यहून्नो 4:11 - लाहौली बाइबिल

¹¹ मेच़िमी ज़ि दोरंङ साते कुंई, “कांह कछंङ ती पिंङड्रीमी थल्जी ता छले माह, दंङ कुंआ महस ढूहगे तोह: दंङ दुह जीवनो ती कांह कछंङ अंऊरच़ि अंजा?

यहून्नो 4:11 Iomraidhean Croise

यहून्नो 3:4

नीकुदेमुसे दोहरंङ साते कुंई, मीह अपेहल यांङषे य्वात दंङ छना जन्म लेहपच़ी तरप्तो? दिह पक्‍का ए तोह कि इच्च़ा मीह अई फेरा जन्म लेहप्च़िमी थल्जी एनोह याहो खोकटुंङ इबि मरच़ि।

यहून्नो 4:14

पर अच़िला दुह तिऊ दोरच़ी तुंङमतो अंऊ गेह दोबि रामोग, दंङ दोबि अनंत जीवन तचेक तीस्कर माह अपतो; अंऊ ती गेह दोबि रामोग, दोऊ अंद्रेग दुह तिऊ मुर्ति शुहचे योतो अरी अनंत जीवन तचेक बहेक्एपोतो।”

यहून्नो 7:37

तम्बू त्याहरो योहसिमी ध्याड़ा रिंङ, अंऊ मोह्ड़े ध्याड़ा शुहबी, यीशु ज़ि खड़े शुहचे मीहतु हखा हाऊष रेंई कुंई, “अगर अरीया तिस्कररिंङ तोह ता गिऊ कछंङ अतंई दंङ तुंङ।

प्रेरित 10:14

पर पतरस ए कुई, “माह प्रभु, अपेहल ला माह; छना कुचे गेह अपेहल ला अपवित्र ए अशुद्ध चीज़ ज़हसी माह।”

1 कुरिन्थियों 2:14

पर फुको मीह परमेश्वरो आत्माओ सच्चाई ग्रहण माह लहज़ा, छना कुचे दोऊ नज़रा रिंङ मूर्खताओ गप्पो तोह इच्च़ा मीह पवित्र आत्माओ सिखासी गप्पो जांच परख लेह तरच़ा, अपेहल दोऊ अन्द्रेग परमेश्वरो पवित्र आत्मा बंङज़ा।

प्रकाशित वाक्य 21:6

दंङ दोई गिऊ हखा कुई, “दि भत्ते गप्पा पूरे शुहचे इलज़ा। गेह अल्फा ए ओमेगा, आदि ए अनंत शुगाह। अरिला तिस्करे तोह, गेह दोबि दुह तिऊ सोता ओ दोरच़ी मुफ्ता रिंङ तुंङमिमी थल्जी रमोग अंऊ दोई अनंत जीवन रंड्रा।”

प्रकाशित वाक्य 22:1

दोहथर स्वर्गदूते गिह्बी इच्च़ा बेंडी कंड्रिरी अंऊ दोरिंङ जीवनो ती तोहई। ती साफ अरशीहू ठ्रोह चमकेक्पाते। दि बेंडी परमेश्वर ए कुरच़ो सिंहासनो दोरच़ी हुंच़ाते।

प्रकाशित वाक्य 22:17

परमेश्वरो आत्मा ए ब्याहुत्री जबाब रेंई, “अता!” अरिला दि सग रेड्रा, दोबि ला कुट्री जूंशी तोह, “अता!” अरिला तिस्करे तोह, दुह देर अपतो। दुह ती तुंङरेंई अंऊ दोई जीवन रंड्रा, अंऊ कि दुह भत्ते तिंङ मुफ्ता रिंङ खोकसा अंऊ दिबी तुंङमी तातोर।

प्रकाशित वाक्य 7:17

छना कुचे कुरच़ा अंऊ सिंहासनो बिचंङ तोह, दोतु रखवाली लोहतो, ध्वांए छना इच्च़ा पोहाल ए एनोह त्रैंईतु रखवाली लहज़ा; दुह दोतिंङ ताज़ा ती तुंङमिमी थल्जी रैंज़ा शुहवा लोहतो अंऊ मीहतिंङ जीवन रंड्रा, दंङ परमेश्वर दोतु टिरा ज़ि भत्ते मिक्ति भ्रूच़िह च़रपोतो।”