यहून्नो 3:6 - लाहौली बाइबिल

⁶ मीहज़ी एनातु कटुतिंङ जन्म रंड्री। तांला सिर्फ परमेश्वरो आत्मा ए केतिंङ परमेश्वरो कटुतु रूपंङ लेहकि तरपोतो।

यहून्नो 3:6 Iomraidhean Croise

यहून्नो 1:13

दोरे माह, बाह-मेमेतु दोरच़ी, माह मीहू हिटी रंङ, माह मीहतु कटुऊ प्राप्ति थल्जी पर परमेश्वरो दोरच़ी जेह्की शुहर।

यहून्नो 3:7

हेरान थशुह कि गेह करंङ साते कुहतग, कि कनिंङ खरकोई रूपा रंङ जन्म लेहपच़ी ज़रूरी तोह।

रोमियो 7:18

छना कुचे गेह ञेंच़ातग, कि गिऊ पाप रूपी मीहतु स्वाभावा रिंङ छल्ले रूठे चीज़ वास माह लहज़ा। रूठे कम लहज़िमी हिटी ता गिह्बी तोह, पर दोतिंङ गेह लेह माहरच़ातग।

रोमियो 7:25

गेह बाह परमेश्वरो धन्यवाद लहज़ातग अच़ि यीशु मसीहू दोरच़ी गिह्बी बचाके च़रति। झांह लेह गेह घेंङौ सेहमे ता परमेश्वरो कानूनो भाषे लहज़ातग, पर फुके पापो कानूनो भाषे लहज़ातग।

रोमियो 7:5

छना कुचे अपेहल हेनर हेंदु पापी स्वाभावो वशा रिंङ तोईनी, दंङ पापो हिटी हेंदु अंदरेग कम लहज़ी लेहकी तोहई, दंङ कानूने दि मदम हिटी चेहक्पी लेह च़रति, दंङ मौतो फल पैदा लहज़िमी थल्जी हेंदु फुका रिंङ कम लहज़ाते।

रोमियो 8:13

छना कुचे अगर केरे पापमय स्वाभावो ठ्रोह ध्याड़ा च़रपोंई, दंङ हेले सिए योंई, अगर पवित्र आत्माओ सामर्थे पापमय कम सच़ी च़रपोंई, दंङ केरे श्रींङे बंङज़ोंई।

1 कुरिन्थियों 6:17

दंङ अंऊ प्रभु रंङ जुड़ेके यवा, दोऊ आत्मा ए प्रभु आत्मा इच्च़ा साते जुड़ेके यवा।

2 कुरिन्थियों 5:17

झांह लेह अगर अरिया मसीहू टोहकठे विशवास लहज़ा ता दंङ दोई इच्च़ा खरकोई स्वाभाव खोक्शातो, युई गप्पा बीतेगी इलजी तोह दंङ हेंतेग खरकोई गप्पा अच़ा अंज़े तोह।

गलातियों 5:24

अंऊ मीहरे यीशु मसीह रंङ साते संबध तहच़ातेर दोरे एनोह पापी स्वाभावो हिसाबे जीवन माह श्रींङमातोर। दिरे झांह ठ्रोह तोतोर छना कि दोच़ी एनोह पापी स्वाभावा बि क्रूसो टोईच़ी चड़ाएगी केहतोर।

इफिसियों 2:3

ञेंरे ला तुहई कि ए ठ्रोह जीवन श्रींङमातंई, दंङ पापी स्वाभावो हिटी पूरा लहज़ातेर, अंऊ ला हेंदु मदम हिटी दंङ मदम विचार ञेंहतु दोरच़ी लोहवातेर ञेंहच़ी दू ए लहज़ातंई। ऊईतु ठ्रोह, ञेंरे ला स्वाभाविक रूपारिंङ ज़ि मदम तोतोर, दंङ परमेश्वरो सज़ाओ अधीन तोहनि।

कुलुस्सियों 2:11

अपेहल केहच़ी मसीहू टोहकठे विशवास लहतंई, दंङ केहतु खतना मीहतु दोरच़ी माह शुई छना यहुदी मीहच़ी लेह, पर मसीहू दोरच़ी केहतु खतना शुहचे इलि अंऊ केहतु पापी स्वाभाव बि केहतु दोरच़ी शत्‌ह लेह च़रति।

1 यूहन्ना 3:9

दंङ अरिला परमेश्वरो कटु शुह दोई लगातार पाप माह लहज़ा; छना कुचे परमेश्वरो स्वाभाव दोरंङ तोह: दोई पाप लेह मरच़ा छना कुचे दुह परमेश्वरो दोरच़ी कटु शुह।