यहून्नो 3:4 - लाहौली बाइबिल

⁴ नीकुदेमुसे दोहरंङ साते कुंई, मीह अपेहल यांङषे य्वात दंङ छना जन्म लेहपच़ी तरप्तो? दिह पक्‍का ए तोह कि इच्च़ा मीह अई फेरा जन्म लेहप्च़िमी थल्जी एनोह याहो खोकटुंङ इबि मरच़ि।

यहून्नो 3:4 Iomraidhean Croise

यहून्नो 3:3

यीशु ज़ि दोबि जुबाब रेंई, गेह करंङ साते हेले कुट्र्तग, अगर अच़िया खरकोई जन्म माह लेप्ति ता दोई परमेश्वरो राज्यो अनुभव लेह मरपोतो।

यहून्नो 3:5

यीशु ज़ि जुबाब रेंई, गेह केतंङ साते हेले कुट्रातग, अपेहल तचेक अरीया मीह ती ए पवित्र आत्मा रंङ साते माह जेह्कपोतो ता दुह परमेश्वरो राज्य रिंङ इबि लेह मरपोतो।

यहून्नो 6:53

यीशु ज़ि दोतंङ साते कुंई, “गेह केतंङ साते हेले कुट्रातग अपेहल तचेक केहच़ी गेह मीहू योह ओ फुक माह ज़ोऊनी दंङ गिऊ शुहई माह तुंङमोन, केनाह तिंङ जीवन माह।

यहून्नो 6:60

दिऊ थल्जी यीशु ऊ चेला तु बिचंङ च़ि महसे ज़ि दिह रेड्राते कुईर, “दिह ता मुशकिल शिक्षा शुह; दिह अच़ि मनेक्च़ी तरपोतो?”

1 कुरिन्थियों 1:18

अपेहल मीहरे दि रूठे खबर रेड्रातोर कि मसीह क्रूसो टोईच़ी सिए इलि दंङ दोतु बिचंङ रें मीहरे दि सोचेक्च़ातोर कि दि खबर शुहके शुह। अंऊ मीहरे झांह ठ्रोह सोचेक्च़ातोर दोरे नरको हखा इबि लेहकी तोतोर। पर हेंदु थल्जी अंऊ दू रूठे खबरो टोईच़ी विशवास लहज़ातोर, दि परमेश्वरो मीहतिंङ एनोह सामर्थो दोरच़ी बचाच़िमी तरीका शुह।

1 कुरिन्थियों 2:14

पर फुको मीह परमेश्वरो आत्माओ सच्चाई ग्रहण माह लहज़ा, छना कुचे दोऊ नज़रा रिंङ मूर्खताओ गप्पो तोह इच्च़ा मीह पवित्र आत्माओ सिखासी गप्पो जांच परख लेह तरच़ा, अपेहल दोऊ अन्द्रेग परमेश्वरो पवित्र आत्मा बंङज़ा।