यहून्नो 4:41 - लाहौली बाइबिल

⁴¹ दंङ दोऊ शिक्षाओ बजह च़ि महस मीहज़ी विशवास लहरीर।

यहून्नो 4:41 Iomraidhean Croise

लूको 4:32

दोर तिंङ ला मीहरेर दोऊ धर्मिक शिक्षा रंङ हेरान शुहचे इलिरे, छना कुचे दोऊ वचन अधिकारंङ साते तोहई।

यहून्नो 4:40

झांह लेह अपेहल दिहरे सामरी मीहरे यीशु ऊ कछंङ अतिर, ता दोऊ हखा बिनती लहज़ी लेहतिर कि ञेंहतु देहर बंङज़ु, दंङ दुह दोर्तिंङ झुह्ट ध्याड़ा तचेक बंङज़िरी।

यहून्नो 4:42

दंङ दुह मेच़िमी रंङ कुंई, “दा ञेंहच़ी सिर्फ कांह कुट्रिमी रंङ साते दिऊ टोहकठे विशवास मा लहज़ातंई, छना कुचे हेंज़ी ऐनाह ए रेड्रातंई दंङ कि दीह ए हेले संसारो उद्धार लहज़ा शुह।”

यहून्नो 6:63

आत्मा ता जीवन रड्रा शुह, शरीरो दोरच़ी छले फायदा माह। अंऊ गप्पा गेह केतंङ साते कुट्रातग दुह आत्मा शुह, दंङ जीवन ला शुह।

यहून्नो 7:46

सिपाही ज़ि जुबाब रेंईर, “अच़िला मीहे अपेहला झांह ठ्रोह गप्पा माह लहरी।”

प्रेरित 1:8

पर अपेहल पवित्र आत्मा केहतु टोहकठे अपतो दोहपल केतिंङ सामर्थ खोकसोतो; दंङ यरूशलेम शहर ए भत्ते यहुदिया ए सामरिया प्रदेशारिंङ, दंङ संसारो भत्ते ठाहरीरिंङ मीहतिंङ गिऊ पाहठी कंड्रिमी थल्जी गिऊ गवाह शोंई।

प्रेरित 15:3

कलीसिया ओ मीहज़ी दोतु यात्रा ओ थल्जी फोआ रे ढबाह ए बगतो ओ इन्तज़ाम लहरीर; दंङ दोरे ज़ोज़ा-ज़ोज़ा फीनीके प्रदेश ए सामरिया प्रदेशंङ ज़ि शुहचे अच़ा इलिर। लगातार दोरे अमरिंङ रूहम्ज़ा लेहतिर, विशवासी न्वारे तिंङ ऊईजाति मीहतु सेहम किरच़िमी ए दंङ यीशु टोईच़ी विशवास लहज़िमी खबरो पाहठी कंड्री लेहतिर। दि रेड्रा भत्ते विशवासी न्वारे महसे खुश शुहचे इलिर।

प्रेरित 8:12

पर अपेहल मीहच़ी परमेश्वरो राज्य ए यीशु मसीहू मिन्दु रूठे खबरा रिंङ फिलिप्पुस ओ शिक्षा रेड्राते बिशवास लहरिर, दिऊ वहज़ा ज़ि महसे मेच़िमी ए गंङमी ज़ि बपतिस्मा लेहप्तिर।

प्रेरित 8:25

पतरस यूहन्ना मीहतिंङ कंड्री लेहतिर अंऊ दोरे यीशु पाहठी रूठे रंङ ञेंहच़ातेर, दंङ प्रभु यीशु बचनो प्रचार लहज़ी लेहतिर। दोहथल दोरे यरूशलेम शहरो हखा वापिस अतिर, दंङ अमरिंङ यीशु पाहठी रूठे खबर सामरिया प्रदेशो महसे नगरारिंङ सुनाच़ी लेहतिर।

इब्रानियों 4:13

दंङ संसारो अंऊ ला चीज़ परमेश्वरो दोरच़ी ब्याके माह, पर छिल्ला हेंज़ी हेंदु जीवनो दोरच़ी लहसी तातंई, हेंदिंङ दोबि भत्ते कमो हिसाब रंड्री लेह्पोतो। दोऊ तुईज़ी भत्ते चीज़ारे अलसी ए प्रगट तोह।