यहून्नो 4:10 - लाहौली बाइबिल

¹⁰ यीशु ज़ि दोबि जुबाब रेंई, “केई माह ञेंहच़ातन कि परमेश्वरे कनिंङ छि रंड्री ततो, दंङ केई माह ञेंहच़ातन कि अरी कांह दोरच़ी ती पेट्री लेहकी तोह। अगर कनिंङ पता शुंईयां ता केई गिऊ दोरच़ी दिह पेट्री तोहई दंङ गेह कनिंङ जीवनो ती रेंईयां अच़ि जीवन रंड्री।”

यहून्नो 4:10 Iomraidhean Croise

लूको 11:13

अगर केरे मांजी शुहचे केन्दु कटुतिंङ रूठे धिरारे रंड्री ञेंहच़ातंई दंङ केहतु स्वर्गो पिता परमेश्वरे एनोह पेट्रातिंङ पवित्र आत्मा ज़रुर रमतो?”

यहून्नो 16:3

दंङ दोरे झांह दिऊ थल्जी लोहर, छना कुचे दोच़ी माह पिता परमेश्वर बि ञेंहच़ातोर माह गिह्बी ञेंहच़ातोर।

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

यहून्नो 3:16

छना कुचे परमेश्वरे संसारो मीहतंङ साते झांह ठ्रोह दाह लहरी कि दोई एनोह इच्च़ा योह रें च़रति, कि अच़िला दोऊ टोहकठे विशवास लोहतो दुह नाश माह शोह्तो, पर दोच़ी अनंत जीवन खोक्पोर।

यहून्नो 4:14

पर अच़िला दुह तिऊ दोरच़ी तुंङमतो अंऊ गेह दोबि रामोग, दंङ दोबि अनंत जीवन तचेक तीस्कर माह अपतो; अंऊ ती गेह दोबि रामोग, दोऊ अंद्रेग दुह तिऊ मुर्ति शुहचे योतो अरी अनंत जीवन तचेक बहेक्एपोतो।”

यहून्नो 6:35

यीशु ज़ि दोतंङ साते कुंई, “जीवनो रोटी गेह शुगाह; अंऊ गिऊ कछंङ अपा, दुह अपेहला योंई माह केषतो, दंङ अरी गिऊ टोहकठे विशवास लोहतो दुह अपेहला तीस्करे माह शोतो।

यहून्नो 6:51

जीवनो रोटी अंऊ स्वर्गंङच़ि तक्सा, दुह गेह शुगाह। अगर अच़िया दिह रोटीऊ दोरच़ी ज़ोतो ता हमेशा श्रींङे बंङज़ोतो; दंङ अंऊ रोटी गेह रमोग, दुह गिऊ फुक शुह अंऊ गेह संसारो मीहतु जीवनो थल्जी बलिदान लोहग।”

प्रेरित 9:11

दोथर प्रभु यीशु ज़ि दोरंङ साते कुई, अहच़ु दंङ सीधी मिंदंङ गली रिंङ इलज़ा, तरसुस शहरो शाऊला बि रुहक्तु अंऊ हेंतेग यहूदा ओ चुंङ तोह; छना कुचे दुह प्रार्थना लहज़ी लेह्की तोह,

रोमियो 8:32

परमेश्वरे एनोह योह एनोह थल्जी माह, पर दोबि हेंदु थल्जी एनोह बैरीतु हवाले लेह च़रति, दोई हेंदिंङ दू भत्ते धिर रमोतो अतिंङ दोई हेंदिंङ रंड्रीमी वाईदा लहसी ततो।

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

1 कुरिन्थियों 10:4

दू भत्ते ज़ि दू ए ती तुंङरिर, अंऊ परमेश्वरे दोतिंङ रंदे। दोच़ी इच्च़ा चट्टानो दोरच़ी हुंच़ा ती तुंङरिर, दंङ दू चट्टानो तुलना मसीह रंङ साते लहज़ातोर अच़ि दोतंङ साते बंङज़ा दोतिंङ जीवन रांई।

2 कुरिन्थियों 9:15

अतंई हेनर परमेश्वरो दुह दानो थल्जी मतलब दोऊ योह थल्जी धन्यवाद लोहनि अतु वर्णन अच़िला पूरे ठ्रोह लेह मरपोतो।

इफिसियों 2:8

छना कुचे अपेहल केहच़ी विशवास लहज़ातंई दंङ परमेश्वरे एनोह मोह्ड़े दाह ओ दोरच़ी केतिंङ बचाएक्तो, पर दि परमेश्वरो दान तोह।

इब्रानियों 6:4

अंऊ मीहरे एनोह विशवास छोड़ेके चरच़ातोर, दोतिंङ यह्च़ा पश्चाताप ओ हालातरिंङ वापिस हपि मरच़ि। दोच़ी इच्च़ा फेरा परमेश्वरो सच्चाई ञेंई चरच़ातोर, अंऊ परमेश्वरे तरफे अपा, दंङ दोतिंङ स्वर्गो दोरच़ी वरदान खोकसा तोह दंङ दोतिंङ ऊईतु दोरच़ी वरदान ला खोकसा तोह।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।

प्रकाशित वाक्य 21:6

दंङ दोई गिऊ हखा कुई, “दि भत्ते गप्पा पूरे शुहचे इलज़ा। गेह अल्फा ए ओमेगा, आदि ए अनंत शुगाह। अरिला तिस्करे तोह, गेह दोबि दुह तिऊ सोता ओ दोरच़ी मुफ्ता रिंङ तुंङमिमी थल्जी रमोग अंऊ दोई अनंत जीवन रंड्रा।”

प्रकाशित वाक्य 22:17

परमेश्वरो आत्मा ए ब्याहुत्री जबाब रेंई, “अता!” अरिला दि सग रेड्रा, दोबि ला कुट्री जूंशी तोह, “अता!” अरिला तिस्करे तोह, दुह देर अपतो। दुह ती तुंङरेंई अंऊ दोई जीवन रंड्रा, अंऊ कि दुह भत्ते तिंङ मुफ्ता रिंङ खोकसा अंऊ दिबी तुंङमी तातोर।

प्रकाशित वाक्य 7:17

छना कुचे कुरच़ा अंऊ सिंहासनो बिचंङ तोह, दोतु रखवाली लोहतो, ध्वांए छना इच्च़ा पोहाल ए एनोह त्रैंईतु रखवाली लहज़ा; दुह दोतिंङ ताज़ा ती तुंङमिमी थल्जी रैंज़ा शुहवा लोहतो अंऊ मीहतिंङ जीवन रंड्रा, दंङ परमेश्वर दोतु टिरा ज़ि भत्ते मिक्ति भ्रूच़िह च़रपोतो।”