी कुकम लहज़ा च़ुमसते, दंङ दोच़ी दुह मेच़िमी बि भत्तेतु तुईज़ी खड़े लहरिर दंङ यीशु हखा कुंई,

प्रेरित 5:21

प्रेरितार दि रेड्रिमी रंङ साते मुंजे सरके यहुदी मंदिरो ल्वाड़िंङ इलजे शिक्षा रंड्री लेहतिर। दुह ए मुक्का यहुदी महापुरोहित ए दोऊ साथी एनोह ठ्रोहका शुहबिमी ठहरि ठ्रोहका शुईरे दंङ यहुदी सभा ओ भत्ते मीहरे दंङ इस्राएली भत्ते सेंहणारे बुलाएति। अपेहल दिरे भत्तेर ठ्रोहका शुईरे दोहपल दोच़ी सैनिका बि च़रतिर कि प्रेरिता तिंङ जेलो दोरच़ी बुलाएतेंई।