यहून्नो 7:12 - लाहौली बाइबिल

¹² दंङ मीहतु बिचंङ यीशु ऊ पाहठी गप्पा शुबी लेहती। अच़िया कुट्रातेर, “कि दुह रुठे मीह शुह” दंङ अतुआ कुट्री तोहई, “कि दुह भरमाएच़ा मीह शुह दंङ भत्ते तंङ साते धोखा लहज़ा।”

यहून्नो 7:12 Iomraidhean Croise

मत्ती 10:25

दिह झोबड़ी शोतो कि चेला एनोह गुरु बराबर शोतो, दंङ परगरो एनोह मालिको बराबर; अगर दोच़ी घरबारो घ्याता बि मांजी आत्माओ मुख्या, शेतान कुहषी ततोर, अगर दोच़ी गेह चुंङो मालिकारंङ साते मांजी व्यवहार लोहर दंङ दोबि लाह मांजी व्यवहार चुंङी टबरारंङ साते लाह लोहर।

मत्ती 21:46

दंङ दोच़ी दुह च़ुमज़ि ताहरेर पर मीहतंङ बेऐ इलिरे छना कुचे दोच़ी दोबि भविष्यवक्ता मनेक्च़ातेर।

मत्ती 27:63

“हे महाराजा, ञेंतिंङ पता तोह कि दुह भरमाएच़ा दोई अपेहल दुह श्रींङी तोहई, कुहते, कि गिऊ सीमी षुमु ध्याड़ो थल गेह यच़ाह श्रींङे योग।

लूको 18:19

यीशुज़ि दोबि जुबाब रें, छि बजह तोह कि केई गिह्बी मोह्ड़े कुट्रातन भत्ते बे मोह्ड़े इच्च़ा तोह अंऊ सच्चा परमेश्वर शुह।

लूको 23:47

दंङ सेनिकातु मुख्या दिह भत्ते धिर खांई परमेश्वरो तारीफ लहरी, दंङ कुंई, “हेले दिह मीह धर्मी तोहई।”

लूको 23:50

दोर तिंङ यूसुफ मिन्दु यहुदी महासभा ओ इच्च़ा नेता तोहई, अरी रूठे ए धर्मी मीह तोहई।

लूको 6:45

छना कुचे छि सेहमरिंङ पिंङषी तोह, दुहए आहरिंङ अपि। रूठे मीहतु सेहमो अंद्रेगज़ि रूठे गप्पा हुंज़ी, दंङ मांजी मीहतु मांजी आहच़ि मांजी गप्पा हुंज़ी।”

लूको 7:16

दिरंङ भत्ते मीहरेर बेई लेहतिरे, दंङ दोरे परमेश्वरो महिमा लहजे कुट्री लेहतिर, “ञेंहतु बिचंङ इच्च़ा मोह्ड़े भविष्यवक्ता अंज़े तोह, दंङ परमेश्वरे एनोह मीहतु मदत लहज़िमी थल्जी अंज़े तोह।”

यहून्नो 6:14

दंङ अंऊ हेरानी ऊ कम दोई लहते दुह खांई ते मीहरेर कुट्री लेहतिर; कि “दुह भविष्यवक्ता अरी संसारा रिंङ अपि तोहई पक्‍का दिह ए शुह।”

यहून्नो 7:32

फरीसी मीहज़ी ऊई मीहतिंङ यीशु ऊ पाहठी गप्पा लहज़ी रेड्रिर; दंङ यहुदी मोह्ड़े पुरोहित ज़ि ए फरिसी मीहज़ी दोबि च़ुज़िमी थल्जी सैनिकारे च़रतिर अरी यहुदी मंदिरो पहरेदार तोईर।

यहून्नो 7:47

फरीसी मीहज़ी दोतिंङ जुबाब रेंईर, “छि केहरे ला दोऊ गप्पा रिंङ अच़ा अतिया?

यहून्नो 7:52

दोच़ी दोबि जुबाब रेंईर, “छि कांह गलील प्रदेशो शुनाह आ? पवित्र शास्त्रा रिंङ खंणु, कि अरीला भविष्यवक्ता गलील प्रदेशंङ च़ि माह अपतो।”

यहून्नो 9:16

दिरंङ महस फरीसी मीहरेर कुट्री लेहतिर, “दी मीह परमेश्वरो दोरच़ी माह शुह, छना कुचे दीह अरामो ध्याड़ा माह मनेक्च़ा।” ऊई मीहरे कुट्री लेहतिर, “दिह ठ्रोह पापी मीहे झांह ठ्रोह चिन्ह चमत्कार छना लेह तरपा?” दोऊ थल दोतु बिचंङ अनबन शुहचे इलि।

प्रेरित 11:24

बरनबास इच्च़ा रुठे मीह तोहई; दंङ पवित्र आत्मा ए बिशवास रंङ साते परिपूर्ण तोहई; दंङ महसे मीहज़ी प्रभु टोईच़ी विशवास लहरिर।

रोमियो 5:7

शायद ए अरिया धर्मी मीह थल्जी एनोह जहान रमतो, दि ता खरे तोह, तांला शुहबी तरपोतो कि रूठे मीहू थल्जी अरिया सिमी थल्जी तेयार शुहचे योतो।

फिलिपियों 2:14

दंङ भत्ते कम बिना कुड़कुड़ ए बिना झगड़ा लोहवा लंहि,