यहून्नो 4:9 - लाहौली बाइबिल

⁹ दुह सामरी मेच़िमी ज़ि यीशु हखा कुंई, कांह इच्च़ा यहुदी शुनाह, दंङ गेह इच्च़ा सामरी मेच़िमी शुगाह। “केई गिऊ दोरच़ी ती छिले पेट्रातन? छना कुचे यहुदी मीह ज़ि सामरी मीहतंङ साते छले नाता माह तहच़ि।”

यहून्नो 4:9 Iomraidhean Croise

मत्ती 10:5

दिहरे सनी तिंङ यीशुज़ि दिह आज्ञा रेह चरच़तो, “ऊईजाति तु ए सामरी मीहतु नगरंङ था ईलांई।

लूको 10:33

पर इच्च़ा सामरी प्रदेशो मुसाफिर दुह ए ठाहरीरिंङ च़ि अति अंऊर दुह घायल मीह तोहई दंङ दोबि खांई दोऊ टोईच़ी दया लहरी।

यहून्नो 4:27

दुहए घड़ी दोऊ चेलारे अतिरे, दंङ हेरान शुहचे इलिर कि यीशु दुह मेच़िमी रंङ साते गप्पा लहज़ी लेहकी तोह; तांला अच़िला माह रुक्तिरे, “कांह छि पेट्रातन? या छिले दोरंङ साते गप्पा लहज़ातन?”

यहून्नो 8:48

दिह रेड्रीरंङ साते यहुदी मीह ज़ि यीशु रंङ साते कुंई, “ञेंहरे दिह ठीक कुट्रातेन कि कांह सामरी शुनाह, कांह अंद्रेग मांजी आत्मा तोह?”

प्रेरित 1:8

पर अपेहल पवित्र आत्मा केहतु टोहकठे अपतो दोहपल केतिंङ सामर्थ खोकसोतो; दंङ यरूशलेम शहर ए भत्ते यहुदिया ए सामरिया प्रदेशारिंङ, दंङ संसारो भत्ते ठाहरीरिंङ मीहतिंङ गिऊ पाहठी कंड्रिमी थल्जी गिऊ गवाह शोंई।

प्रेरित 10:28

पतरसे दोरंङ साते कुई, “केतिंङ पता तोह कि ऊईजाति ऊ संगति लहज़ी या दोतु दोर्तिंङ इबि ञेंहतु यहुदी मीहतु खिलाप तोह, पर परमेश्वरे गिह्बी कांहषी ततो कि अरिला मीहबी अपवित्र या अशुद्ध माह कोहग।

प्रेरित 10:32

दिऊ थल्जी अतिया याफा शहरंङ च़रतु दंङ शमौन अतु मिन पतरस ला तोह बुलाएतु। दुह समुंद्रो मुखारिंङ शमौन, अंऊ च़मो व्यापार लहज़ा दोऊ चुंङ मेहमान तोह। अपेहल दुह अपतो, दंङ कनिंङ परमेश्वरो दोरच़ी इच्च़ा खबर रमतो।