यहून्नो 4:3 - लाहौली बाइबिल

³ दंङ यीशु यहुदिया प्रदेश केट्रा गलील प्रदेशो हखा अच़ा इलि,

यहून्नो 4:3 Iomraidhean Croise

मत्ती 10:23

अपेहल दोच़ी केरे इच्च़ा नगरारिंङ तंग लाहरिरे ऊई नगरारिंङ पोक्शे ईलांई। गेह केतंङ हेले कुट्रातग, केहरे अईता इस्राएलो भत्ते नगरंङ पिह्छी मशोंई, गेह मीहू योह वापिस अच़ा अपोग।

मरकुसो 3:7

दंङ यीशु एनोह चेलारे साते गलील झीलो कछंङ अच़ा इलि: दंङ गलील प्रदेशो शत्‌ह-शत्‌ह ठाहरिरिंङ ज़ि मीहतु महस मोड़े भीड़ यीशु थल शुहचे इलि।

लूको 17:11

यीशु एनोह चेला तंङ साते यरूशलेम शहरो हखा इबि अच़ा इलि, दोहपल दोरे सामरिया ए गलील इलाको दोरच़ी इबि लेहतिर।

यहून्नो 1:43

दोऊ ओइरग यीशु ज़ि गलील प्रदेशो हखा इबिमी सेहम लहरी, दंङ फिलिप्पुस रंङ साते दोई कुहतो, गिऊ चेला बणेक्पिमी थल्जी, “गिऊ थले शुहचे इला।”

यहून्नो 10:40

दंङ यीशु यरदन बेंडी ऊ नुरेच़ि दुह ठहरि रिंङ अच्च़ा इलि अंऊर यूहन्ना बपतिस्मा रंड्रा तोहई, दंङ दोर्तिंङ ए बंङज़िरी।

यहून्नो 11:54

दिऊ थल्जी यीशु ज़ि यहुदी मीहतु बिचंङ खुलम खुला जोज़ी ब्याड़ा लेह केह। दोर्तिंङ च़ि दुह सुनसान ठहरि रिंङ एनोह चेला तंङ साते एप्रेम मिंदंङ इच्च़ा इलाकंङ बंङज़ी लेहती।

यहून्नो 2:11

यीशु ज़ि गलील प्रदेशो काना नगरंङ एनोह मुण्डो चमत्कार कंज़े एनोह महिमा प्रगट लहरी दंङ दोऊ चेलाज़ि दोऊ टोईच़ी विशवास लहरीर कि दुह ए मसीह शुह।

यहून्नो 3:22

दिऊ थल यीशु ए दोऊ चेलारे यहुदिया प्रदेशंङ अतिरे; दंङ यीशु दोतंङ साते बंङज़ा बपतिस्मा रंड्री लेहती

यहून्नो 3:32

अंऊ ला दोई खंणी दंङ रेड्री, दोऊ ए गवाही रंड्रा; पर थोड़े अरे मीहरे दोऊ गवाही ग्रहण लहज़ातेर।

यहून्नो 4:47

दुह दी रेड्रा कि यीशु यहुदिया प्रदेशंङ च़ि गलील प्रदेशंङ अंज़े तोह, दोऊ कछंङ इलि दंङ दोरंङ साते बिनती लहज़ी लेहती कि जो दंङ गिऊ गंङकटु बि अईन लोहू: छना कुचे दुह सीमी तोहई।

यहून्नो 7:1

दिह गप्पो थल यीशु गलील प्रदेशो ऊई ठहरि रिंङ यात्रा लहज़ी लेहती, छना कुचे यहुदी सेंहणार दोबि सच़िमी कोशिश लहज़ी लेहकी तोईरे, दिऊ थल्जी दुह यहूदिया प्रदेशंङ इबि मिन्ज़ते।