यहून्नो 3:5 - लाहौली बाइबिल

⁵ यीशु ज़ि जुबाब रेंई, गेह केतंङ साते हेले कुट्रातग, अपेहल तचेक अरीया मीह ती ए पवित्र आत्मा रंङ साते माह जेह्कपोतो ता दुह परमेश्वरो राज्य रिंङ इबि लेह मरपोतो।

यहून्नो 3:5 Iomraidhean Croise

मत्ती 18:3

दंङ कुहतो, “गेह केतंङ हेले कुट्रातग अपेहल तचेक केरे कटुतु ठ्रोह मशोंई केरे स्वर्गो राजंङ पिचे मरपोंई।

मत्ती 19:24

केतंङ यह्च़ा कुट्रातग कि छना ऊंठो चेबतु मिक्सो बिचंङज़ि हुंज़ी खरे तोह ध्वांए ए दुह वे ला खरे तोह साहुकारो परमेश्वरो राज्यरिंङ इबी।”

मत्ती 21:31

दिकुतु बिचंङ अच़ि बाहऊ हिटी पुरे लहज़ा?” दोच़ी कुह्तोर “तुहई दोई।” यीशुज़ि दोतिंङ कुहतो, गेह केतंङ हेले कुट्रातग कि चुंगी लेहपच़ा रे ए कुकम लहज़ा केरेबे तुहई परमेश्वरो राज्यरिंङ प्रवेश लोहर।

मत्ती 28:19

दिऊ थल्जी केहरे ईलांई, दंङ भत्ते जातिऊ मीहतिंङ चेला बणाक्तुंई; दंङ दोतिंङ बाह ए, योह ए, पवित्र आत्मो मिन्ज़ी बपतिस्मा रांई,

मत्ती 3:11

गेह केतिंङ ती ज़ि बपतिस्मा रंड्रातग अच़ि एनोह पापो दोरच़ी सेहम यहच़ातोर दंङ परमेश्वरो कछंङ अपातोर। गिऊ थल दुह अंजा शुह, अंऊ गिह्बी ला महस शक्तिशाली तोह, गेह दोऊ बूठ कुर्चिमी जोगे ला माह तोग। दंङ दुह केतिंङ पवित्र आत्मा रंङ बपतिस्मा रमतो।

मत्ती 5:20

छना कुचे गेह केतंङ साते कुट्रातग कि, अगर केहतु धर्मिकता ओ कम यहुदी शास्त्री ए फरीसी मीहतु धर्मो कम्माङ ज़ि महस माह शुई सा ता, केहच़ी स्वर्ग राजंङ अपेहल ला अपि मरपोंई।

मरकुसो 10:14

यीशुज़ि दी खांई रोषेक्सा दोतंङ साते कुतोह, “कटु बि गिऊ कछंङ अपि रंऊँ दोतिंङ मना थालोहू, छना कुचे ता परमेश्वरो राज्य दी कटुतु ठ्रोह भरोसेमंद मीहतु शुह।

मरकुसो 16:16

अंऊ ला गिऊ टोहकठे विशवास लोहतो दंङ बपतिस्मा लेहपतो दोऊ ए उद्धार शोतो, दंङ अंऊ विशवास मा लोहतो दुह परमेश्वरो दोहरची एनोह पापो सज़ा खोकसोतो।

मरकुसो 9:47

ध्वांए दुह टिरा हुंज़े च़रतु, दंङ केहतु थल्जी झुल्ला टिरारंङ साते नरकंङ इबिमी रुठे तोह कि काणे शुहचे सर्गंङ ईलांई।

लूको 13:24

“परमेश्वरो राज्यरिंङ संगड़े पेतंङज़ि इबि खरे तोह, छना कुचे गेह केतंङ साते कुट्रातग कि महसे मीहरे इबिमी कोशिश लोहर पर इबि मरपोर।

लूको 13:3

“गेह केतंङ साते कुट्रातग कि माहतोईरे; पर अगर केहच़ी पापो दोरच़ी सेहम माह यहच़ोंई ता केहरे भत्ते ध्यांए योह्सा योंई।

लूको 13:5

गेह केतंङ साते कुट्रातग झांह ठ्रोह माहतोईरे; पर अगर केहच़ी पापो दोरच़ी सेहम माह किर्ज़ोंई ता केरे लाह ध्यांए नाश शुहचे योंई।”

यहून्नो 1:13

दोरे माह, बाह-मेमेतु दोरच़ी, माह मीहू हिटी रंङ, माह मीहतु कटुऊ प्राप्ति थल्जी पर परमेश्वरो दोरच़ी जेह्की शुहर।

यहून्नो 3:3

यीशु ज़ि दोबि जुबाब रेंई, गेह करंङ साते हेले कुट्र्तग, अगर अच़िया खरकोई जन्म माह लेप्ति ता दोई परमेश्वरो राज्यो अनुभव लेह मरपोतो।

यहून्नो 3:4

नीकुदेमुसे दोहरंङ साते कुंई, मीह अपेहल यांङषे य्वात दंङ छना जन्म लेहपच़ी तरप्तो? दिह पक्‍का ए तोह कि इच्च़ा मीह अई फेरा जन्म लेहप्च़िमी थल्जी एनोह याहो खोकटुंङ इबि मरच़ि।

प्रेरित 2:38

पतरसे दोतंङ साते कुतोह, “केनातु मदम कमो दोरच़ी सेहम किर्ज़ुंई, दंङ केहतु बिचंङ ज़ि हर इच्च़ा एनोह-एनोह पापो माफी ऊ थल्जी यीशु मसीहू मिंदंङ बपतिस्मा लेहप्तुंई; दंङ केतिंङ पवित्र आत्माओ दान खोकसोतो।”

प्रेरित 3:19

झांह लेह केनातु मदम कमो दोरच़ी सेहम किर्तुंई दंङ परमेश्वरो हखा यह्च़ा अतंई कि केतिंङ केनातु पापो दोरच़ी माफी खोकसोतो।

रोमियो 14:17

परमेश्वरो राजारिंङ ज़े तुंङमी ज़रूरी माह, पर ज़रूरी गप्पा दि तोह कि परमेश्वरा रंङ साते सही जीवन श्रींङमातंई, पवित्र आत्मारिंङ शांति ए दू खुशी शुहबी तोह।

रोमियो 8:2

छना कुचे पवित्र आत्माज़ि केतिंङ दू जीवन रांहषी ततो अंऊ यीशु मसीहू दोरच़ी खोकसिरी दंङ दोई केतिंङ पाप ए मौतो दोरच़ी आज़ाद लहरी।

1 कुरिन्थियों 15:50

हे गिऊ प्यारे साथी विशवासी रे, गेह दि कुट्रतग, दि संसारारिंङ हेंदु फुक षाह ए शुहई ऊ बणेंके तोह; हेनर स्वर्गा रिंङ परमेश्वरो रजा रिंङ हेंदु दि फुका रंङ साते इबी मरपोंई। हेनर स्वर्गारिंङ हेंदु झांह ठ्रोह फुकारंङ साते बंङज़ी मरपोंई अंऊ सिए यवात, छना कुचे दोर्तिंङ अपेहला सिए माह।

1 कुरिन्थियों 2:12

हेनर ध्वांए ठ्रोह माह सोचेक्च़ातंई छना संसारो मीहरे सोचेक्च़ातोर; छना कुचे हेंज़ी दू आत्मा खोकसी तातंई, अंऊ परमेश्वरो तरफे तोह, कि हेनर दू गप्पा ञेंओनि, अंऊ परमेश्वरे हेंदिंङ रांहषी ततो।

1 कुरिन्थियों 6:11

तुहई केहतु बिचंङ रे ध्यांए ठ्रोह श्रींङमातेर, पर केरे प्रभु यीशु मसीहू मिंदंङ साते ए हेंदु परमेश्वरो आत्मा रंङ साते केहतु पाप शुहल्ज़े चरच़तो, दंङ केतिंङ एनोह थल्जी शत्‌ह लहरी दंङ केतिंङ एनोह नज़ारारिंङ धर्मी बणाके चरच़तो।

गलातियों 6:15

अतुआ खतना शुचि शुह आ माह शुह आ, दि छल्ले मतलब माह तहज़ा, पर परमेश्वरे दोरच़ी इच्च़ा खरकोई मीह बणेषी ए मलतब तहज़ा।

इफिसियों 5:26

ताकि दोरे कलीसिया बि परमेश्वरो बचनो ति रंङ च़िए शुद्ध लेह पवित्र बणाके तरपोर।

1 पतरस 1:2

बाह परमेश्वरे महसे तुहई केतिंङ एनोह मीहरे शुहबी थल्जी ए पवित्र आत्मा कमो दोरच़ी केतिंङ पवित्र शुहबिमी थल्जी अंङे चरच़तो। दोई दि दिऊ थल्जी लहरी ताकि केरे यीशु मसीहू हुकुमो भाषे लोहनि दंङ दोऊ शुहई दोरच़ी शुद्ध शुहचे तरपोंई। गेह प्रार्थना लहज़ातग कि परमेश्वर केतिंङ मोह्ड़े दाह ए भरपूर शांति रमतो।

1 पतरस 3:21

तुहई कि टेमारिंङ दोतु उद्धार हेंतेग हेंदु उद्धारो इच्च़ा उदाहरण तोह अपेहल हेनर बपतिस्मा लेहपच़ातंई, दोई हेंदु फुको दोरच़ी क्रि शत्‌ह माह लहज़ा, पर दि इच्च़ा चिन्ह शुह कि हेंज़ी परमेश्वरो दोरच़ी माफी पेट्रातंई ताकि तुंखा हेंदु सेहम परेशान माह बंङज़ोतो। हेंदिंङ माफी खोकसोतो छना कुचे यीशु मसीह सिमी थल यह्च़ा श्रींङे इलज़ा।

1 यूहन्ना 2:29

छना कुचे केहच़ी ञेंच़ातंई, कि मसीह धर्मी शुह, दंङ दिला ञेंच़ातंई, कि अच़िला धर्मो कम लहज़ा, दोरे परमेश्वरो कटुरे शुरे।

1 यूहन्ना 5:1

अतु दि विशवास तोह कि यीशु ए मसीह शुह, दुह परमेश्वरो कटु शुह। दंङ अरिला बाह परमेश्वरारंङ साते दाह लहज़ा, दंङ दोई दोतंङ साते लाह दाह लोहतो अंऊ परमेश्वरो कटुर शोर।